الموضوع: انـــا والنــــوبيــــــــــــــ ـــرا والبنزيـــــــــــــن

بسم الله الرحمن الرحيم
السلام عليكم ورحمة الله وبركاتة

انا اخوكم احمد ناصر من الفيوم وبفضل الله مافيش اى بنزين هنا الا فى السوق السودا
واللتر بيتباع بـ 5ج والـ 92 بيتباع بـ 6.5ج بسم الله مشاء الله

المهم من كام يوم واحد صاحبى اتصل عليا وقالي فيه بنزيمنة فى الكيمان فيها بنزين
روحت البنزينة وفضلت ملطوع فى عز الشمس من الساعة واحدة ظهرا الى الساعة الخامسة عصرا
وبفضل الله بقى ادامى حوالى 5 عربيات والبنزيمة خلصت ينهار اسود
المهم سيبت البنزينة ومشيت حوالى 500 ميتر والعربية خلصت بنزين
ايه اليوم اللى مش فايت دة
المهم اتصلت بصاحبى اللى قالى فى بنزين وقولتلو تعلالى
فضلت يارجالة مستنة من الساعة 5 الى الساعة 8 مساءا مجااااااش

هو اساسا كان يوم مش معدى من اولة
المهم مشيت مسافة حوالى 4 ك لما لقيت واحدة ست ادتنى 6 ليتر بـ 15ج
جيت حطيتهم فى العربية ودارت الحمدلله
المهم روحت كاشفت على صاحبى اللى كان معاية فى العربية لانة تعب من الشمس ......................
دى كان اول موقف مع البنزين



الموقف الثانى
واحد صاحبى اتصل بردو عليا وقالى فى بنزين عند المسلة المهم فى اليوم دة كانت العربية مخلصة بنزين واقفة فى الجراج مش بتتحرك
المهم اخت من صاحبى اللى اتصل عليا 5 لتر ودورها وبعدها راح المسلة وقالى تعالى فى بنزين كانت الساعة 3 عصرا
المهم اخدت جارى معاه 504 وتوجهنا نحية البنزين واحنا فى نصف الطريق عربيتة خلصت بنزين عرفت ان يوم علية كل اللعنات

روحت سحبتلة لتر من عربيتى ودرات الـ 504 ومشينا وقبل البنزينة بـ 1 كيلو وعربيتو خلصت بنزين تانى استغفر الله العظيم
بردو لتر تانى
المهم وقفنا على البنزينة ساعة ونصف وخلصت قبل مااحنا نمون احنا الاثنين وكان قدامنا حوالى 50 عربية

المهم بعد اللف على كل بنزيمات الفيوم لقينا واحد بيبيع التر بـ 2ج
كل واحد فينا حط 5 لتر ورحنا طالعين على دمو ومن دموعلى طريق مصر اسيوط الغربى كانت وطنية مفهاش
المهم جة واحد وقالى فى بنزينة بعد حوالى 15 او 20 كيلو فيها بنزين قلتولو يلا ياحج قالى روح انتى عشان عربيتى هتخلص بنزين
او ماطلعت وتوجهت نحية القاهرة لمبة البنزين نورت

قولت مش مشكلة فضلت ماشى حوالى 40 كيلو والمبة منورة
بس كنت بقرص وبجرى وجمعت 160 والمبة منورة
لقيت بنزيمة توتال مطفية النور وفيها عربية سيراتو واقفة مخلصة بنزين
قالولى بعد 4 ك هتلاقى بنزينة فيها بنزين
والمفاجاة جى ادور العربية مش عاوزة تدور ينهار اسود ومنيل
ومن هنا لهنا دارت على السلانسية بالعافية ومش بتقبل دوسة البنزين
فضلت ماشى الـ4 ك دول فى 4 سعات مشغل النتظار وعجلة فى الصحرا وعجلة على الاسفلت والعربية اللى بتعدى من جنبى بحس ان العربية بتتنقل من مكانها
المهم الحمدلله وصلت البنزيمة فضلت واقف حوالى ساعة ونصف على مافولت
ورجعت الساعة 9 باليل ساعتها كان العداد عامل فى المشوار دة 150 كيلو
ولقيت الراجل اللى معاه الـ504 مخلص بنزين وعطلة 10 لتر يمشى بيهم حالة

وانتظروا باقى التقرير



يرجى مراعاة اداب الحوار

ربنا يستر الايام الجاية
محدش عارف الوضع هيكون ايه ..

المشاركة الأصلية كتبت بواسطة ahmed air

فى لفظ غريب اتقال ؟؟؟؟؟؟؟ على العموم الف سلامه

المشاركة الأصلية كتبت بواسطة وائل شويخ2

ههههه

فعلا
بس عديها

المشاركة الأصلية كتبت بواسطة ahmed air

اصل انا قراتها خمس مرات عمال اقول لا لا اكيد مايقصدش طلع يقصد ههههههههه

المشاركة الأصلية كتبت بواسطة AHMED12345678

بعد الى الراجل شافوا
من حقوا يقول الى هو عاوزة
بس يا ريت صاحب الموضوع ياخد بالة انه قى زميلات فاضلات معانا فى المنتدى ومفيش داعى يقروا الكلام دة

انا حاطط فى الجراج عندى جركنين للطوارئ كل جركن فية 10 ليتر
اخويا خد جركن منهم حطوة فى عربيتوة كنت هقتلة
ههههههههههههههههههههههههه

معلهش بقى يارجالة اصل انا دماغى لسعت من الوقفة فى الشمس ومن شفط البنزين من العربية