عرض للطباعة
طبعا مش عايش فى مصر اللى مش اكل مطب قبل كدا .... دا يبقى فايته كتير اوى
المهم انا ماشى فى امان ربنا وهوب لقيت دا نط ادامى ... ارتفاع وعرضة متوسط
انا كنت لسه طالع من حته زحمة فشديت على الاول يعنى ... فالسرعة تقريبا كانت من 20 لـ 25 ك/س
كلام فاضى مش كدا
العربية مش اتهبدت جامد وانا جوا مش حسيت ان الموضوع صعب اوى يعنى
المهم انا بصيت على المساعدين والحمد لله مش فيه زيت
ومش حاسس بأصوات غريبة بردة
بس بردة قلت اتأكد منكم .... تفتكروا ايه ممكن يكون اضرر غير كدا؟؟
يعني المطب مش عالي وعلى سرعة 20ك والعربية ماتهبدتش ...
يا باشا ده انت لو بتشرب كوباية شاي وقتها ماكانتش هتدلق منك
ربنا يكفيك شر المطبات اللي بجد
ربنا يستر طريقك و يكفينا شر المطبات
والله عندك حق .... بس انت عارف الوسواس بقةاقتباس:
المشاركة الأصلية كتبت بواسطة aboamina
وطبعا اول مطب دا بيبقى ليه طابع خاص .... لكن لما اخدلى كام مطب محترمين كدا اكيد هاخد مناعه
تسلم على ردك يا كبير
لا ياعم متخفش انا بعربية صاحبي اللوجان بدخل على المطبات الحلوه وانا سرعتي 15 - 20
لما تنط مطب تكون على 100 - 120 هو ده الكلام
بسيطة الحمد لله
انا مرة لبست احد مطبات المحور على سرعة 100/120 في الحدود تقريبا !!
خدت غرزة مابين ترلتين لقيت المطب في وشي !!!!
سعتها كان معايا زميلي معاه اسبيرانزا 516 لبس معايا نفس المطب على نفس السرعة تقريبا
انا الحمد لله العربية خدت المطب ونزلت اكن ماحصلش حاجة !!
هو اتهبد هبدة مايعلم بيها الا ربنا وتقريبا عربيته جابت مساعد او مقص !! حاجة كدة في العفشة مش متذكر بالظبط
نعومة العفشة بتفرق كتيير اوي في موضوع المطبات ده !! انا لو لبست نفس المطب ده تاني دلوقتي على نفس السرعة اقل واجب المساعد هيطير !! ده لو الجنط فضل سليم وماتسكرش هو كمان
ربنا يسترها علينا جميعا
امال انا اعمل اية انا واكل مطب جامد على 80 :d والحمدلله محصلش حاجة بس العجلة اليمين رجعت ورا 1 سم فـ هعملها زرجينة واظبطها
أي مطب هايأثر على العربية و يأثر على العفشة و المساعدين و العجل (إن كان حديد أو جنط ) و قواعد الموتور .
درجة التأثير هي اللي بتختلف
يعني مطب على سرعة 20 .......... غير سرعة 10 ........ غير 60 و 80 و 100 ...........
===
أنا بقف على المطب تماما و أخده براحتي ......... هو أنا مستغني عن عفشتي ؟؟؟
انا بأستغرب من الناس اللي بتأخد المطبات قفز ؟؟؟؟؟؟؟؟؟؟؟؟؟؟
كان فيه أثنين على المحور بيسابقوا بعض لما كانت المطبات لسة معمولة جديد في 2007 تقريبا
واحد معاه بي أم و التاني مرسيدس
تقريبا سرعتهم كانت 100 أو 120 .......... هما عدوا من جنبي طيارة
وعلى بعد 500 متر ........... لقيت الأثنين طايرين في الهوا و الشرار في الأرض أكن ولعة ولعت ............
معرفش بصراحة ايه اللي جرالهم ...... عدت علىالمطب براحة و سبتهم و مشيت ...... و الدنيا أصلا كانت بالليل .
اومال لو كلت مطب من مطبات طريق الواحات العشوائية على 120 تعمل ايه؟ ربنا يسترها
تمام زيادة تإكيد انا هروح اكشف على العفشة عند عفشجى
بس ياريت لو تقولوا لى على مكان عفشجى محترم فى منطقة فيصل او الهرم
والمفروض انه يكشف على اية بالظبط
وتكلفة الكشف هتكون فى حدود كام .... لأن انا فى التعامل مع الصنايعية سيراميك ومش عايز يضحك عليا
علما بأنى هخلية يربط العفشة بردة بالمرة.
ياراجل كبر دماغك
انا مرة كلت مطب على 140 !! تخيل
حسيت ساعتها ان العربية اتقسمت نصفين
ومعظم المطبات اللى بكلها بتكون من 100 وطالع
الف مبروك
متقلقش كل واحد هنا و انا طبعا متعلم عليه من المطبات
ده الطبيعي فشوارع مصر
ياراجل كبر دماغك هو انت كده اكلت مطب ربنا يكفيك المطبات الي بجد
ياباشا مطبات ايه اللي مخوفاك انا ساكن في شارع طوله 800 متر طوالي وفيه مطب في نصه بقعد في الصيف بليل في البلكونة اتمزج بصوت المزيكا والفرملة وعربيات بتنط وتفضل في الجو حبة حلوين وتنزل تهبط بسلام في ارض القاهرة :d وعربيات تطلع تسلم عليا وتنزل تاني ( انا ساكن في الدور السابع ) وعربيات تضرب شقلبظات في الجو فعادي يا بيه متقلقلش الحمد لله انها جت على قد كده