من فضلكم انا محتار وعايز مقارنة تفصيلية وعن تجربة للموبيلين الاتيين :
-nokia lumia 920
-sony xperia SL
مش مشكلة السعر لاني هجيله من برة مصر
عرض للطباعة
من فضلكم انا محتار وعايز مقارنة تفصيلية وعن تجربة للموبيلين الاتيين :
-nokia lumia 920
-sony xperia SL
مش مشكلة السعر لاني هجيله من برة مصر
Sony Xperia SL vs. Nokia Lumia 920 - GSMArena.com
ده لينك مقارنة بين الموبايلين
انا معايا Xperia SL من 8 شهور , التليفون كويس جدا , و اى استفسار انا فى الخدمة
تسلم جداً وربنا يباركلك فيه
انا كنت عايز اعرف من واقع التجربة ايه نظامه معاك ؟
هل الاندرويد بيدعم البرامج زي الاوفس والفوتوشوب وال3 دي ماكس والكلام ده ؟
اعتقد ان النوكيا هيدعمهم بما انه ويندوز 8
وكمان عايز اعرف اعتمادية الجهاز من وجهة نظرك وهل حمار شغل ولا بيهنج كتير زي سامسونج؟
والصوت في الاتصال نقي وعالي ولا زي السامسونج وكدة "السامسونج حلو بس انا عايز حاجة احسن"
كلمني عن تجربتك للجهاز :ma(36):
الاندرويد بيدعم كل البرامج اللى ممكن تتخيلها
ادخل الماركت ودور بنفسك
حضرتك هو انا كان ليا ملاحظة بس قبل ما اتكلم عن تجربتى مع السونى , انا قرات فى مواصفات النوكيا ان البروسيسور Dual Core 1.5 فهل ده كفاية انه يشيل system زى الـ 8 windows mobile ؟؟
انا متعاملتش مع الـ windows mobile قبل كده فا معرفش هل البروسيسور كده هيبقى كويس و هيقدر يشيل السيستم ده من غير مشاكل ولا لأ ؟؟؟
نيجى بقى للسونى , من خلال تجربتى للـ Xperia SL اقدر اقولك الاتى :
- الجهاز كهارد وير ممتاز من حيث الخامات الخارجية و جودتها و ملمسها اللى طوروه عن الـ Xperia S
ممتاز من حيث تحمل الصدمات ( وقع منى اكتر من مرة و من على ارتفاعات و محصلوش اى حاجة منهم مرة وقع من على ارتفاع متر ونص على الشاشة على ارضية خرسانية كل اللى حصل ان الـ screen protector اتخدشت فقط .
- بالنسبة للصوت اثناء المكالمات فهو واضح و نقى ( مجربتش السامسونج عشان اقارن بس محستش انه صوته اثناء المكالمات فى اى مشاكل ببقى سامع كويس و الصوت نقى )
- البروسيسور Dual Core 1.7 وده شايله كويس من غير مشاكل , كان بيهنج احيانا لما كان عليه نسخة الـ Ice Cream sandwich من الـ Android انما بعد الـ upgrade لنسخة الـ Jelly Bean بقى افضل كتير و اخف و اسرع بشكل ملحوظ و مبقاش فى تهنيج نهائى
- البطارية بتاعته كـ smart phone مقارنة بباقى الـ smart phones عموما تعتبر جيدة جدا لكن بعد الـ upgrade للـ jelly bean لاحظت ان استهلاك البطارية زاد عن الاول بس مش سئ يعنى مقبول استهلاكه طبيعى مقارنة باى smart phone تانى يحمل نفس حجم البروسيسور .
- الكاميرا ممتازة 12 Mega Pixel سريعة الالتقاط وفيها اوبشنز كتير
- صورته مميزة فى الصور و الفيديوهات بسبب الـ Bravia Engine ( بيشتغل مع الصور والفيديوهات بس عشان ميستهلكش البطارية على الفاضى ) رأى الشخصى عجبتنى صورته اكتر فى الصور و الفيديوهات لما قارنته بالـ Samsung S 3 معجبنيش الـ Sharpness الزيادة اللى فيه .
- بالنسبة لموضوع الابليكيشنز انا مجربتش اشغل عليه حاجة من اللى حضرتك ذكرتها غير الاوفيس و شغال تمام , بس صاحبى معاه الـ S 3 كان مشغل عليه الـ Auto cad تمام من غير اى مشاكل فاعتقد الـ 3D Max هيشتغل على الاندرويد عادى بدون مشاكل .
ده اللى اقدرت افتكره حاليا و يا رب اكون افدتك
اسف على الاطالة
و اى استفسار تانى انا تحت امرك
الف شكر ليك يافندم
انا مسكته امبارح كان مع واحد صاحبي بالصدفة لقيته عجبني اوي لقيته سلس وسريع في الحركة ومش بيهنج بردو زي السامسونج
المشكلة اني بحب التميز وعايز اجرب حاجة مميزة جديدة زي النوكيا وموضوع الويندوز موبيل ده ناجح جداً في النوكيا لما شوفت فيديوهات مقارنات كتير ليه على اليوتيوب وكله بيشكر فيه
اما مووضوع ال 1.5 داول كور بتاع النوكيا هبحث فيه تاني وهل في مشاكل مع الويندوز 8 ولالا
لقيت مقارنة بين النوكيا والسامسونج s3
النوكيا متفوق في نقاط كتير منها انه مش بيهنج ولا تقيل زي السامسونج
الكاميرا في النوكيا احسن خصوصاً بليل
العيوب بس ان النوكيا ابطئ من السامسونج في التصفح بفرق بيسط جداً
وكمان شوفت مقارنة بين النوكيا والسامسونج s4 بالنسبة للكاميرا بيقول ان الفرق بسيط بينهم خصوصاً ان نوكيا 8 ميجا بيكسل والسامسونج 13 ميجا بيكسل
انا ان شاء الله اقتنعت تماماً بالنوكيا خلاص بس دلوقتي محتار بين ال 925 وال 920 :eyecancer:
هات اي حاجه اندرويد. ..ابعد عن الويندوذ حاليا ..لسه شويه عاليه
بعد استعمال اللوميا فتره اقولك علي شويه عيوب قاتله
1. معظم برامج الشات زي الفايبر والواتس مش بتشتغل عليه كويس والرساله يتوصل متاخر جدا وممكن تاني يوم كمان
وكل اللي هيرن عليك من فايبر مش هتوصلك خالص وده ممكن تشوفه في تعليقات المستخدمين في متجر الويندوز نفسه
2. اي برامج بفلوس مفيش حاجه اسمها كراك ولا فتح بوتلودر. ولا روت ولا تنزل برامج من علي الميموري ولا اي حاجه من بره المتتجر
محمي بقطعه هاردوير مش سوفت فرضاها ميكرو علي الشركات
3 صعب انك تغير النغمات المحطوطه محتاج لاب وعك ومستحيل تغير الكيبورد المعفنه)( مقفول المصدر) ولا اي حاجه في مركز التنبيهات
4.البرامج قليله جدا ورابيش والمعقول بفلوس
5 دا حتي دوران الشاشه متقدرش توقفه
6. مفيش حاجه اسمها متصفح ملفا ...ايوه هوه كده هيحطلك الصور مع متصفح الصور والموسيقي والفيديو مع البلاير
غير كده ميعرفكش. .ليه ياعم ...هما شايفين كده احسن ..طاب عايز انقل ملف عادي لاي استخدام ..لا دا موبايل بس.
7. دا اكبر خازوق شربته
شوف التعليقات عن الفايبر والويندوز نفسه في متجر ميكروسوفت الرسمي. هههه
منهم واحد بيقول للاسف ملقيش زيرو ستارز. في التقييم. فاضطر يحط نجمه واحده من 5 ميستحقهاش
وادي اللينك الرسمي
Viber | Windows Phone Apps+Games Store (United States)
ظريفه
كل سلسله اللوبيا بتاعه نوكيا من 520 ل 925
واي جهاز ويندوز فون 8 زي السامسونج اتيف او.htc
دي كلها مشكله سوفتوير ميكرو مش هارد بتاع الشركات
النظام مقفول المصدر فكل الاجهزه تبيكال بالحرف حتي شكل الكيبورد تبيكال الشركات نفسها متقدرش تغيرها
فما بالك بالمستخدم العادي
دي غير انه واضعه رسوم للمطور اللي يحب يعمل تحديث لبرنامج ليه في المتجر مع انه دافع قبل كده بس التحديث كمان بفلوس
الفرق بين جهاز والتاني. هيبقي في حاجات زي جوده الشاشه و الكاميرا ونسبيا سرعه الجهاز مش فارقه كتير بين
كل الموديلات لان النظام فعلا خفيف و الحمايه الشديده بتمنع العك في ملفات السيستم ..بس مش كده يعني! !
يقال ان ميكروسوفت نزلت الويندوز كده قبل اكتماله تحت ضغط نوكيا قبل انهيارها
لحين تحديث الويندوز من ميكرو ..ايعد عنها
ياااااااااه بجد انا حزين اوي كان نفسي في الموبيل ده وعاجبني جداً
دلوقتي مضطر افكر في موبيلات تانية زي البلاك بيري z10 مع اني مبحبش البلاك بيري وليا تجارب كتير مش لطيفة معاه " curve و bold "
لو رسيت علي البلاكبيري يبقي خليك في اللوبيا احسن هههه
بلاكبيري Z10 الجديد … لكنه ليس البلاكبيري الذي تعهده … نصيحة قبل لا تشتريه … اقرأ قبل أن تندم !!! | الـكـشـكـول
ههههههههههههههههههههه انا كدة دليلي احتار
حد جرب الهاواوي؟ ده موبيل صيني بس يقال انه جامد جداً زي السامسونج
الموبايل دة كنت ناوى اشترية بس الثورة انهاردة بوزت خططى
ALCATEL ONETOUCH SCRIBE HD
Alcatel One Touch Scribe HD - Full phone specifications
بس خلاص نويت النية إن شاء الله على انى اشترية اول ما الظروف تسمح
وسعرة 2700 جنية يعنى سعر ممتاز قصاد الامكانيات وخصوصا انه معاه كل حاجته زى الجراب وقلم
يعنى مش هتحتاج تشتريلة حاجة
ودى مقارنه بينه وبين النوت 2
Alcatel One Touch Scribe HD vs. Samsung Galaxy Note II N7100 - GSMArena.com
ودى مقارنه بينه وبين s3
Alcatel One Touch Scribe HD vs. Samsung I9300 Galaxy S III - GSMArena.com
بص من الاخر هات اللي يريحك اندرويد من الماركات دي بس
سوني. htc. .سامسونج...lg
وان كنت ميال ل htc وسامسنج. فدول فيهم افضل شاشات والموبايل حاليا شاشه و نظام
lg. وسوني اجهزي ممتازه لكن زاويه الرؤي0ه لشاشتهم وحشه
اختار من دول
htc one
htc m الفابلت بتاع الوان
جلاكسي s2 او 3 او 4
نوت 1 او 2
دول افضل ما نزل وكلهم محصلين بعض في الامكانيات سيبك سوا دوا ل كور او كواد محصل بعضه
انا لاغي الالكاتيل تماااااااااماً من دماغي
واحد صاحبي جاب موديل كدة مش فاكر ايه كان ب 1450 جنيه ولقى فيه عيوب كتير راح مرجعه والراجل في المحل هناك قاله ان الالكاتيل خاماته محترمة بس مش حمار شغل ولا بيستحمل وفيه عيوب كتير عشان كانو جايبين منه كمية محدودة
هو بغض النظر عن موضوع الواتس اب والفايبر والستور بتاع النوكيا والمشاكل دي
الا ان الجهاز خد احسن كاميرا .. كارل سيز
وكمان احسن بروسيسور مع انه 1.5 بس .. لكن مع الويندوز موبيل خفيف جداً
وكمان فيه حبة مميزات كتير كمان انه سريع التصفح والبراوزنج والتاتش بتاعه تحفة وسريع كمان مش زي السامسونج s4
انا ممكن اتغاضى عن كل ده واجيبه بس بردو مقلق
ومبحبش ال htc وممكن افكر في السوني xperia z يقال انه ممتاز
وبعيد تماماً عن السامسونجات عشان غالية جداً على الفاضي برة مع انها زي السوني
بصراحه افضل تاتش استخدمته في حياتي بتاع اللوميا بيشتغل قبل متلمس الشاشه كمان
بس فروق البروسيسور بين الاجهزه دي ولا الهوا حتي
اما الكاميرا سوا 8 او 12 او 13 او كارل زيس او الترا بكسل مش هتلاقي بامانه اي فرق ملموس علي شاشه الموبايل
علي العموم اديك عرفت مميزات وعيوب كل حاجه بالتفصيل و بكده تقدر تقرر وانت عارف بتجيب ايه وليه
شوف ياباشا انت بتغريني ازاي وتقولي ان اللوميا احسن تاتش ده كفيل يخليه مميز ويلعب في دماغي تاني :)
المشكلة هنا هل المشاكل اللي فيه دي ممكن تتحل عن طريق ابديت للوينوز مثلاً يكون نازل من ميكروسوفت ؟
انا دورت في الحوار ده بيقولو انهم في طريقهم انهم يعملو ده بس ملقتش حاجة تاني بتقول كدة
وبعدين كاميرا اللوميا بتصور في عز الضلمة كانك مشغل نور مش عارف ده صح ولا اشتغالة .. شوفتها في كذا فيديو ودي ميزة مش موجودة في باقي الموبيلات
ياباشا محدش دلوقتى بيفكر فى نوكيا خالص
انا لما جيت اشترى تليفون اشتريت سامسونج لان التليفون الوحيد اللى بيجمع كل حاجة انت عايزها فى تليفون
وبسعر مناسب جدااا
سونى كويسة بس مش زى سامسونج وكمان اسعارها اغلى من سامسونج
htc جميلة جدااا بس تليفونات اغلى من الاتنين ولما بتيجى تتباع بتقع جامد
عموما انا اول مرة اسمع عن تليفونات سامسونج اللى بتهنج دية
بس عموما فكر فى ال htc ممتاز , او السونى
هيا لو قعدت فترة شغال بيه هتلاقيه بقى تقيل ومحتاج تقفله وتفتحه تاني
الكلام ده جربته في ال s2 والسامسونج tap p1000 عشان كانو معايا
ولما جربت السوني والموتوريلا الجديد والكلام ده كله حسيته نفس السامسونج في كل حاجة سواء تاتش او سهولة تعامل عشان كله اندرويد نفس الفيرجن تقريباً وبيتعمله ابديت مستمر
ال htc انا لغيته من دماغي عشان موضوع سعره اللي بيقع جامد ده في مقابل انه موبيل هايل جداً
السامسونج s3 غالي فحت برة وهنا كمان والسامسونج s4 شرحو
النوكيا فعلا جميل جداً ومميز جداً بغض النظر عن المشاكل اللي كانت في اخر فترة في موبيلات نوكيا بس اللوميا ده طفرة كبيرة جداً في الشركة "ده مش اعلان على فكرة ههههههههههههههه"
بس لو شوفت المقارنة بين لوميا والاشا هتلاقي فرق السما والارض في الاراء بين ال 2