مرتبات و تكاليف المعيشة في السعودية ظروفها ايه ؟

**MaZaGAngeE** · 30-06-2013 02:26 AM

معروض عليا وظيفة مدير شركة ومصنع في السعودية و هيكون دوري فيها انشاء الشركة من الاساس و بناء المصنع و ادارة الشركة بعد كده ...
طبعا الظروف في مصر زي ما كلكم عارفين و ربنا يعديها على خير ..

دلوقتي انا مش عارف اطلب مرتب كام ... و مميزات ايه ؟
و ظروف المعيشة و تكاليفها ايه ؟ و المدارس ؟ العلاج ؟
عندي بنت في كي جي 1 و ولد وبنت توأم سنتين

ياريت المهندسين اللي عايشين في السعودية او المديرين هناك يفيدوني في موضوع المرتب و المميزات ..

همه قالولي ان فيه بدل سكن و عربية و قالولي شوف انت عايز ايه تاني ..

مجال العمل هيكون في التعدين و ده مجال مرهق جدا بالاضافة الى اني هكون مسؤول عن الانشاءات و التركيبات و اختيار العمالة و تدريبها و المبيعات و المشتريات و كل ما يخص الشركة من اعمال ادارية او فنية ..
حجم الشركة هيكون متوسط براس مال 15 مليون ريال و حجم مبيعات بعد تلات سنين 70 مليون ان شاء الله حسب دراسة الجدوى اللي انا عملتها ...

**minicooper20** · 30-06-2013 05:38 PM

بص يا باشا
مدير يعنى 25 الف فا اكتر و عموله سنويه
ختصرف كام هترف فى حدود 5 6 بس عيشه مرفهه
طبعا عربيه و تذاكر سفر و بدل اتصال و بدل سكن و بدل تاسيس
بالنسبه للشغل انتا ادرى بافيلد بتاعك
بس شركه راس ملها 15 مليون فى السعوديه يعنى شركه صفيره
انتا بتكلم فى مصنع و كده مش عارف زصنع ايه الى ب 15 مليون
اتاكد من نقطه دى هنا دلوقتى اقل راس مال لحاجه زى البتكلم عليها 200 300 مليون
اخر حاجه شوف هتكون فين جده ولا رياض ولا فين
تحياتى و تحت امرك فى اى سوال

**MaZaGAngeE** · 30-06-2013 09:52 PM

المشاركة الأصلية كتبت بواسطة minicooper20

بص يا باشا
مدير يعنى 25 الف فا اكتر و عموله سنويه
ختصرف كام هترف فى حدود 5 6 بس عيشه مرفهه
طبعا عربيه و تذاكر سفر و بدل اتصال و بدل سكن و بدل تاسيس
بالنسبه للشغل انتا ادرى بافيلد بتاعك
بس شركه راس ملها 15 مليون فى السعوديه يعنى شركه صفيره
انتا بتكلم فى مصنع و كده مش عارف زصنع ايه الى ب 15 مليون
اتاكد من نقطه دى هنا دلوقتى اقل راس مال لحاجه زى البتكلم عليها 200 300 مليون
اخر حاجه شوف هتكون فين جده ولا رياض ولا فين
تحياتى و تحت امرك فى اى سوال

شكرا ياباشا على الرد ..

الشركة فعلا صغيرة و انا هبنيها من الاول .. يعني هاخد الارض فاضية و ابني المصنع و هروح الصين اجيب خطوط الانتاج من هناك .. سبب ان راس المال صغير ان المعدات من الصين لو هجيبها الماني هتوصل فعلا 200 مليون و اكتر ..
و الشركة معمولة على اساس دراسة جدوى انا كنت نشرتها هنا في المنتدى .. عن صناعة كربونات الكالسيوم .
و هكون في مدينة قريبة من الرياض اسمها الخرج ..
انت قصدك 25 الف جنيه و لا ريال ؟ و المصاريف 5 او 6 الف جنيه و لا ريال ؟
يعني ايه بدل تاسيس ؟

**minicooper20** · 01-07-2013 12:16 AM

تحت امرك يا باشا
باشا البدجت المعاك ده فى بلد زى السعوديه ولا هيعمل حاجه المنافسه هنا ضاريه
و حوار انك تيل الحوار من الاول يبقا عقدك يكون فى شرط انكو لو خسرتو انتا ملكش دعوه و تكتبو البند ده لان هنا محد هيرحمك لو لاقدر الله خسرت
انا فى سوق مبيعترف الا بلمكسب و المنافسه ضرب نار
تانى حاجه انا كلامى ريال مش جنيه
بدل تاسيس الهو بتاخد 15 الف ريال اقل حاجه شان تجيب عفش
الخرج بلد صغيره الترفيه فيها مش عالى بس جنبك الرياض
اشرط السياره دفع رباعى لان شغلم هيكون فى الصحراء
لو انتا هتختار فريق العمل اختار ناس بتاعت شغل
ربنا يوفقك و تحت امرك فى اى استفسار
بس الاول هى الشركه دى قايمه و لا لشه هتنشاء و هل ليها مشاريع تانيه و هتجربو كلكو مع بعض

**MaZaGAngeE** · 01-07-2013 01:52 AM

المشاركة الأصلية كتبت بواسطة minicooper20

تحت امرك يا باشا
باشا البدجت المعاك ده فى بلد زى السعوديه ولا هيعمل حاجه المنافسه هنا ضاريه
و حوار انك تيل الحوار من الاول يبقا عقدك يكون فى شرط انكو لو خسرتو انتا ملكش دعوه و تكتبو البند ده لان هنا محد هيرحمك لو لاقدر الله خسرت
انا فى سوق مبيعترف الا بلمكسب و المنافسه ضرب نار
تانى حاجه انا كلامى ريال مش جنيه
بدل تاسيس الهو بتاخد 15 الف ريال اقل حاجه شان تجيب عفش
الخرج بلد صغيره الترفيه فيها مش عالى بس جنبك الرياض
اشرط السياره دفع رباعى لان شغلم هيكون فى الصحراء
لو انتا هتختار فريق العمل اختار ناس بتاعت شغل
ربنا يوفقك و تحت امرك فى اى استفسار
بس الاول هى الشركه دى قايمه و لا لشه هتنشاء و هل ليها مشاريع تانيه و هتجربو كلكو مع بعض

فعلا راس المال قليل بس احنا عاملين خطة لرفع الطاقة الانتاجية بمعدلات سريعة .. و ميزة التعدين ان معدلات ربحيته عالية و سريعه .. و انه قابل للتوسع و تنويع المنتجات بسهولة و تكاليف قليلة في المراحل التالية .
انا دوري ادارة الشركة و متابعة فريق المبيعات لكن انا مش رايح مغسل و ضامن جنة ...
انا هيكون شغلي في المصنع و نادر لما هروح المحاجر بس ايه العربيات اللي افكر فيها ؟ انت عارف مصر حاجة تانية خالص في العربيات ..
هيه الشركة لسه هنعملها و همه ليهم نشاطات في المقاولات و التجارة لكن الصناعه اول مرة يدخلوها .

**memo2000soft** · 01-07-2013 02:33 AM

طبعا في البدايةربنا يوفقك ويكرمك وترفع راس المصريين في الخارج زي كل المصريين المحترمين
انا ليسة سايب السعودية من حوالي سنة ونص
اول حاجة لازم تفكر فيها وتعملها انك تشوف العقد بتاعك وتكون كل الشوط واضحة من مرتب شهري + بدل السكن + بدل المواصلات+بدل التأسيس+ الاجازة السنوية مدفوعة الاجر ومحددة كام يوم وطبعا تذاكر الطيران ذهاب وعودة+ ان العقد يكون عقد عائلي ودي اهم حاجة علاشان هتفرق معاك في عمل الاقامة والتامين الصحي للاسرة وتذاكر الطيران ذهاب وعودة في الاجازات + البونص السنوي او الارباح السنوية
بالنسبة للمعيشة في السعودية طبعا هي غليت الفترة الاخيرة بس
بدل السكن بالنسبة لوظيفة مدير اعتقد مش هيقل عن 30 الي 35 الف ريال في السنة
بدل تاسيس علاشان فرش الشقة مش هتقل عن 15 ال 20 الف ريال
المواصلات هما بيخيروك اما يصرفولك بدل مواصلات شهري ودة مش هيقل عن 2000 ريال في الشهر او هيدوك عربية ويحسبوك علي البنزين والزيت بتاع العربية او انك تروح تشتري عربية زيرو وهما يدفعو تمنها كاش ويخصمو تمنها من بدل المواصلات بتاع كل شهر وفي الاخر تبقي بتاعتك بعد ما تخلص تمنها
بالنسبة للمرتب طبعا هو هيبقي في تفاوض بانك وبنهم بس حاول انة يكون من الاول كبير لان في السعودية الزيادات السنوية ضعيفة اوي يعني لازم تبدأ بمرتب كبير متهيقلي مش اقل من 25 الي 30 الف ريال شهري

ارجو ان اكون افدتك واي خدمة في اي سؤال

**memo2000soft** · 01-07-2013 02:49 AM

انا نسيت اقولك عن تكاليف المعيشة
طبعا الخرج دي مدينة صغيرة بنها وبين الرياض حوالي 90 كيلو يعني مش هيكون في مصارق كتير
يعني فيحدود من 4 الي 5 الالف في الشهر
وربنا يوفقك

**MaZaGAngeE** · 01-07-2013 03:39 AM

المشاركة الأصلية كتبت بواسطة memo2000soft

ان العقد يكون عقد عائلي ودي اهم حاجة علاشان هتفرق معاك في عمل الاقامة والتامين الصحي للاسرة

الله يخليك
ممكن بس توضحلي النقطة دي اكتر

**memo2000soft** · 02-07-2013 01:55 AM

المشاركة الأصلية كتبت بواسطة mazagangee

الله يخليك
ممكن بس توضحلي النقطة دي اكتر

العقد يا ايما يكون عقد اعزب او عائلي
بالنسبة للعقد الاعزب بيكون بس المرتب وبدل السكن والمواصلات والتامين الصحي وتاشيرة الخروج والعودة السنوي وتذاكر الذهاب والعودة السنوية ليك انت بس
بالنسبة للعقد العائلي بيبقي بدل السكن اكبر شوية وكمان لو هتاخد اسرتك معاك الشركة بتدفع تكاليف استخراج الاقامة ليهم والتامين الصحي وكمان تاشيرة الخروج والعودة السنوية ومعها تذاكر الطيران ذهاب وعودة السنوية (خد بالك الحاجات دي مكلفة يعني الاقامة للفرد الواحد علي ما اذكر كان ب 2000 ريال بتدفع اول مرة وبعد كدة بتجدد الاقامة كل سنة تقريبا ب 100 ريال والتامين الصحي بيكون ب 1000 ريال كل سنة تاشيرت الخروج ذهاب وعودة للفرد الواحد 200 ريال تذاكر الطيران ذهاب وعودة لو علي خطوط السعودية او مصر للطيران مثلا للفرد الواحد في وقت الاجازات في الصيف يعني بتوصل ل 2000 ريال )

فا اهم حاجة لو هتاخد اسرتك صمم ان العقد يكون عائلي