الموضوع: تنبيه من معرض السيارات اللى جنب معرض السيارات المصرية اللى فى المعادى على الكورنيش

المشاركة الأصلية كتبت بواسطة Land_Cruiser

+1
التوكيل او موزع معتمد اكيد افضل سواء كانت العربيه تجميع محلي او مستورده انما العربيات اللي في العرض دي محدش يشتريها طبعا لانها بتبقي واقفه في المعرض ليل نهار و احيانا بينقلوها من معرض للتاني طبعا سواقه مش علي ونش و لا حاجه ده غير الناس اللي بتجرب فيها ليل نهار و بتبهدل فيها او ممكن تاخد منها حاجات زي الولاعه او ايريال الراديو و بلا مبالاه رهيبة و معاهم مندوبين المبيعات و العاملين في المعرض. حتي لو حضرتك اضطريت تشتري من معرض لأي سبب لازم يكونوا جايبنهالك من المخزن يعني مردومه تراب و عليها الاستيكرز الابيض و من جوه الفرش بالأكياس اللي عليها و رائحه الفابريكه . غير كده ما تشتريهاش و أحجز و استلم من التوكيل او من المركز المعتمد المعروف حتي لو اضطريت تنتظر شويه انما كده اضمن الف مره و بصراحه المفروض بعد كده شركات السيارات تبقي تنزل عربيه ماكيت طبق الاصل للعرض زي الموبايلات كده بدل ما بيعرضوا عربيه حقيقيه و تتبهدل و في الاخر يلبسوها لحد و ده علشان الناس تاخد فكره عن شكلها سواء من الداخل او الخارج أما الموتور فده بيبقي ليه مواصفات قياسيه يعني المعاينه مش هتفيد في اي حاجه طالما ان الناس بتتفرح فقط مش هتعملها تست درايف

بس احتمال يكون الزبون كان بيجرب التكييف ولا حاجة

قلة الضمير بقى عاده ..... ولاركب صاحبته معاه والله اعلم بيهم وباخلاقهم .
يا باشا متعرفش راحو فين ؟؟
ههههههههههههه
بصراحة الموضوع ده جديد عليا خالص .

على فكره فى المصريه بياخدو حاجات من العربيات زى مفكات او هدايه بتبقى نزله فى العربيه من المصنع او دوسات غير طبعا انى اى عيل صغير بيفتح اى عربيه و يقعد يلعب فيها و يخلع فيها

انا قلت للراجل بتاع الطارق انا عايز عربيه بترابها قالى مال الى فى الصاله دى الناس تعبو قوى عشان ينضفوها قلت له يا عم انا مجنون و عايزها بترابها و العفره الى عليها فعلا جاب العربيه بترابها و ماشيه 7 ك الى هم من المخزن للصاله و حتى لزق الابواب و الدواسه الكارتون و كل حاجه فى العربيه مكنتش اتلمست

طب انا هحكيلكو علي موقف حصلي مرة كنت عند بتاع الدوكو برش اكصدام عربيتي و فجأة لقيت واحد من صنايعية الورشة جاي راكب فيلوستر زيرو لسة مترخصتش و لسة عليها البلاستيك الابيض دة قولت تلاقي واحد لسة جايبها و مبيعرفش يسوق خبطها فبسأل صاحب الورشة بتعمل ايه هنا دي ؟؟ قالي ده انا راشش فيها جنب المعرض باعتها تتظبط و تتباع تاني المهم قعدت الف حوالين العربية عشان اعرف اي جنب اللي مرشوش ابدا و مرة تانية لقيت نيسان قشقاي زيرو بيرشوا فيها اكصدام يعني الواحد ياخد معاه ميكانيكي و سمكري بقي و هو بيشتري الزيرو ما هو خلاص مبقاش في ضمير ميعرفوش الفلوس بتيجي ازاي