تجربتى للكيا سبورتاج 2014 بين المتعة والقلق

**Ahmed_Adham** · 29-06-2013 01:31 PM

المشاركة الأصلية كتبت بواسطة dr.sherif

بس أحب أوجة سؤال لحضرتك ولكل اﻹخوة وخصوصا اللي ركبوا قطع غيار فى توكيل كيا...هل نوع الزجاج وجودة تركيبة فى التوكيل هو نفسة فى المصنع ؟ وﻻ التركيب هنا هيعيب العربية ؟
لإن فى ناس نصحونى متغيرش حاجة إذاكان العيب دة مش واضح أوى فهو أحسن من تركيب سئ للزجاج الجديد وتفضل شايفة وزعﻻن علطول

أنا غيرت ازاز الكارينز بعد حوالي اسبوعين من الاستلام بسبب طوبه نزلت من تريلا في وشي (على حسابي طبعا) ومفيش أي فرق بينه وبين القديم ومكتوب عليه نفس الكلام بالظبط ومفيش أي ملاحظات سلبيه على التركيب. كل الحكايه هيقولك يوم ما تغيره متمشيش على سرعه عاليه ليوم واحد وبعد كده تفك اللزق وتمشي طبيعي.

**Mizo555** · 29-06-2013 10:11 PM

ربنا معاك يا باشا ومتسيبش حقك، بس معلش كنت عايز اسأل حضرتك هما عملوا اية فى التوكيل فى صيانة 1000 km واتكلفت كام

**dr.sherif** · 30-06-2013 02:06 AM

المشاركة الأصلية كتبت بواسطة محمد بدر

حسبنا الله ونعم الوكيل فى كل توكيلات مصر

أهلا بيك ا/ محمد
والله الغريب إنى كتت متخيل إن توكيل كيا كويس
لكن حسبي الله ونعم الوكيل

**dr.sherif** · 30-06-2013 02:12 AM

المشاركة الأصلية كتبت بواسطة ahmed_adham

أنا غيرت ازاز الكارينز بعد حوالي اسبوعين من الاستلام بسبب طوبه نزلت من تريلا في وشي (على حسابي طبعا) ومفيش أي فرق بينه وبين القديم ومكتوب عليه نفس الكلام بالظبط ومفيش أي ملاحظات سلبيه على التركيب. كل الحكايه هيقولك يوم ما تغيره متمشيش على سرعه عاليه ليوم واحد وبعد كده تفك اللزق وتمشي طبيعي.

طب كويس طمنتنى على جودة الزجاج والتركيب
بس اﻷهم من ذلك نطمن على وش حضرتك يارب يكون عدى الموضوع بتاع الطوبة دة على خير بدون إصابة(1000 سﻻمة)

**dr.sherif** · 30-06-2013 02:22 AM

المشاركة الأصلية كتبت بواسطة Mizo555

ربنا معاك يا باشا ومتسيبش حقك، بس معلش كنت عايز اسأل حضرتك هما عملوا اية فى التوكيل فى صيانة 1000 km واتكلفت كام

اﻷول أناحجزت ميعاد للصيانة من call center
ورحت سلمت العربية وإنتظرت فى اﻹستراحة حوالى مايقرب من ساعتين
وبعدين دفعت مبلغ تقريبا 300 جنية
غيرو زيت المكنة وفلتر الزيت وربطو العفشة وشيكو على 24نتقطة فى العربية....وطبعا أنا مشفتش أى حاجة
وقالولي إن مصنعية صيانة 1000 مجانية وأللي دفعتة دة تمن الزيت والفلتر فقط

**dr.sherif** · 30-06-2013 02:59 AM

بمناسبة مركز الخدمة وصيانة 1000كم
حصل معايا فى اليوم دة موقف طريف جدا
فى البداية يوم مإستلمت العربية من فرع أبو رواش قولتلهم أنا عاوز أركب جهاز إنظار بتتبع ومانع سرقة نظرا لظروف البلد واﻹنفﻻت اﻷمنى
وخصوصا أنا مقيم فى المحلة الكبرى ودى منطقة تنتشر فيها سرقات السيارت وأحيانا باﻹكراه فقالولى معنداش الكﻻم دة ومفيش تركيب أى حاجة زي دى فى التوكيل
فقلتلهم طب لو أنا ركبتة برة يبقى فى مشكلة ... قالولى طبعا المشكلة إنك تطلع برة الضمان ..فدخلت لمدير الصيانة وقلتلة إية المنطق إنك فى الظروف دى مش بتركب عندك أى وسائل أمان وكمان بتحظر من تركيبها برة وبتهددنا بالضمان هو حضرتك شغال مع الحرامية وخايف على أكل عيشهم وﻻإية..فضحك وقالى إطمئن خروج الضمان على أى قطعة أو مكان عملت فية أى حاجة برة التوكيل يعنى لو ركبت جهاز إنزار الضفيرة تبقى برة الضمان وهكذا وبالرغم من إن الكﻻم دة مأقنعنيش بلعته بمزاجى
المهم أنا صديقى مهندس ..الحقيقة ياجماعة عبقرى كانت إتسرقت منه عربيتة مرة وبعدين جابها وقرر إنه يبتكر جهاز بباث ورد مكون من أربع أرقام على بوردة كمبيوتر وكيبورد شكلها جميلة جدا وعملية مش بس رقم
سرى لعدم إدارة المحرك بس ﻷ وكمان فعال جدا فى حالات السرقة باﻹكراه كمان ﻻقدر الله
ولثقتى البالغة بصديقى المهندس أول حاجة عملتها لما جبت العربية ركبت الجهاز وكنت متفق معاه بالمحايلة ﻹنة مش شغال فى الموضوع دة هو بس عمله لنفسة ولكام واحد من أصدقائنا فقط
المهم يوم مكنت فى التوكيل المهندس إللى إستلم مني السيارة شاف الجهاز وقالي إية دة وهو مندهش قوي ومحسسني إنى أنا يعني عامل عاملة
بصراحة رديت رد رخم ﻹن دخلتة مكنتش عجبانى ...وقلتلو ملكش دعوة بية حضرتك تعمل صيانتك ومتجيش نحيتة ليكهربك
وبعدين قعدت فى اﻹستراحة ندهوا عليا وقالولى تعالى جوة عاوزينك .. ساعتها قولت أكيد هما حبوا يستكشفوا دة إية والعربية زرجنت معاهم وفضحتهم
وروحت وفعﻻ زي متوقعت السيارة بطلت خالص وإدت سارينة متواصلة وفضحتهم وعلى فكرة حاولو بكل الطرق يوقفوا مفعولها بأى شكل قبل ميندهولى ﻹنى لقتهم فتحين بيدورو ا على كهربة هذا الجهاز منين
ولقيت المهندس بيقولى بكل أدب ممكن حضرتك تقول دة إية وبشتغل إزاى .. ساعتها لما لقيتة مؤدب شرحتله بالضبط ولقيته إنبهر قوى وخصوصا لما عرف إن إللي عاملها مهندس غير متخصص

**zangry** · 30-06-2013 03:16 AM

حضرتك حاول معاهم مرة اخيرة وهددهم انك هتشتكي للشركة الام وانك هتبلغ حماية المستهلك .. الحاجات دى ساعات كتير اوي بتجيب معاهم ولو مجبتش هتعمل كده فعلا وحقك هيرجع انشاء الله .. بس طول بالك شوية

**aafawaz** · 04-07-2013 02:21 PM

شركه معفنه اسف للفظ بس ده ارق كلمه

**Land_Cruiser** · 04-07-2013 03:14 PM

أعملهم شكوي بكل التفاصيل وإذا لم يستجيبوا يبقي تلجأ لحمايه حقوق المستهلك

**Ahmed_Adham** · 04-07-2013 04:48 PM

المشاركة الأصلية كتبت بواسطة dr.sherif

طب كويس طمنتنى على جودة الزجاج والتركيب
بس اﻷهم من ذلك نطمن على وش حضرتك يارب يكون عدى الموضوع بتاع الطوبة دة على خير بدون إصابة(1000 سﻻمة)

لاء الحمد لله الطوبه مدخلتش من الازاز بس عشان كانت الخبطه فوق المساحه بالظبط مشوفتهاش ساعتها وافتكرت انها اتزحلقت بدون خساير لأني كنت شايف الازلز سليم وأنا سايق والكلام ده كان الصبح. جيت أخرج بالليل لقيت الازاز مفلوق بالطول من مكان الخبطه لحد فوق عند مرايه الصالون. لو كنت شوفته وقت الخبطه كنت لحمته ومكنش كمل في باقي الازاز بس يلا خد الشر وراح.