الصبر حلو يا ابو حميد
ان شاء الله فرج قريب
عرض للطباعة
الصبر حلو يا ابو حميد
ان شاء الله فرج قريب
والله انا سمعت ان الأزمة اتحلت انا النهردة الفجر نزلت المعادي عندي بفول استغربت ان مكنش فيه إلا 3 عربيات فيه البنزينة انا قولت ده 95 بس لقيت عربية شهين بتفول قولت اكيد ده مش بتفول 95 سألت قالولي فيه 92
وانا مروح عديت على بنزينة شيل إل في الاسيلكي لقيتها فاتحه وفيها بنزين ومفيهاش حد بيمون إلا واحد بس مش عارف بقى ده حظ ولا هي فعلا اتحلت بس بردو هننزل يوم 30/6 علشان نخلص من الهم بتاعهم ده ناس متعرفش ربنا و الله العظيم
بحس فعلا ان كتير من مؤيدين الاخوان فعلا مخدوعين او مغيبين و بالذات الاختيار التانى
تحس كدة انه بيحكى عن مصر تانية غير اللى احنا عايشين فيها ,,
الله اعلم هو مصدق نفسه (مغيب ) و لا من جواه عارف المصايب و بيتحامل على نفسه عشان فاكر ان كده بيخدم الدين زى ما فهموه (مخدوع )
فى مقولة منسوبة لمصطفى محمود ( اذا رأيت الناس تخشى العيب اكثر من الحرام , وتحترم الأصول قبل العقول , ويقدسون رجال الدين أكثر من الدين نفسه فاعلم انك في الدول العربيه)
اه صحيح ,, جبت منين وقت فاضى ؟
11 ساعة ؟!!!!!!!!!!!!!!!!!!!!!!
يا باشا لما تبقى فيه دوله يبقى فيه بنزين .
ههههههه
اهي دى المبالغات و الافورة اللى موديه البلد ف داهية بنزين ايه اللى بيتمون ف 11 ساعة
اتقوا ربنا بقى :)
انا ممون ف 3 ساعات بــــــــــــــــــــــــ ـــــــــس و الدنيا زى الفل :)
و حسبى الله و نعم الوكيل ف اللى كان السبب
حضرتك لو خدت بالك من كلام استاذ احمد هتلاقيه بيقول (لحد دلوقتي عربية البنزين مجاتش ) ,, يعنى ال 11 ساعة دول وقت انتظار عربية البنزين زائد وقت الانتظار ف الطابور ,, و اكيد يعنى محدش هيقف ف الطابور 11 ساعة ,, دا هيكون البنزين خلص اساسا
بس اللى محيرنى ,, جاب منين وقت 11 ساعة ؟ و استحمل ازاى الوقت دا كله ؟
طب خد دى انا يوم الأربعاء نزلت الساعة 11م ووقفت طبور حوالى 40 عربية لمده ساعتين والبنزين خلص والعربية لمبة البنزين نورت المهم رجعت مسافة حوالى 25ك حوالى 10 بنزينة مافيش بنزين ويوم الخميس من الساعة 5م باحاول افول بالعربية وقفت فى محطة لحوالى 8م المهم البنزين خلص وطبعا الكهرباء قطعت ساعة كمان خلال المدة دى ومشيت بالعربية ادور تانى ووقفت فى بنزينة تانية لغاية الساعة 11م وطبعا البنزين خلص برضه والعربية بقت بتقطع من رواسب البنزين اللى فى قعر التنك وقررت انى اركن العربية فى الجراج علشان انا مش بتاع زق ومرمطة المهم السبت النهاردة خدت جركن 4 لتر والساعة 6 صباحا ركبت ميكروباص مشى بيا شارع ابو قير فى وسط الأسكندرية والحمد لله لقيت بنزين فى جليم 92 بالسعر الرسمى وخدت الجركن وروحت حطيتة فى العربية ورجعت البنزينة تانى فولت التانك وكنت فى البيت الساعة 10 صباحا وحسبى الله ونعم الوكيل فى الناس اللى مدوخنا و اللى احنا شايفينه !!!!
:eyecancer::eyecancer::eyecancer:
و انا اللى زعلان انى و قفت ساعة و نص و البنزين خلص قبل ما امون !!!!!!!
عارف يا باشا ,, ف الاول لما كان بيحصل ازمة بنزين كان النصيحة المنتشرة (انزل مون ف الفجر ) عشان محدش بينزل ف الوقت دا و كله نايم ,,,, انا عايز اقولك يا باشا ان انا نزلت من كام يوم ف الفجر و حسيت من كتر الزحمة ف الشارع و كمية العربيات اللى ف البنزينات كأن الساعة 10 م و كان منهم طابور فيه حوالى 30 او 40 عربية و البنزينة اساسا قافلة :waaaht:
بجد مضيعة رهيبة للوقت