تقييم وتقرير مفصل بالصور .. كيا سيراتو الجديدة 2013

**Hosam_Optrawy** · 12-09-2014 01:40 AM

المشاركة الأصلية كتبت بواسطة احمد هريدي

انا بقارن بينها وبين شيفروليه كروز جديده ايه افضل

ايه أفضل من حيث إيه

كل عربيه ليها مميزات وعيوب

بس عموما الكروز دلوقتى بسعرها ومواصفاتها صفقه ممتازه

والسيراتو سعرها بقى أوفر

**ahmed celevr** · 23-09-2014 10:39 AM

السلام عليكم ورحمة الله وبركاته
سؤال هام جداً لمالكى السيراتو ...
معروض عليا سيراتو اول فئة خليجى ( ايرباج ... aps ) ستيبترونك موديل 2013 الفتيس الجديد 6 نقلات فابريقا بالكامل بره وجوه وعدادها عامل 30000 وطالب فى سعرها 116000 كده ولا مش كويس وياترى الموديل ده كويس ولا ايه .
ارجوا النصيحة ضرورى وهى احسن ولا ميتسوبيشي لانسر الشكل القديم .

**hofo** · 01-10-2014 11:35 PM

المشاركة الأصلية كتبت بواسطة hofo

انا معايا السيراتو الشكل الجديد بقالها حوالى سنة ونص وماشية 50 الف تمام وزى الفل وفجأة امبارح بس الجير الاوتوماتيك خرب وبقة الريفرس والبارك مابيجيش ابدا وعشان ارجعها لورا لازم انزل اذوقها.

وزمايلى في الشركة كذا واحد حاصله مشكلة في الجير وفي المكيف وده مش بس السيراتو ده فى السبورتاج والسيرنتو والكادنزا.

ملاحظة: الكلام ده فى السعودية والشركة عندنا جابت بتاع 60 عربية كيا للموظفين وما شاء الله كله بيشتكي و معظم العربيات ظهر فيهم مشاكل بعد سنتين وتلات سنين شغل بمتوسط 70 الف كيلو متر.

العربية وديتها التوكيل وصلحوها من غير ولا هلله واتضح ان المشكلة فى سستة اللى بتسمح للجير انه ينقل ورا او يجيب بارك.

كمجمل العربية كويسة ماعدا مشاكل الجير والتكييف اللى ظهرت فى عربيات زمايلى

**Waleed_aboammar** · 20-10-2014 01:43 PM

تقرير ممتاز و ماشاء الله العربية جميلة من جوا و ربنا يحفظك. ياريت تقولنا على ارتفاعها مع التحميل و كمان ثباتها في الملفات القاسية و هل هي مزودة باتزان اليكترونى و لا لأ اللى هو ESP "Electronic Stability Program/system"؟

**Hosam_Optrawy** · 20-10-2014 01:50 PM

المشاركة الأصلية كتبت بواسطة Waleed_aboammar

تقرير ممتاز و ماشاء الله العربية جميلة من جوا و ربنا يحفظك. ياريت تقولنا على ارتفاعها مع التحميل و كمان ثباتها في الملفات القاسية و هل هي مزودة باتزان اليكترونى و لا لأ اللى هو ESP "Electronic Stability Program/system"؟

شكرا ربنا يخليك

الارتفاع بحمولة 4 أشخاص الحمد لله ماحكتش معايا قبل كدا

بالنسبه للملفات مجربتش بصراحه اخد ملفات على سرعات عاليه ، لكن الثبات بشكل عام كويس جدا في الطوالى والتنقل بين الحارات لحد 160 ماجربتش اكتر من كدا وكانت مسافه صغيره بس ماكنتش قلقان خالص ومتحكم في العربيه

مافيهاش Esp

**سامح علي** · 10-04-2015 06:49 AM

السلام عليكم انا ناوي باذن الله اشتري سيراتو 2015 فئه 3 اتوماتيك فا يا ريت لو حد يفيدني ويدينه رايه فالعربيه من حيث الجوده واي حاجه هو شايفها ولا اجيب الالنترا او القرش والناس خوفتني من القرش ان ملهاش سوق لو حبيت ابيعها بعد فتره