الموضوع: عرسه فى العربيه المساعدة

المشاركة الأصلية كتبت بواسطة محمد بازيد

يااااة فكرتنى بالذى مضى كان ليا واحد ساحبى معاه عربية دايو ليجانزا وفجاة لقى فيها فضلت زبالة واكتشفنا ان فى عرسة عايشة فى العربية بقالها فترة تخرج تجيب الغذاء وترجع فى الاول كان هيتجنن ويخرجها لكن معرفناش باى شكل والغريبة وهو سايق كان بيلاقيها واقفة فى فى الازاز اللى ورا فى الخلف المهم هو سافر بالعربية شرم ورجع المنصورة وهى شغالة المشكلة ان كانت بتطلع وتدخل منين معرفش المهم واحد ابن حلال صاحبنا مر بنفس المشكلة وقال على الحل جاب فحم وولعه وحط علية مستكة او شيح واقفل العربية ربع ساعة طلعت تجرى واحنا كنا مراقبين العربية وعرفنا دخلت منين من الطبب الصغيرة البلاستيك اللى فى الارضية
حاجة صعبة

هههههه عسل واقفة في الزجاج الخلفي والعربية ماشيه بتتفرج علي الطريق زي الاطفال سبحان الله في خلقه..شكرا علي الفكرة يامحمد

المشاركة الأصلية كتبت بواسطة محمد بازيد

يااااة فكرتنى بالذى مضى كان ليا واحد ساحبى معاه عربية دايو ليجانزا وفجاة لقى فيها فضلت زبالة واكتشفنا ان فى عرسة عايشة فى العربية بقالها فترة تخرج تجيب الغذاء وترجع فى الاول كان هيتجنن ويخرجها لكن معرفناش باى شكل والغريبة وهو سايق كان بيلاقيها واقفة فى فى الازاز اللى ورا فى الخلف المهم هو سافر بالعربية شرم ورجع المنصورة وهى شغالة المشكلة ان كانت بتطلع وتدخل منين معرفش المهم واحد ابن حلال صاحبنا مر بنفس المشكلة وقال على الحل جاب فحم وولعه وحط علية مستكة او شيح واقفل العربية ربع ساعة طلعت تجرى واحنا كنا مراقبين العربية وعرفنا دخلت منين من الطبب الصغيرة البلاستيك اللى فى الارضية
حاجة صعبة

فكره حلوه الواحد يجربها تسلم ايدك

انا من رأيي ان اللى يلاقى بعد كده عرسة فى العربية يدورلها على عرس زيها ويدخلهلها فى العربية .. يتجوزو ويعيشو فى تبات ونبات ويخلفوا عرس و عرسات

بس والله شكلها عسل بس مينفعش تكون فالعربية اكيد مرة شفتها نايمة علي الكرسي اللي جنب السائق وااو شكلها كان جميل اووي

المشاركة الأصلية كتبت بواسطة SAMEH_FOUAD

هههههههههههههه , فكرتنى ايام ال128 الله يمسيها بالخير

لسة هركب العربية لقيت ريحة منيلة بستين نيلة , عرفت انها ريحة عرسة , وانا بقى رايح الجامعة , ومش هينفع بقى ادخل عليهم بالريحة دية وساعات كان فية اصدقاء بعدى عليهم بخدهم فى طريقى

روحت نظفت العربية , وبفتح الشنطة لقيت عظم على صراصير ميتة على بقايا اكل , وقولت بس هية اكيد بتتدخل من الشنطة , روحت منظف الشنطة ورشيت معطر فى السيارة كلها , وشغلت الكاسيت

وتقريبا تقريبا كانت العرسة عايزة تتعلم السواقة لانها كان عاجبها اوى الكرسى بتاعى ( اكل وشرب ونوم وحمام ) هههههههههه

وانا لسة بسخن العربية وهتحرك ببص فى المرايا , لقيت عرساية محترمة واقفالى على الكنبة الخلفية مابين السماعتين وبتبص عليا , فى المرايا شوفتوا الجبروت , انا من المفاجأة فضلت ابصلها شوية مش مصدق نفسى انى انا وعرسة فى عربية واحدة ومقفولة علينا , روحت انتفضت نفضة وبحركة بهلوانية سريعة كنت فى خارج السيارة فى ثانية , فتحت الباب الامامى والخلفى , ومستنى المدام ( العرسة) تطلع , لحد الحمد لله ماربنا اكرمنى وطلعت بعد عشر دقائق مستنيها تطلع واخرتنى على الكلية

وطول مانا ماشى مقلق وعمال ابص على المرايا وعلى الكنبة الخلفية , وقولت لازم اشوف حل للموضوع دة انا مش هفضل كدة , دانا كدة مأجرلهم شقة مفروشة مجانا , ومش بعيد الاقى عائلات بعد كدة فى العربية ومن جميع الاشكال

وروحت للسروجى ومشينا ورا المدخل لحد مالاقينا واحد فى الشنطة والتانى تحت هواية التكييف اللى فى حوض الماتور ومنفد على صالون السيارة , والحمد لله

موتنى من الضحك