انا بحب العجل قوى..ونفسي بجد اشتري واحدة زي زمان..بس عايز حاجة شيك قوي وتستحمل..وليها قطع غيار.
انا بحب العجل قوى..ونفسي بجد اشتري واحدة زي زمان..بس عايز حاجة شيك قوي وتستحمل..وليها قطع غيار.
متابع معاك عشان الفكرة بدأت معايا انا كمان
ياريت كمان لو حد يقولنا على عجله من اللى بتفك وتتاخد معاك فى الباص او المترو
يا ريت كمان مكملات استعمال العجلة فى طرق مصر. . . ماسك كيما من بتاع الجيش بتاع الغازات الكيماوية و السامة. . . عشان الواحد ميجيلوش تحجر فى الرئتين من العوادم و التراب. . . انا بتكلم بجد على فكرة
عايزين حاجة محترمة.
مش العجل الصينى بتاع ابو الجوخ والشغل الشعبي دة...عايز حاجة ماركة..ونلاقي حاجتها بعد كدة..
انا اعرف محل كويس قوى عنده عجل من أول 100 جنيه لحد 5000 جنيه غالباً :d
البنزين غير مشجع إطلاقاً على ركوب العربيات -_-
نفسى بس الموضوع يكمل وحد يفيدنا بافضل الانواع والاسعار ويبقى مرجع لمحبى الدراجات الهوائية
الله يرحم زميلنا صبحي كان هو اللي عنده خبرة واسعة في المجال ده ، ربنا يتغمده برحمته
تحياتي.
ياريت حد يفيدنا فعلا انا بحب العجل جدا وعايز حاجة تكون شكلها حلو ورياضى كدة مش حاجة صينى يعنى
بس متبقاش بردة سعرها من اللى يدايق :)
انا أقدر افيدكم ان شاء الله
أبو الجوغ على فكرة من أشهر المحلات فى مصر كلها هو و بسكلته و يورو بايك
العجل المعقول بيبتدى من 900 جنية ... زى عجلة اسمها pigeon .... هى موجودده فى اسكندرية عندنا فى محل مشهور اسمه فرى ستايل مش عارف موجوده فى القاهرة ولا لا ... و دى عجلة صينى بس خاماتها عالية
و فى ماركة اسمها Tubro ... منزله عجل درجة اولى المونيوم و خاماته فوق الممتازه ... اعتقد اسعاره كلها بتبتدى من 1600 لحد 3000 على ما أظن
و فى بقا الماركات اللى اشهر من النار على العلم زى ال orbea اللى هيا صناعه اسبانى ... اشهر و ارخص عجل ليها هو ال tuareg و ال toubkal و ال dakar و اسعارهم من 2500 لحد 3300 على ما اعتقد ... فى حاجات اعلى بكتير طبعا
و فى Fuji و دى امريكى ... منزله عجلة اسمها nevada خاماتها كويسه برضو
و فى Trek و دى اسعارها ناااااار بس نضيفه جداااا ... اعتقد اقل عجلة ب 3000 بلبل !!
و فى pegeout فرنساوى و دى من مستوى الأوربيا منزله مجموعه كويسه برضو
و فى bottechia و دى ايطالى بتنزل عجل ريس فقط
و فى ماركة ايطالى اسمها martello ... ايطالى و اسعارها كويسة جدااا ....
اللى اتكلمت عنه دى اشهر الماركات المتاحه فى السوق المصرى
اما عن المواصفات للعجلة اللى تشتريها ... فأنا افضل العجل ال Hardtail فى مصر اللى هوا بمساعد أمامى فقط و مفيش مساعد خلفى
و طبعا العجلة سعرها بيعتمد على الخامات المصنعه منها ... و بلد المنشأ (مش بتفرق كتير ) ... و التعديلات اللى فيها و دى اهم حاجة فى العجلة
زى السرعات ... لازم لازم لازم تكون ماركة shimano ..... اقل حاجة فى الماركة دى هى ال tourney بتكون غالبا 2*6 ... انا افضل ال altus و دى سرعات شيمانو 3*8 .... اعتقد ان دى موجوده فى الاوربيا داكار ....
و المساعد ... اشهر ماركة بتكون sun-tour .... بتيجى بعدها على طول ماركة اسمها zoom ..... و zoom, دى بتبقى فى العجل الرخيص شويه بس مش وحشه خالص ....
اتمنى انى اكون افدتكم بجد ... اى استفسار انا تحت امركم :D
اشمعنى يعنى نجيب hard tail لو سمحت
ايه مميزاته و عيوب الانظمه التانيه
متابع. بدور علي حاجة نضيفة ماونتن او ريس في حدود 1500.
أنا شفت عجله تحفة بتتقفل و تتشال علي الظهر زي الشنطة مع واحد قبل كدة قالي جابها من امريكا. لو موجودة تبقي مناسبة جدا لينا في مصر.
العجل جميل جدا ورياضي لكن للاسف هنا في مصر مينفعش لان الناس بتحقر اللى راكبة !!
كمان الشوارع المتكسرة بتتعب عايز طريق زى كورنيش اسكندرية
طب ما تم جميلك علينا باة بما انك راجل خبرة فى العجل كدة وتعملنا موضوع حلو شارح فية اللى حضرتك قايلة دة ومدعمة بصور لعجلة واحدة من كل موديل وانواع نظم التعليق والفرق ما بينهم ومميزات وعيوب كل نوع واسعار ونكون شاكرين لابعد الحدود ويمكن نطالب بقسم الدراجات العادية ونطلب تعيينك منسق القسم كمان :)
صح كده
العجل بيتقسم كذا category
اشهرهم العجل ال Road اللى هوا ال race .... ودا ميزته انه بيكون وزنه خفيف و بيكون aerodynamic مع الهوا و بتاع مسافات بعيده بس بيحتاج عنايه خاصه و مش بتاع بهدله
و ال Mountain .... ودا بيتقسم 3 categories ........
1-Hartail ..... و دا بيكون بمساعد امامى فقط .. ودا أنا بعتبره الافضل عشان استخدامه بيكون سهل و مريح فى المسافات ... و اسعاره معقوله و عجل بتاع مرمطه مش بيقول لا :10D5C8w1107:
2 -full suspennsion .... ودا لو حتجيب حاجة كويسة بيكون غالى اوى .... دا بيكون بمساعد امامى و خلفى
و دا ملوش اى لازمه فى مصر لأن دا اصله بتاع الطرق الغير ممهده على الأطلاق ... زى طرق العربيات بتاعه الرالى او يمكن اكثر قسوة .. ولو جبت حاجة رخيصة منه حتكرهك فى ركوب العجل و حتكرهك فى عيشتك لأن الكدر(الشاسية) حيكون اكيد حديد او خليط ... و حيبقى تقيل جدا و مش حتعرف تمشى بيها 2 متر و حتتعب !
3- النوع اللى موجود من أيام الفراعنه اللى لا بمساعد ادام ولا خلفى ...... و دا موديل قديم اوى و الشركات مش بتنزله كتير زى التانيين لأنه غير اوى
تحيـــــــــــاتى
مين اللى بيحقر دا !!
مع احترامى لحضرتك لا اساس من الصحة خــــــــــــــــــــــــ ـالص لكلام حضرتك :N_no[1]:
بالعكس انا بلاقى احترام من الناس اللى ماشيه بعربيات حواليا ....
و اسأل واحد خبره :10D5C8w1107:
انا بستخدم العجل تقريبا من اول ما وعيت ع الدنيا لأنى بكره المواصلات كره العمى دا غير انها بتنجز بيااامه اوى عن العربيات فى الزحمه :eyecancer:
اما عن الشوارع المتكسره .. عشان كدا انا بفضل العجل ال hardtail لأنه هو مخصص للطرق الزباله و مريح
و بعدين ياراجل شوف اى تصليحه فى العربية بكام ... و تصليحه العجلة بكام !! :D
المشكلة الوحيده بالنسبالي في موضوع العجل والموتوسيكلات ده ان ازاي حضرتك هتسيبها وتنزل تجيب اي حاجة او تطلع عند حد
غير كده يبقى استخدامها الوحيد انها للرياضه من البيت وللبيت تاني من غير نزول نهائي في الايام الحلوه اللي احنا عايشينها دي
وحدش يقوللي قفل واربطها والكلام ده علشان الحاجات دي ولا ليها اي لازمه مع الحراميه اطلاقاً
ربنا يرحمنا برحمته
هاتولى محمد شنورى يعمل قسم :D :P
نظم التعليق انا شرحتها .... بيكون مساعد عادى و فى ماركات و قلت اشهرهم ... و حشرحهم تانى باستفاضه ان شاء الله
واعتقد ان الموقع دا حيفيد حضرتك كتير
Bicycles online catalog — Orbea
و ان شاء الله برضو حعمل موضوع قريب لامم الدنيا كلها بس الاقى شويه اهتمام بس بالموضوع من عدد محترم و ناس فعلا عايزه تتغير .. بس دا ميمنعش انى حساعد اى حد يطلب حاجة منى برضو :B4_095:
تحياتى
صاحبي اشتري ال orbea dakar ب 1500 جنية من 4-3 سنين دلوقتي بقت ب 3000.
انا عاوز عجلة محترمة وسعرها ميكونش غالى علشان العربية مصاريفها قايمة بالواجب طبعا
لو هستخدمها ممكن اروح بيها من وسط البلد للدقى يوم الجمعة فقط
يا ريت المشاركات تكون بالصور :)
ياباشا ليه قفل لا ؟؟
دا مش موتسيكل ليه وزنه عشان الحرامى بعرف يكسر القفل ... بس هو فى فرق ما بين واحد فاهم و واحد مش بيفكر
يعنى حصرتك اما تربطها ... اربطها ادام محل و صاحب المحل شافك .. اربطها فى ماسورة عمارة عشان مفيش حرامى يقدر يجيي جنبها و الا حيتفضح ..... اربطها قريب من واحد بتاع امن .... فى مليااار طريقة والله
دا غير انى بقول الدعاء دا على طووول ( اللهم انى استودعتك فى أمان الله الذى لا تضيع ودائعه )
و قاااابلنى لو حد يجرو يجي جنبها :d
انت فين يا استاذ هشام
انا هشترى بعد رمضان و عايز معلومات اكتر عن العجل
سؤال الانواع الغالية دى هل فى حد بيعرف يصلحها و صيانتها فين
انا كان عندى عجلة ابنى بها سرعات فى الجنزير و سرعات فى العجلة الخلفية و صدقونى لفيت على 8 صنايعية لضبط الجنزير و ماحدش عرف يصلحها للاسف
ازيكم يا جكماعة انا عايزة اشترى عجلة .. مبتدئة معنديش اى فكرة عن الاسعار بس تابعت شوية حاجات على الصفحة.. ممكن تنصحونى .. ميزانيتى من 500 الى 1000 انا استعمالى ليها خفيف يعنى جمعة وسبت كده ممكن اطلع بيها ساعة ساعتين او اروح رايد
1- سمعت ان العجلة الجبلى تقيلة على الطريق والاحسن اجيب road or hyprid .. ايه رايكم ..
- المقاس المناسب للناس الطوال 170 - 180 سم
3- المحلات المحترمة اللى ممكن اجيب منها عجلة محترمة وخفيفة (الومنيوم).. انا رحت ابو الجوخ فرع 6 اكتوبر ..لقيت العجلة الصينى الشيمانو من 500 ل 1000 -- من غير ضمان!!!
4- سمعت ان المساعدين عمرهم قصير فى مصر بالذات المساعد اللى ورا !! ..ايه رايكم
5- اجيب منين الcove gel والمنفاخ برضه محل اسعاره حنينة
6- اعرف منين ان العجلة اللى جبتها اصلى مش مضروبة
7- ايه رايكم فى euro bike اللى فى المعادى ----------- شكرا
انا عايز أعرف برضه ايه المقاس المناسب لطول 190 سم يعني 26 تنفع ولا فيه 28 ولا ايه النظام؟
متااابع :)
هعهعههعه
جبتها و صرفت عليها و ركبتها مرة واحدة بس الى هى ونا جايبها و من ساعتها و هى مركونة ههههههههههههههههه