ارجو المساعده مشكله فى النوبيرا

**mahmoud_financial** · 30-06-2013 01:02 PM

السلام عليكم أولا معايا نوبيرا 2007 مانيوال ون اسبوعين كده حسيت ان العربيه وهى ماشيه بتنتش فيها رجه رحت للميكانيكى قالى ده اكيد اما فلتر بنزين او بوجيهات وفعلا غيرنا الاثنين ونفس المشكله هى هى وبعدين روحت لواحد تانى قالى لالالالا ده سلك بوجيهات وفعلا غيرته ونفس المشكله واخيرا واحد تالت قالى دى رشاشات فقبل ما اغيرها قولت اسأل لعل الاقى اجابه افيدونى افادكم الله

**Ahmed Nasser** · 30-06-2013 01:10 PM

العربية معاك معاملة كام الف وصيانتها فى مواعيدها ولا لأ
وقبل تغير الرشاشات اكشف عليها الاول

**mhopa2440** · 30-06-2013 01:11 PM

للاسف الشديد انت رحت لميكانيكية مش فاهمين

طبعا دي احتمالات بس ف الغالب تنتيش العربية بيكون المسئول عنه البنزين وما يخصه وليس دائرة الكهرباء

يعني فلتر بنزين - طلمبة البنزين - الرشاشات (أسلاك الكهرباء المسئولة عن تشيغلها)

قبل ما تغير لازم تعرف العيب فين بالضبظ عشان مش تصرف فلوس على الفاضي وخلاص

**mahmoud_financial** · 30-06-2013 02:40 PM

أولا العربيه عامله 183000 كم وصيانتها لحد 150 كانت فى التوكيل وسيبته عشان الاسعار بقت غاليه قوى ثانيا الصيانات فى مواعيدها بالظبط وبالكامل و على فكره انا غيرت زى ما قلت فلتر بنزين بوجيهات سلك بوجيهات يبقى ناقص الرشاشات أخيرا لو حضراتكو تعرفو ميكانيكى متخصص ممكن ارحلو ومش مهم المكان أوووووووووووووووووو هسلم واروح التوكيل وأمرى لله

**mous6fa** · 30-06-2013 04:21 PM

كان معايا نوبيرا قبل كده وكانت بتواجهني مشكلة التنتيش دي ..
وكان حلها تنضيف طرمبة البنزين كويس جداااااا وكمان غيرت رشاشات ...
حسب معلوماتي ساعتها إن فلتر البنزين عبارة عن جزء داخلي فى طرمبة البنزين بالنسبة للنوبيرا .. وبالتالي مفيش فلتر بنزين للنوبيرا بيتباع لوحده .. لازم تشتري الطرمبة كاملة .. وعشان كده فكينا الطرمبة ونضفناها كويس جدااا جدااااا وبعد كده جبت رشاشات إستيراد بـ 175 جنيه وأنتهت مشكلة التنتيش ..
جرب الأول تنضيف الطرمبة .. ولو المشكلة مستمرة غير الرشاشات .. والأعضاء هنا يقدروا يفيدوك عن أكتر نوع رشاشات ملائمة للنوبيرا وتكون إقتصادية فى إستهلاك البنزين ..

**elnakshabandy** · 30-06-2013 11:17 PM

المشاركة الأصلية كتبت بواسطة mous6fa

كان معايا نوبيرا قبل كده وكانت بتواجهني مشكلة التنتيش دي ..
وكان حلها تنضيف طرمبة البنزين كويس جداااااا وكمان غيرت رشاشات ...
حسب معلوماتي ساعتها إن فلتر البنزين عبارة عن جزء داخلي فى طرمبة البنزين بالنسبة للنوبيرا .. وبالتالي مفيش فلتر بنزين للنوبيرا بيتباع لوحده .. لازم تشتري الطرمبة كاملة .. وعشان كده فكينا الطرمبة ونضفناها كويس جدااا جدااااا وبعد كده جبت رشاشات إستيراد بـ 175 جنيه وأنتهت مشكلة التنتيش ..
جرب الأول تنضيف الطرمبة .. ولو المشكلة مستمرة غير الرشاشات .. والأعضاء هنا يقدروا يفيدوك عن أكتر نوع رشاشات ملائمة للنوبيرا وتكون إقتصادية فى إستهلاك البنزين ..

النوبيرا فيها فلتر بنزين موجود فى صدر العربيه
بس بيتهيألى الموضوع ده عيب بنزين او لاقدر الله الموبينه

**ahmedmanga** · 01-07-2013 11:58 AM

على فكرة ممكن يكون حاجة من الاتنين فلتر البنزين او نظفة بالرش بتاع التضيف ده
علشان فيه بنزين مغشوش اليومين دول قبل ما تعمل اي مصروفات

**حسام السويدي** · 01-07-2013 09:49 PM

متابع

**lakany** · 02-07-2013 01:24 AM

ايه يا جماعه ساعة السرعه دي

**rabso88** · 02-07-2013 08:24 AM

فيين ساعه السرعه دى

الموضوع: ارجو المساعده مشكله فى النوبيرا

LinkBack

أدوات الموضوع

عرض

-

-

المواضيع المتشابهه

مشكله فى rpm ارجو المساعده

مشكله فى النوبيرا ارجو المساعده

مشكله ارجو المساعده

النوبيرا مش راضيه تقفل بوقها..ارجو المساعده

لدى مشكله فى عربيتى النوبيرا وارجو المساعده

الكلمات الدلالية لهذا الموضوع

المفضلات

المفضلات

ضوابط المشاركة