عرض للطباعة
سلام عليكم يا شباب...أنا معايا سكودا أوكتافيا a5 موديل 2008....التكيف كان شغال كويس جدا وبعدين حصل فجأه.. أن في درجه حراره بتبقي مكتوبه في شاشه التابلوه..بتبقي بالموجب مثلا 40 وبعدين تفضل تقل تقل لغايه لما توصل درجه الحراره بالسالب وهنا التكييف بيقلب من بارد لسخن...فهل حد من أهل الخبره عنده حل للمشكله دي؟......ولو عايز أفك حساس التكييف عشان أنظفه مكانه فين؟؟؟....أرجو مساعدتي
ده حساس الـ outside temperature إما محتاج نظافة..أو محتاج تغيير..شوف يا سيدي هتعمل الآتي :-اقتباس:
المشاركة الأصلية كتبت بواسطة madridy1001
في وسط الطابلوه من فوق..هتلاقي في حتة بارزة كده من المنتصف..ده حساس هتنظفه بحتة قطن داير ما يدور كده..هتركن العربية لحد ما تبرد..( يفضل يكون عندك خرطوم مية )..بعد ما العربية تبرد هتسلط الخرطوم علي الريداتير والسربنتينة من برة ومن جوا ناحية المراوح.هتلاقي طينة كتير بتنزل كمل لحد ما تحس إنه نظف..بعدين تسيبه ينشف..وترجع تعيد الكرة مرة تانية..وتسيبه ينشف..وتجيب بعد كده wd-40 ترشه علي ترسين المروحة من جوة عشان المية كلت الشحم بتاعهم.بعدين تدور العربية وتشغل التكييف وتظبطه علي العلامة الزرقاء وأقصي سرعة للمروحة وتخلي الهواء يجي من برة 10 دقايق..بعدين تظبطه يقلب الهوا جوا العربية 10 دقايق..ظبط التكييف علي درجة 20..دوس علي الـ auto low مش high
وإستمتع بتكييفك وادعيلي.
أولا شكرا جدا لحضرتك علي ردك الجميل ده ...ثانيا انا بعد ما نزلت الموضوع ده ...رحت لميكانيكي عشان اعرف المشكله فين بس...فقالي ...ان في مروحتيين علي السربنتينه واحده يمين دي للتبريد...وواحده شمال...قالي دي بتاعه التكييف...ودي فعلا ما اشتغلتش خالص....فهل فعلا كلامه صح....ولو هي مش شغاله...عايز اعرف مكان الفيوز بتاعها...عشان هو قال ان احنا هنكشف علي الفيوز....وأنا خايف يلعب في حاجه يبوظها....مستني رد حضرتك.اقتباس:
المشاركة الأصلية كتبت بواسطة inspiron
لو تقصد المروحة الصغيرة،،بيبقي ليها timing adapter ممكن هو اللي يكون فاصل،،وممكن تكون فيوز بس معرفش مكانه فين،،وممكن تتأكد من المروحة شغالة ولا لا إنك تعمل التكييف علي الأزرق و تعلي سرعة المروحة علي الآخر،،إشتغلت تمام،،مشتغلتش زقها بإيدك شوف هتلف ولا لا،،لو لا يبقي إما كهربة ( فيوز - adapter ) أو تحتاج تغيير،،في التوكيل سعرها ٨٠٠ جنيه،،إستيراد نظيف حوالي ٣٥٠-٤٠٠ جنيهاقتباس:
المشاركة الأصلية كتبت بواسطة madridy1001
شكرا جزيلا...عموما انا هشوف ...وهرد عليك واقلك عملت ايه...
عملت الي قولتلي عليه ودرجه الحراره بقت تمام...لكن المروحه لسه مش بتشتغل وبالتالي بتنزل للسالب تاني ..لكن لما تبرد العربيه بترجع موجب ...يبقا كده العيب في المروحه...فدي حلها ايه ؟
تم بحمد الله أكتشاف العطل...وهو ان المروحه الصغيره بايظه محروقه يعني\....وسالت عليها لقيتها ب 750ج..وبعت اجيبها...وده أخر ما تم التوصل ليه