-
أفضل موتور للفليشيا
السلام عليكم
أنا معايا سكودا فليشيا 1997 والموتور خف وبيرشح زيت مع العلم إن الموتور كان معموله عمرة مرتين قبل كده
فأنا قدامي حل من اللي إتنين يا إما ابيعها وأزود بتاع 10000 وأجيب حاجة تانية مستعمل يا إما الصرف الفلوس دي عليها وأجيب موتور
وانا عايز اظبط العربية عشان السكودا مفيش زيها من ناحية الصاج وثبتها عالأرض أنا جربت عربيات اصحابي ومالقيتش حاجة قريبا حتى من السكودا مفيش عربية حاسس فيها بأمان
السؤال بقى بحالة الموتور اللي معموله عمرة مرتين وطالع عينه أعمل عمرة كمان مرة ولا اغيره ولو هاغير ينفع اركب موتور أكوتافية ولا مفيش الموضوع ده
شكرا
-
بخصوص موتور الاوكتافيا مش هقدر افيدك لاني معرفش عن الاوكتافيا كتير
أما بالنسبة لتسقيط موتور قدامك خيارين
الاول تسقيط موتور 1600 سي سي بالفتيس بس زي ما سمعت قطع غيارة قليلة عن الموتور الصغير
الثاني تشتري دماغك من اي تعديل او وجع قلب وتسقط موتور 1300 سي سي انجكشن أو كاربيراتير
الكاربيراتير أرخص من الانجكشن بس قليل
مثلا عربيتي متسقطلها موتور 1300 انجكشن بالفتيس بحوالي 3500
قدامك خيارات كتير بس أنا برشح 1300 كاربيراتير او انجكشن وتركب مانيفولد وكاربيراتير زي عربيتي
واى استفسار انا تحت امرك
-
اخى الحبيب يسر الله لك امرك
اشترى موتور 1300 استعمال خارج وريح دماغك بس يكون معاك ميكانيكى كويس
لسه واحد مركب موتور بتكلفة 2500 بالاوراق وصاحب العربيه بيشكر فيه
اما انك تصرف 10000 على العربيه انا شايف انها كتير وفر فلوسك محدش عارف بكره فيه ايه
خالص تحياتى
-
شكرا على الرد السريع
وأنا إن شاء الله هاخد بنصحتكم واركب 1300
بس سؤال بقى هو أنا أجيب 1300 انجيكشن واركب عليه كاربراتير وكنت قرأت إني ممكن احط فيتيس 1600 عليه هو بيفرق فالعربية ولا لأ
عشان لو كده اركب الفتيس بتاعي زي ماهو ولا رايكم إيه
-
هات موتور 1300 انجكشن وركب الكاربرتير بالمينفود بتاع الموتور القديم وركب الفتيس بتاعك وانشاء الله يكون خير ....*
على فكر لو ركبت فتيس 1600 على الماكنة ال 1300 حتفرق معاك كتير فى السحب وسرعة التجميع والسرعة....
-
شكرا على الرد وانا دايما بحب ادخل وأشوف مواضيع و ردود حضراتكم :)
وأكيد هاخد باقتراحاتكم وإن شاء الله لو البلد فضلت واقفة على حيلها بعد بكرة هانزل وألف على الموتور وأشوف بيتباع فين وبعدها اخد معايا الميكانيكي يشوف الحاجة وانهي أحسن وهابقى اوافيكم بـاللي عملته إن شاء الله
وشكرا مرة تانية
-
هات موتور هاف انجكشن(من غير وحدة الهاف انجكشن بتاعته ولا الفتيس) وكربراتير بالمانيفولد استيراد و ممكن تجيب فتيس من موتور انجكشن 1300 موديلات 98 فيما فوق او فتيس 1600 بمجموعة الدبرياج بتاعته
-
لو بتستعمل بنزين 92 يبقى هات موتور 1300 انجيكشن من غير الفتيس وهيفرق معاك كسعر وهتجيبه على التجربة يعنى هتدفع مبلغ للتاجر وهتبقى ليه مبلغ علشان لو ظهر حاجة فيه فى خلال اسبوع تقدر تغيره وربنا يكرمك وخللللللللللللللللللللللل لللى بالك لان المواتير دلوقتى لازم ميكانيكى فاهم هو اللى يجيبه
Content Relevant URLs by
vBSEO 3.6.0 PL2