محدش يتكلم عن استهلاك فيفى فى البنزين تانى
صباح الفل يا رجاله
انا من ساعه ما جبت الفيرنا و انا عارف انها غول بنزين (موتور 105 اسد :B4_048: و اتنين كامه و دلع) من الأخر طياره فى الفئه بتاعتها فلازم ده نتيجته تكون بلاعه بنزين
بس من يومين اكتشفت حاجه تانيه خالص , عاملها معامله ولاد الناس (مش كل شويه تفعص البنزين و تدوس على الأر بى ام لغايه 4.5 و 5 و خليها تاخد راحتها بزياده فى التجميع
طبعا كلنا عشنا يومين البنزين الحلوين اللى فاتو و انا فولت الأربع الصبح و عملت 20 كيلو و بعدين كان لازم الخميس اسافر القاهره و ارجع من غير ما احط بنزين
مع العلم حاجه مهمه جداااااااااااااااا انا تنكى 30 لتر ممكن علشان موديل 2004 مش عارف ابدا تفسير - المهم انه مش 40 زى بقيه اخواتها
انا طولت اوى انا عارف بس الحمد لله انا مبسوط اوى ى ى ى ى ى ى ى ى ى ليه بقى ؟
علشان عملت 450 كيلو و كان لسه ربع التنك موجود و بصحته :10D5C8w1107:
يعنى اليوم ده ال 100 كيلو ب 5 لتر بنزين و الحمد لله متاكد ان عوامتى مش بايظه و كل حاجه سليمه و الموضوع كله انى مسافر 90-100 و مبحرقش خالص و بسيبها تجمع على اقل اقل اقل من مهلها و ده كان اضطرارى علشان اساس انا مسافر و راجع بنفس التانك و مش عايز اقف فى السكه
انا طولت اوى بس عمرى ما تخيلت انها ممكن توصل لكده :36_1_34[1]: