استفسار عن غسيل الريداتير و تغيير المياه

السلام عليكم جميعا

دلوقتى انا كنت عايز أغسل الريداتير و أغير المياه فى عربيتى ال hd علشان الجو الحر و كمان ماغيرتش المياه من حوالى سنة و نص .. ياريت لو أى حد من الاخوة الاعضاء يرشحلنا حد يكون محترم و بيفهم نعمل عنده الموضوع ده و يستحسن يكون قريب من مدينة نصر.

و كمان كنت عايز اعرف هحتاج كام لتر تقريبا من المياه الخضراء علشان اجهزها معايا و انا رايح.

و شكرا مقدما.

سيب المياه الاصليه زي ما هي
اغسل الردياتير من بره بس في اي بنزينه بتسليط ضغط مياه وهوا عليها مش اكتر
المياه الاصليه لو ضاعت هتخسر كتير

ماهو انا مش متأكد ان المياه اللى فيها دى هى الاصلية ولا اتغيرت قبل كده لانى تانى مالك و كمان اعتقد ان الصح هو تغيير المياه كل فترة لتحسين دورة التبريد خصوصا مع الجو الحر و الشد و الحرق و كمان انا بعمل كيلومتر عالى جدا.

فى انتظار باقى الاراء.

Sent from my GT-N7100 using Forum Runner

افضل مياه خضراء هى موبيل والثمن 80 جنيه

متابع للأهمية :)

تغير المياه
تجيب بريستول او موبيل
انا بتعامل مع الاسطى جعفر فى موبيل الطيران بس مش عارف هتعرف تروح له ولا لا

يا باشا معلش سيبك من موضوع المية الاصليه دى لان المية بتتغير عندك وعندى واغلب هيونداى كل 40.000 ك او سنة على ما اعتقد لان بعد المده دى المية بتفقد خواصها طبيعى لان مفيش حاجة اسمها ان المية هتقعد طول العمر لان دى يبقى فتى
وفيه محطات البنزين اللى فى الهرم او ان افضل غير المية فى التوكيل احسن
وافضل نوع الموبيل ونصيحة متجيبش غيرها ولا عايدة الاسبانى ولا نحمده الهندى :)

[quote=khaabas;3875072514
وافضل نوع الموبيل ونصيحة متجيبش غيرها ولا عايدة الاسبانى ولا نحمده الهندى :)[/quote]

هههههه و الله تضحكتنى

اقتباس:

---

المشاركة الأصلية كتبت بواسطة aymanshebl

هههههه و الله تضحكتنى

---

خلاص ادعيلى بقى تمن ما ضحكتك :)

اقتباس:

---

المشاركة الأصلية كتبت بواسطة khaabas

خلاص ادعيلى بقى تمن ما ضحكتك :)

---

روح يا شيخ اللهى تمون و ترجع بسرعة هههههه خلاص بهزر انت صدقت ربنا يباركلك و بالتوفيق دايما

ههههههههههع

ارجو الاطلاع على الروابط

http://www.nilemotors.net/Nile/328901-1400.html (غسيل دوره التبريد سيينا 1400 بالصور..) (غسيل دوره التبريد سيينا 1400 بالصور..) (غسيل دوره التبريد سيينا 1400 بالصور..)

http://www.nilemotors.net/Nile/217131-a-2.html (تنظيف الردياتير)

تحياتى للجميع
_____

اقتباس:

---

المشاركة الأصلية كتبت بواسطة akmm

افضل مياه خضراء هى موبيل والثمن 80 جنيه

---

مظبوط يا فندم و انا فعلا باستعملها

اقتباس:

---

المشاركة الأصلية كتبت بواسطة a.saad

تغير المياه
تجيب بريستول او موبيل
انا بتعامل مع الاسطى جعفر فى موبيل الطيران بس مش عارف هتعرف تروح له ولا لا

---

شكرا على الافادة هاروحله ان شاء الله بعد المظاهرات ما تهدى.

اقتباس:

---

المشاركة الأصلية كتبت بواسطة khaabas

يا باشا معلش سيبك من موضوع المية الاصليه دى لان المية بتتغير عندك وعندى واغلب هيونداى كل 40.000 ك او سنة على ما اعتقد لان بعد المده دى المية بتفقد خواصها طبيعى لان مفيش حاجة اسمها ان المية هتقعد طول العمر لان دى يبقى فتى
وفيه محطات البنزين اللى فى الهرم او ان افضل غير المية فى التوكيل احسن
وافضل نوع الموبيل ونصيحة متجيبش غيرها ولا عايدة الاسبانى ولا نحمده الهندى :)

---

ماهو ده قصدى انها لازم تتغير كل فترة .. بس ماقلتليش ال hd تاخد كام لتر مياه

اقتباس:

---

المشاركة الأصلية كتبت بواسطة gelgel2004

ارجو الاطلاع على الروابط

http://www.nilemotors.net/nile/328901-1400.html (غسيل دوره التبريد سيينا 1400 بالصور..) (غسيل دوره التبريد سيينا 1400 بالصور..) (غسيل دوره التبريد سيينا 1400 بالصور..)

http://www.nilemotors.net/nile/217131-a-2.html (تنظيف الردياتير)

تحياتى للجميع
_____

---

مشكور يا فندم على الرد و الافادة .

اقتباس:

---

ماهو ده قصدى انها لازم تتغير كل فترة .. بس ماقلتليش ال hd تاخد كام لتر مياه

---

شوف الار بى وhd على ما اعتقد واحد لاننا نفس كل حاجة فعلى حسب كتالوج العربية عندى 5.3 لتر
وعلى فكرة ميه موبيل بيتباع منها لتر او جركن 4 لتر
وشوف برده الكتالوج عندك

اقتباس:

---

المشاركة الأصلية كتبت بواسطة khaabas

شوف الار بى وhd على ما اعتقد واحد لاننا نفس كل حاجة فعلى حسب كتالوج العربية عندى 5.3 لتر
وعلى فكرة ميه موبيل بيتباع منها لتر او جركن 4 لتر
وشوف برده الكتالوج عندك

---

شكرا يا باشا :verygood:

مش عارف بقي الكلام دا صح ولا غلط انا معايا فيرنا واخر مرة مغير المياة وكانت برضه موبيل من سنتين و لحد دلواقتي ماغيرتهاش
قولت اشتري جركن ميه خضرا وموبيل برضه واروح لبتاع الرادياتير و بص في القربه و بص في الرادياتير نفسه قالي بجد خساره دي ممكن تقعد سنه تاني و الرادياتير زاي افل
قالي سنه تاني معاك هل صح الكلام دا ولا ايه و هو للعلم امين جدا والناس كلها بتشكر فيه وكان فاضي و مش هايخسر حاجه بالعكس دا هايكسب فياريت تنصحوني

اقتباس:

---

المشاركة الأصلية كتبت بواسطة shooda2020

مش عارف بقي الكلام دا صح ولا غلط انا معايا فيرنا واخر مرة مغير المياة وكانت برضه موبيل من سنتين و لحد دلواقتي ماغيرتهاش
قولت اشتري جركن ميه خضرا وموبيل برضه واروح لبتاع الرادياتير و بص في القربه و بص في الرادياتير نفسه قالي بجد خساره دي ممكن تقعد سنه تاني و الرادياتير زاي افل
قالي سنه تاني معاك هل صح الكلام دا ولا ايه و هو للعلم امين جدا والناس كلها بتشكر فيه وكان فاضي و مش هايخسر حاجه بالعكس دا هايكسب فياريت تنصحوني

---

انا رأيى انك كده كده جبت الجركن خلاص و سنتين كفاية أوى فى الجو ده .. توكل على الله و غير المية.

ها يا باشا عملت ايه

لسه شويه ياباشا .. المكان ده قريب جدا من مليونية المؤيدين للرئيس بالتالى هستنى كام يوم كده بس العملية تهدى شوية و اروح على طول .. اول ما اخلص هانزل بالتفاصيل ان شاء الله. :36_1_34[1]:

ادخل بس انتا بقلب جامد وحط بوستر من بوسترات تمرد وموش هاقولك بقى ايه اللى هيحصل فى العربية هتتقلب بورش ههههههههع
تصحيح ليست مليونية :)

هيا من ناحية تقلب هاتقلب لكن مش بورش .. هاتقلب مكوك فضائى من هنا للاخرة على طووووول :36_2_49[1]:

اقتباس:

---

المشاركة الأصلية كتبت بواسطة ice_man

هيا من ناحية تقلب هاتقلب لكن مش بورش .. هاتقلب مكوك فضائى من هنا للاخرة على طووووول :36_2_49[1]:

---

ههههههههع

عملتها يا رجالة .. البنزينة اللى عند رابعة قافلة بقالها كتير المهم قعدت ادور على مكان تانى لغاية ما وصلت لواحد كويس فى بنزينة موبيل المعادى (اللى جنب بيت الدونتس) و الراجل ظبطهالى تمام .. العربية أخدت جركن كامل موبيل 4 لتر و تانى يوم احتجت نص لتر ازود بيه الصبح.
العربية بقت انعم كتير من الاول و كمان صوت الموتور هدى حوالى 50% .. الظاهر انى كنت متأخر عليها جدا.. بس الحمد لله الفرق يستاهل.

اى تفاصيل تانية انا موجود ان شاء الله.