السلام عليكم ورحمة الله وبركاتة
أخواتى وحبايبى اعضاء نايل موتورز
اخوكم محمد حامد مقيم بجدة من حوالى سنتين حكايتى مع الاوبترا ابتدت من حوالى 10 شهور العربية انا اشتريتها لان الفلوس كانت محدودة ودة خلانى افكر فيها بصراحة هى كانت على قد الفلوس كانت تقريبا ب11500 ريال بنقل الملكية والتامين والعربية موديل 2005 فابرييكا برة وجوة وماشية 151000 فتيس اتوماتيك وكل الكماليات ايرباج وكله المهم العربية لما اشتريتها كنت بفكر انى لما الامور تتظبط اغيرها واجيب حاجة يابانى بس الحمد لله اعلنها امام الكل لان اتنازل عن اوبتراياتى العربية يا جماعة ممتازة ممتازة بكل المقايس استهلاك بنزين ومكيف وعزم وكل حاجة العربية اشتريت لها من يوم ماخذتها 10 ريال فلتر بنزين 15 ريال فلتر مكيف 10 ريال فلتر هواء 7.5 مساحات زجاج والحمد لله بحط كل 5 أيام ب20 ريال بنزين 95 بتكفينى ويفضل فيها العربية على الخط السريع حلوة المشكلة اللى كنت عارفها من صاحبها ان الدريكسون تقيل وهتحتاج علبة باور بس الحمد لله طلع كان مش عارف حاجة كانت دورة الباور واخذة هواء والحمد لله 100 مية وربنا يباركلى فيها ويخليهالى
اسف طولت عليكم