مقارنة (ميجان و مازادا 3 و اوبل استرا 2007 2008 و اوكتافيا a4 )

انا زهقت من العربية اللي معايا لانوس شيفورلية و حابب اغير العربية و معايا 75000 تقريبا و بفاضل ما بين

(ميجان و مازادا 3 و اوبل استرا 2007 2008 و اوكتافيا a4 ) لو في عربيات تاني حد يقواي و لو حختار مابين ال 3 اختار ايه ؟؟؟؟

octavia a4

كإعتمادية الاوكتافيا احسن واحده فيهم
حاول تدور على موديل الى 2005 مثلا و هتبقى صفقه رابحه بإذن الله

opel astra 2007
ford focus 2007

حسب حضرتك بتدور على ايه في العربية

السعر ده يجيبلك ميجان حاله كويسه جداً :)
و أنا رأيى الميجان .. سواء سيدان أو هاتشباك

اقتباس:

---

المشاركة الأصلية كتبت بواسطة fawziko

انا زهقت من العربية اللي معايا لانوس شيفورلية و حابب اغير العربية و معايا 75000 تقريبا و بفاضل ما بين

(ميجان و مازادا 3 و اوبل استرا 2007 2008 و اوكتافيا a4 ) لو في عربيات تاني حد يقواي و لو حختار مابين ال 3 اختار ايه ؟؟؟؟

---

أولا ابعد عن الميجان خالص هي كركوبة عربية حلوة بس متعبة و مشاكلها كتير جدا و معقدة, الأسترا و المازدا و الأوكتافيا كلهم عربيات محترمة بس كده يتوقف على احتياجاتك لأنك بتقارن بين ألمانى و يابانى:
- من ناحية القوة يبقى الألمانى
- من ناحية النعومة و الأسرع يبقى المازدا
- أسعار قطع الغيار كلهم تقريبا غالية بس معمرة
- أتساع الصالون و الشنطة الأوكتافيا تتفوق لأن الأسترا و المازدا المقاعد الخلفية و الشنطة ضيقة
- الثبات و الفرامل كلهم ممتازين
- الارتفاع من الأرض المازدا واطية و الأوكتافيا و الأسترا أعلى
- الإعتمادية كلهم مشاكلهم محدودة بس بصفة عامة اليابانى مشاكلها أقل فى الكهرباء و الفتيس و الحساسات و لكن الألماني العفشة مشاكلها أقل و معمرة عن اليابانى
يعني من الأخر لو عايز قوة يبقى خليك فى الألماني و الأوكتافيا أفضل من الأسترا و لو عايز عايز نعومة و جري يبقى المازدا 3
و ارشحلك معاهم الفورد الفوكاس حلوة برضو نفس شاسيه و عفشة المازدا3

ايه اللي عايزه في العربية هو الفيصل فعلا
فخامة و رفاهية تبقى الميجان
سرعة و رياضية تبقى المازدا 3
اعتمادية تبقى الاوكتافيا

طبعا مع نقطة ضعف في كل واحدة فيهم

الميجان : الاعتمادية
الاوكتافيا : الكماليات
المازدا : ضيق المساحة الداخلية
الاوبل : التوكيل


معلش بعض التعليقات على المشاركة دي

اقتباس:

---

المشاركة الأصلية كتبت بواسطة hos3ziz

أولا ابعد عن الميجان خالص هي كركوبة عربية حلوة بس متعبة و مشاكلها كتير جدا و معقدة,
الميجان عموما بتبقى عربية سيئة جدا لو اللي جابها ما كشفش عليها كويس او اشتغل فيها عند صنايعي مش بتاعها , غير كده هي شغالة


الأسترا و المازدا و الأوكتافيا كلهم عربيات محترمة بس كده يتوقف على احتياجاتك لأنك بتقارن بين ألمانى و يابانى:

- من ناحية النعومة و الأسرع يبقى المازدا
- أسعار قطع الغيار كلهم تقريبا غالية بس معمرة [color="rgb(139, 0, 0)"](الميجان برة التوكيل ارخصهم)[/color]
- أتساع الصالون و الشنطة الأوكتافيا تتفوق لأن الأسترا و المازدا المقاعد الخلفية و الشنطة ضيقة [color="rgb(139, 0, 0)"](الميجان اوسعهم)[/color]
- الثبات و الفرامل كلهم ممتازين [color="rgb(139, 0, 0)"](الميجان الافضل في الفرامل , في الثبات كلهم كويسين فعلا)[/color]
- الارتفاع من الأرض المازدا واطية و الأوكتافيا و الأسترا أعلى [color="rgb(139, 0, 0)"](الميجان اعلاهم)[/color]
- الإعتمادية كلهم مشاكلهم محدودة بس بصفة عامة اليابانى مشاكلها أقل فى الكهرباء و الفتيس و الحساسات و لكن الألماني العفشة مشاكلها أقل و معمرة عن اليابانى[color="rgb(139, 0, 0)"] (الميجان اقلهم اعتمادية فعلا )[/color]
يعني من الأخر لو عايز قوة يبقى خليك فى الألماني و الأوكتافيا أفضل من الأسترا و لو عايز عايز نعومة و جري يبقى المازدا 3
و ارشحلك معاهم الفورد الفوكاس حلوة برضو نفس شاسيه و عفشة المازدا3

---

اقتباس:

---

ميجان و مازادا 3 و اوبل استرا 2007 2008 و اوكتافيا a4

---

حضرتك بتقارن بناء علي الفئة السعرية وليس كفئة عربية
انا هفترض ان حضرتك بما انك نازل من لانوس يبقي اسرتك صغيرة وليكن 4 افراد
وبالتالي انت عايز عربية تدخل في شريحة الكومباكت او عربية مدمجة ودي هتتوافر في الميجان والاوكتافيا والمازدا

اولا الميجان عربية رائعة واتساعها الداخلي رائع والشنطة كبيرة بس ققطع غيارها عالية شوية وعايزة ميكانيكي رينو عشان تعرف تحافظ عليها بالاضافة لقطع غيار اصلية

ثانيا المازدا قطع غيار عالية شوية

ثالثا الاوكتافيا قطع غيار منتشرة جدا جديد واستيراد وباسعار معقولة بس لازم ميكانيكي فولكس

انا ارجح الاوكتافيا لانها اعطال اقل وانتشار قطع غيار اكتر وسعر اعادة بيع

تحياتي

اقتباس:

---

المشاركة الأصلية كتبت بواسطة hos3ziz

أولا ابعد عن الميجان خالص هي كركوبة عربية حلوة بس متعبة و مشاكلها كتير جدا و معقدة, الأسترا و المازدا و الأوكتافيا كلهم عربيات محترمة بس كده يتوقف على احتياجاتك لأنك بتقارن بين ألمانى و يابانى:
- من ناحية القوة يبقى الألمانى
- من ناحية النعومة و الأسرع يبقى المازدا
- أسعار قطع الغيار كلهم تقريبا غالية بس معمرة
- أتساع الصالون و الشنطة الأوكتافيا تتفوق لأن الأسترا و المازدا المقاعد الخلفية و الشنطة ضيقة
- الثبات و الفرامل كلهم ممتازين
- الارتفاع من الأرض المازدا واطية و الأوكتافيا و الأسترا أعلى
- الإعتمادية كلهم مشاكلهم محدودة بس بصفة عامة اليابانى مشاكلها أقل فى الكهرباء و الفتيس و الحساسات و لكن الألماني العفشة مشاكلها أقل و معمرة عن اليابانى
يعني من الأخر لو عايز قوة يبقى خليك فى الألماني و الأوكتافيا أفضل من الأسترا و لو عايز عايز نعومة و جري يبقى المازدا 3
و ارشحلك معاهم الفورد الفوكاس حلوة برضو نفس شاسيه و عفشة المازدا3

---

الاستاذ عزيز جاب لك كل المفيد وعليك الاختيار انا عندي تعليق واحد بس اقدر اضيفه للكلام دا مادام حتشتري مستعمل عليك وعلى الالماني لان الياباني القديم "ممكن" وانا أؤكد "ممكن" لاني مش بافهم فيه اوي ممكن يكون فيه مشاكل في قطع غيار لان الموديلات بتتغير شكلا و مكونات كل سنتين او تلاته وانا لي صديق كان معاه هوندا اكورد موديل 2002 او بعدها ومراية الباب عنده انكسرت وداخ عليها شهور على ما لقاها وطبعا جابها استيراد مش جديدة

بالنسبة الاسترا عموما صيانتها وقطع غيارها مكلفة اما السكودا عموما عربية اقتصادية جدا واعتماديتها عالية جدا انا كان معايا a4 موديل 2004 ودلوقت معايا اختها 2008 اوتو وشهادة حق عن تجربة العربية دي شديدة جدا وحمالة اسية وبشهادة مهندس متخصص ميكانيكا قال لى العربية دي "durable" جدا يعني خدمة شاقة وطبعا معمرة عشان كدا لو جبتها مستعملة 2005 مثلا تعيش معاك كمان عشر سنين بشرط الحالة النضيفة والخلو من الحوادث الخطيرة موضوع الكيلومتر مش فارق كتير طالما الصيانات بتتعمل في مواعيدها وبالذات صيانة الفتيس لان عربيتي الاولى كانت عاملة 320 الف ومع ذلك لما بعتها ما كانش فيها اي مشاكل باستثناء تظبيط الفتيس لاني بدون علم لم اغير زيت الفتيس في موعده لولا كدا العربية كانت زي الفل وشغالة معايا آخر حلاوة

واخيرا طبعا اوصيك بعمل صلاة استخارة وتوكل على الله و ربنا يوفقك

الأوكتافيا أحسن بالتأكيد.. لكن خلي بالك.. انت بتشتري عربية مستعملة فلازم تعمل حسابك على أسعار قطع الغيار والمصنعيات في أي واحدة فيهم.
العربية بتبدأ تفتح بقها بعد خمس سنين..
خلي بالك

بلاش ميجان
و انا لو مكانك مازدا 3 او فورد فوكاس
لو لقيت عربية نضيفة من الاتنين دول يبقى احسن

كل كلام الناس زي الفل وطبعا كله بيعبر عن وجه نظره لان فعلا العربيات دي كلها ممتازة ......... ودا رأئي

طبعا كلكم نسيتوا حاجة اسمها هيونداي النترا عربية تحفة ورائعة ف كل شئ
--- معنى كدا المقارنة بين الانترا - مازدا 3 - اوكتافيا

طبعا للاسف الشديد الاوكتافيا هي الافضل بس الموديل مش هيعدي 2003 2004
الانترا هتتكلم في 2007 2008 الفئة الاولى واحتمال تكون مانيوال كمان لاا لو رفع الفلوس لعند 80 الف
المازدا هتكون 2008 تقريبا بس الفئة الاولى منها مجهزة اي بي اس أوبشن أعلى من الالنترا
من رأي الشخصي المازدا تكسب ف الشياكة والفخامة ومعدل استهلاك البنزين افضل من الانترا وقطع غيار معمرة جدا لان الثلاث عربيات اعتمادية جدا جدا وقوية جدا جدا عفشة وموتور وفتيس

(في لانسر سوبر اكشن بس شخصها اللي فات احسن مليون مرة)
وربنا يوفقك