هاركب ويرا .... ممكن نصيحة

**Ezz07** · 30-06-2013 03:09 PM

بسم الله الرحمن الرحيم
اسمي عز واحب اولا اشكركم على المواضيع الاكثر من رائعة والمجهود الجبار وبالتوفيق
ثانيا وبعد فترة من البحث عن عربية حلوة بسعر مناسب استقريت على الويرا
والعربية اللي معروضه علي :
ويرا موديل 2000 ... 1300 سي سي ... كاملة مانيوال لونها ازرق
السعر 33000 مع العلم ان صاحبها قاللي ان الموتور خفيف

وانا محتاج نصيحة منكم لان واضح ماشاء الله انكم متميزون
اولا انا لسه ماعينتش العربية ... فاحب اعرف اهم الحاجات اللي اركز عليها وانا بعاين الويرا
ثانيا موضوع ان الموتور خفيف هل ده علاجه طقم شمبر فقط ولا محتاج عمرة ؟ وايه هي التكاليف المحتملة؟
ثالثا ايه المشكلات اللي اذا وجدتها ما شتريش بسببها العربية
واخير ايه افضل سعر احاول اوصله واخلص بيه
ومرة تانية احب اشكركم على مجهودكم الرائع وان شاء الله كل اللي عاوز يشتري ويرا
يستفيد من نصائحكم

**yousefsemsem** · 30-06-2013 03:26 PM

بس ياباشا مبروك مقدما العربيه سعرها معقول كده بس حاول تنزل الف كمان وتروح عزبه شلبي تشيل الماتور وتحط غيره 1500 والعربيه ممتازه وبص علي دواخلها والدنيا فيها عامله ايه واساسيات وكل حاجه هتقفل معاك بعد تركيب الموتور 35 ومافبش عربيه التيام ديه بالسعر ده تكيف وبور وزجاج كهربا وثبات وقوه يعني ياباني

**Ezz07** · 30-06-2013 03:45 PM

المشاركة الأصلية كتبت بواسطة yousefsemsem

بس ياباشا مبروك مقدما العربيه سعرها معقول كده بس حاول تنزل الف كمان وتروح عزبه شلبي تشيل الماتور وتحط غيره 1500 والعربيه ممتازه وبص علي دواخلها والدنيا فيها عامله ايه واساسيات وكل حاجه هتقفل معاك بعد تركيب الموتور 35 ومافبش عربيه التيام ديه بالسعر ده تكيف وبور وزجاج كهربا وثبات وقوه يعني ياباني

الف شكر ع المعلومات
بس سؤال هو بالنسبة لتغيير الموتور اي ميكانيكي يعمل ده ولا في متخصصين للويرا ؟

**yousefsemsem** · 30-06-2013 03:59 PM

الموتور بتاعها هو هو بتاع الانسر البطه يعني ياباني ماتقلقش ولما تسال اسال علي البطه ماتقولش بروتون علشان هيضربولك السعر في 2 و3 دول عالم بيستغلو الموقف واي حد كويس هيظبطهولك ده لو هتغيره اما لو الماتور اول مرة يتفك انصحك اعمله عمرة ده لو اول مرة يتفك غير كده هات واحد جديد