بدايه تصنيع الماروتي من اول وجديد
طبعا زي منتو عارفين كنت عامل حادثه كبيره من شهر ولسه قايم من كام يوم... طبعا الماروتي العزيزه اتبهدلت .. ولكن الادهي اني لفيت مصر كلهاااا علي النص الامامي من بورسعيد للاسماعيليه للمنصوره للمنوفيه للحرفيين مفيييييش .. طبعا حاولت اشد العربيه زي مهيا اكتشفت ان العضم بتاعها اساسا طبقات علي طبقات والضربه اخدت البطاحه وعجنت الجانب الشمال
متتخضوش اخيرا لقيت نص معتبر فابريكا استيراد طلياني مش عارف الماروتي راحت هناك ازاي :10D5C8w1107: هههههه المهم انه الموديل القديم في الفوانيس لكن الشبكه بتاعته مخلياه حلو شكله قلت مش مهم المهم العضم نضيف وادينا نعمل مكس في العربيه هههههههه:36_1_34[1]: اخدته كله بالباب الشمال والرفارف والفانوسين والاكصدام والقرب بتاعت الميه والتابلوه والكونصله والكبوت والعفشه الاصليه بتاعته ب 2800 قلت الحمد لله
من انهرده بدا الشغل في الماروتي والسمكري نقل القنطره والقواعد في النص الجديد وكمان ضفيره الكهربا ... اكتشفت ان الماروتي عربيه لذيذه وشديده الحمد لله ... اوعدكم كل يوم تقرير لحد متتصلح الماروتي وان شاء الله خير
بس علموني ازاي ارفع الصور يا جدعان