عرض للطباعة
انا دلوقتى يا جماعة معايا 160000 وبدور على فانتازيا بس اقل حاجة فيها بتبقى عاملة 150 و 160 ولو حبيت اجيب مثلا هاى لاين ولا بيز لاين بتكلم فى 170 الرقم دة يجبلى اى حاجة زيرو او بى ام مثلا موديل 2007 انا بس بسال ان شاء الله اما اجيب الفنتازيا هل هتشبعنى بلغة السوق ولا هقول ياريتنى كنت جبت زيرو او بى ام والكلام دة وبالنسبة للاسعار بتاعت الفنتازيا اية الكلام دة انا مندهش بجد جبت اخرى من كتر التفكير :N_no[1]::error404:
طب ماتجيب استرا زيرو ! وفيها امكانيات احسن من الفانتازيا كمان بالاضافة انها زيرو
معلش يا ريس أوت دي،،الفانتازيا كمالياتها أكتر من الأسترا عدا ال espاقتباس:
المشاركة الأصلية كتبت بواسطة zangry
انا قصدي اول فئة ياكبير :d لو الهاي لاين طبعا هتبقي اعلى .. هتفرق زينون وجنوط والشاشة التاتش والجلد والتدفئة وفتحات التكيف الخلفية وفتحة السقفاقتباس:
المشاركة الأصلية كتبت بواسطة inspiron
لو اول فئة هتبقي الاسترا ازيد بـ2 ايرباج esp سنسور خلفي
اظن bmw 316 او318 احن بكتيييير
هي احسن طبعا ! بس خد بالك مصاريفها اعلى .. الاوكتافيا يوم ما تعمل فيها البدع بالكتير 5 تلاف جنيه انما البي ام هتبدأ من 5 :dاقتباس:
المشاركة الأصلية كتبت بواسطة mamoud salah h
اكييد طبعا بس انا رديت بناء علي الاختيارات الموضحة وبما انه قال ممكن يجيب بي ام فاهو اكييد مش مسخبي عنه ان مصاريفها اعلي من الاوكتافيا
يعنى انا اعمل اية دلوقتى بجد يا جماعة ربنا الى عالم بالحيرة الى انا فيها
أولاً الموضوع مش محتاج لحيرة ولا تفكير,اقتباس:
المشاركة الأصلية كتبت بواسطة kaboky_2010
أنت لو جبت ورقة وقلم هتلاقي الموضوع خلص في دقيقتين,,
أولا الbmw اللي انت بتتكلم عليها موديل 2007 عربية شغالة بقالها 6 سنين,,
أعمل حسابك أن أي عربية عدي عليها عدد السنين دا هتبدأ تفتح بقها معاك وهتفاجئك كل فترة بطلبات,
وساعتها هتضيع عليك طعم الفرحة بالعربية وممكن تكرها لو فيها مشكلة وهتحس إن المبلغ اللي انت أشتريت بيه العربية وهيا حاجة فخمة ونضيفة أه,
كان ممكن تجيب بيه حاجة فخمة برضه ونضيفة بس تعد بيها علي الأقل 3 سنين, وحط تحت علي الأقل دي 3 شرط من غير ما تطلب منك طلبات غير الصيانة العادية اللي هي تغير زيت وتيل فرامل كل فترة وبس..
علي عكس الbmw وأي عربية موديل 2007 طبيعي هتطلب منك كل فترة شغل أو حاجة تتغير في العفشة أو في الحاجات الألكترونية اللي بتبوظ بعد فترة من الأستخدام,
إلا لو جبتها طبعا موديل 2009 أو 2010 الأمور هتختلف,,
تاني نقطة زي مالناس وضحك تكلفة صيانات ال bmw أعلي كتير من الأوكتافيا او الأوبل,
يعني غير أنها هتطلب منك طلبات أكتر من الأوكتافيا أو أي عربية جديدة, تكلفة قطع الغيار هتبقي أغلي من الأوكتافيا,
في حين إن الأسكودا والاوبل زي ما ضحت لك هتعد معاك 3 سنين عال أقل من غير ما تشغل بالك بأنك تغير فيهم حاجة,
أخر جزئيت أنك لما تيجي تمشي بالعربية بقي جوا البلد أو تسافر بيها, هتحس بفرق كبير في السواقة و الأستجابة من العربية تحت رجليك ما بين عربية موديل 2013 وعربية موديل 2007.
نصيحتي ليك هات الأوكتافيا, أو الأوبل أو زيرو عمتاً في نفس الرينج دا.
بس أنا مش متابع قسم أسكودا بقالي فترة, هيا الموديل الجديد نزل بالفتيس ال dsg ولا لأ.
لو نزلت بيه, يبقي أتوكل علي الله وخليك في ال bmw أو شوف الأوبل لحد ما مشاكله تنحل ويبقي فتيس عملي وأعتمادي زي أي فتيس أوتوماتيك ألماني أو حتي كوري.
اولا متشكر جدا لردك وكلامك المفيد ليا بس فى نقطة انا اساسا هجيب فنتازيا مستعمل ومستحيل اجيب الفتيس الجديد دة نهائى اساسا انا مشكلتى كلها بس الى خلتنى اكتب الموضوع دة انى مش لاقى فعلا عربية كويسة بالسعر الى معايا وكمان انا مش معايا مبلغ قليل لا معايا 160000 واكيد حرام اجيب بيهم اول فئة ولا اية :dاقتباس:
المشاركة الأصلية كتبت بواسطة leitosr
ما هو عشان المبلغ مش قليل, فا في الحالتين حرام تجيب بيه عربية أستعمال,, وحرام تبقي بيز لاين.. يبقي كدا مش قدامك غير أنك تستني شوية صغيرين خالص, تزود عليه 10 كمان أو 15اقتباس:
المشاركة الأصلية كتبت بواسطة KABOKY_2010
وتجيب يا أوبل أسترا أنجوي, ودا تقرير ليها ممتاز هيشجعك عليها من أستاذ حورس, هوا عضو قديم هنا في المنتدي, ركب عربيات كتيرة جدا ممكن تشوفها في البروفيل بتاعة وراكب دلوقتي BMW 316 F30 أخر شكل, عربية جميلة ما شاء الله ربنا يخليهاله,
والمقصود من الكلام دا أنو لما هيعمل ريفيو عن عربية هيتكلم كلام حيادي وموضوعي..
http://www.nilemotors.net/Nile/363309-a.html
وفي برضة في نفس فئة السعر دي ال بيجو 308 عريبة جميلة كا سواقة ومفهاش مشاكل زي الموديلات القديمة زي ال 307
وهيا كعربيةركوبة وكثبات وأمان وفرامل وراحة متقلش عن ال BMW في حاجة,,
وممكن تجربها الأول مع حد تركب جنبه أو تسوقها وأنت اللي هتحكم وتقول دا بنفسك.
وعشان حرام تدفع ال 160 في حاجة مستعملة أو بيز لاين,
عشان مش هتحس بنفس طعم الراحة في العربية المستعملة ولا بالقيمة زي العربية الهاي لاين والAccessories اللي فيها
فزود عال مبلغ اللي معاك 10 الأول, عشان تمتلك حاجة لما تعد كل يوم تبقي مستريح ومبسوط,, وتحس أنك دفعت فلوس في حاجة أداتك فعلاً Best value for money
دا رأيي, وبالتوفيق في الأختيار. :tumb:
بص ياباشا الامانى لا يعلى عليه انا كان معايا اوكتافيا موديل 2000 a4
وبعتها وجبت لانسر زيرو
بس طبعا فى فرق واللى خلانى ابيعها انها كانت مستعملة وكانت ابتدت تفتح بقها
انا رأئى حضرتك تتوكل على الله وتجيب كرولا زيرو طبعا هيا مش زى الفانتازيا بس الزيرو زيرو صدقنى
زيروووووووووووووووووووو
اوبل استرا او فورد فوكاس
كماليات الفانتازيا أول فئة يا كبير أعلي من الأسترا بإستثناء الـ espاقتباس:
المشاركة الأصلية كتبت بواسطة zangry
- 2 إيرباج
- abs - ebd - asr - msr - mpa - epc
- تكييف كليماترونيك بفتحات خلفية
- نظام صوتي هارمن كاردون
- كمبيوتر كامل لجميع وظائف السيارة
- سينسور مطر
- مرايات كهربة ضم كهربة بسخانات وتعتيم ذاتي
- مرايا الصالون ذاتية التعتيم
- كورنر لايت ( يتم تفعيلة من تحديث السوفت ويير )
- مساحة زجاج خلفية
- ثلاجة بالكنسول والطابلوه
- مخرج aux
- بلوتوث
- 5 مساند للرأس
- طارة مالتي
- مثبت سرعة
- comfort indicators
- follow me indicator في الفوانيس والمرايات
وحاجات تانية مش فاكرها دلوقتي هههههههههه
دي أول فئة خاااالص في الفانتازيا..إيه رأيك..؟!
الفانتازيا لا يعلا عليها يا زعيم
تحياتي
ياباشا لو حضرتك هتدر علي مصاريف البي ام يبقي مفيش تفكير او مقارنة اساسا ب في حاجة انت لازم تشيل 10 او 15 الف زيادة غير تمن العربية البي ام عشان لو لقيت في حاجة عايزة تتظبط تعملها علطوووولاقتباس:
المشاركة الأصلية كتبت بواسطة kaboky_2010
انا عايز اسمع رايك فى الموضوع وكل المناقشات والاراء الى فية بس بدون تجيز للفنتازيا لانى عارف انت بتحبها اد اية واكيد انت عالم بالحيرة الى انا فيهااقتباس:
المشاركة الأصلية كتبت بواسطة inspiron
يا باشا أنا مش متحيز ولا أي حاجة زي ما ناس كتير متخيلة..أنا قبل ما أجيب العربية دي عملت فيها أبحاث..كان ناقص أسافر الشيك نفسها.اقتباس:
المشاركة الأصلية كتبت بواسطة kaboky_2010
وطلعت بالآتي :-
- عربية إعتمادية فوق المطلوب.
- قطع غيار معقولة في سعرها ومعمرة جداً.
- شكل فخم وفيه وقار.
- خامات العربية متكلفة برة وجوة وفوق وتحت.
- كماليات فوق ما تتخيله وتتفاجئ إن فيها أوبشن معين مش متوقع إنك تلاقيه.
- متانة قول من هنا للصبح.
- ألماني.
- زيرو أعطال وعيوب صناعة بالمقارنة مع فئاتها.
أنا شايف إن مفيش داعي للحيرة.وصلي إستخارة
كلامك زى الفل ومية ومية بس انا مش لاقى انا معايا 160000 مش معقول يعنى ميجبوش فانتازيا حلوة يعنى وكمان مش اول فئة ولا انت رايك ايةاقتباس:
المشاركة الأصلية كتبت بواسطة inspiron
هوا انا مش اقترحت عليك تستني شوية وتزود عليهم ١٠ الأف عشان تركب حاجة محترمة ومش بيز لاين أو أول فئة بعد ما تحوش كل المبلغ دا.
ولا حضرتك بتحب تحير نفسك بنفسك..
مهو الراى مش رايى لوحدى ومفيش اقتناع تانى غير بالفنتازيااقتباس:
المشاركة الأصلية كتبت بواسطة leitosr
فيها 80% من المواصفات دى .. شوف حتى الاوبشنز بتاعتها :dاقتباس:
المشاركة الأصلية كتبت بواسطة inspiron
مافيهاش مساحة خلفية و تكييف كليماترونيك بفتحات خلفية وهى فيها 4 ايرباج وesp
طبعا لا يعلى عليها ياباشا :d ده اكيد
4 ايرباج خش بقه علي تاني فئة في الفانتازيا والهاي لايناقتباس:
المشاركة الأصلية كتبت بواسطة zangry
الـ4 ايرباج في الهاي لاين الفئة التانية كانت بتزيد سنسور وجنوط 15 وزينون تقريبااقتباس:
المشاركة الأصلية كتبت بواسطة inspiron
ال٢٠١٣ غير يا كبير زادت ٤ ايرباج من تاني فئة وموجودة عند عادل جودة في أحمد عرابي وفيها بخاخات فوانيساقتباس:
المشاركة الأصلية كتبت بواسطة zangry
طب حلو اوي بس بقت بكام دى :dاقتباس:
المشاركة الأصلية كتبت بواسطة inspiron
في واحد جارنا جايب الفئة التانية بس استغربت ان مافيهاش بخاخات !
انا معايا فانتازيا 2013 الفئة التانية اوتو فيها 2 ايرباج بس ،، بس فيها الزينون والبخاخاتاقتباس:
المشاركة الأصلية كتبت بواسطة inspiron
كل العربيات اللي نازلة في النص التاني من 2013 في الفانتازيا ( بختك يا أبو بخيت ) عربية تلاقيها بالبخاخات..وعربية لا..عربية تلاقيه بكاسيت بوليرو الشاشة الكبيرة..وعربية تلاقيها بكاسيت بوليرو الشاشة الأصغر.عربية تلاقيها متأكتفة علي كل الـ features اللي نازلة علي الكمبيوتر بتاعها زي الكورنرينج والفولو مي وعربية محتاجة تتأكتيف..عربية بـ 2 إيرباج وعربية بـ 4 !! زي ما تقول كده..الحبة اللي باقيين في قعر الحلة قبل نزول الشكل الجديداقتباس:
المشاركة الأصلية كتبت بواسطة m_bander
بمناسبة ال features ،، انا بقى اتلوح مع التوكيل لغاية ما اقتنعوا ان فى حاجه اسمها corner lights ،، روحت اعمل صيانة ال 10000 فى الاقصي قلتلهم على ال follow home قالولى ده بيشتغل فى اوروبا بس ،، ده على اساس ان العربية بتبقى حاسه هى ماشية فين و بتشغل ال features على مزاجها :N_no[1]:اقتباس:
المشاركة الأصلية كتبت بواسطة inspiron
متعرفش حد قريب يشغل الحاجات اللى فاضله ؟؟ انا التوكيل شغل الكورنر لايت و الداى لايت بالعافيه
سالت فى الاقصى عن فائدة ال Bend Lightening اللى فى ال Assistance قعد يقولى برضه بتبغل فى اوروبا وم تقريبا هو مش فهام بتعمل ايه،، متعرفليش انت وتكسب فيا ثواب؟
في مراكز وورش متخصصة برة التوكيل عندهم آخر إصدار من برنامج v.w vcds mods وده اللي بيفتح كل الفيتشرز دي.ممكن في الحرفيين أو أحمد زاهر.لكن طبعاً الكلام بتاع بيشتغل في أوروبا والهجص ده .. لما تسمعه.. تأكد إنك بتتكلم مع بياع مصري :N_no[1]:اقتباس:
المشاركة الأصلية كتبت بواسطة m_bander