الموضوع: شيفروليه سونيك .....؟؟؟؟؟؟؟؟

انا مجربتش العربيه , بس كمواصفات فنيه العربيه ممتازه وتعتبر من احسن العربيات فى فئتها ان لم تكن الأفضل

موتورها نفس الاسترا والكروز فيس ليفت , فتيسها 6 سرعات GM مفيش فى الفئه دى عربيه فتيسها 6 سرعات , مبنيه على شاسيه GM Gamma II ودا المعدل بتاع الاوبل كورسا وهايتبنى عليه الكورسا الجديده , مساحتها الداخليه كويسه بالنسبه لفئتها , وقريت فى احد التعليقات ان ثباتها كويس وارتفاعها عن الأرض مناسب

الاوبشنز بتاعتها فى مصر قليله ومفيهاش ABS بس فيها 2 AirBag على ما أذكر

مشكلة العربيه انها مانتشرتش أول مانزلت بسبب ان سعرها كان غالى فى وقتها مقارنة بالأكسنت والريو مثلا , واللى مابيحققش نجاح فى الاول صعب اوى ينتشر بعد كدا

العربيه كانت ب 117 قبل زيادة الدولار من 6 شهور , وسعرها مازادش لحد دلوقتى لان مفيش عليها إقبال ومفيش منها ستوك حاليا , بس فى كلام ان هاينزل منها 2014 واكيد سعرها هايزيد اعتقد هاتوصل 125-130 الف

من الأخر عشان طولت عليك كل اللى هايضايقك فى العربيه دى انها مش منتشره خالص وقليل اوى اللى يعرفها هاتلاقى ناس كتير تقوللك ايه سونيك دى , فاهاتبقى تقيله فى بيعها وسعرها هايقع

لكن غير كدا ماعتقدش تقابلك اى مشاكل وكدا كدا انت معاك ضمان 3 سنين وان شاء الله ماتحتاجلوش

بالتوفيق ان شاء الله

المشاركة الأصلية كتبت بواسطة hplv

شكرا جدا لرد حضرتك
بس لو احتجت اصلحها او اجيب قطع غيار هلاقى ولا لازم التوكيل لانى كلمته قالى العربية مش موجود وبالتالى كل ما احتاج حاجة هيبعت يجيبها من بره بقى ولا ايه ؟؟؟؟

كدا كدا انت مضطر تتعامل مع التوكيل لان العربيه مش منتشره

لو قطع غيار اللى بتتتغير فى الصيانه الدوريه يعنى تيل فرامل او فلاتر او بوجيهات او سيور او غيره اكيد هاتبقى متوفره عادى

لكن لو حاجه مثلا فى البودى والعفشه دى اللى ممكن تبقى مش موجوده وتستناها لان العربيه ماباعتش خالص فبالتالى التوكيل مش هايبقى سايب عنده مخزون من قطع الغيار لعربيه مابتتباعش