اسعار البورسلين

**A.Saad** · 01-07-2013 03:44 PM

المشاركة الأصلية كتبت بواسطة angel_wolf

الى موجود كلة صينى سواء الفجالة او السلاب عندك المحجوب عندة صينى واسبانى واماراتى
الصينى بيبتدى من 94 جنية هتلاقية هو بنفس الكارتونة والشكل الى موجود الفجالة بس الفكرة فى الفجالة ان ساعات كتير البلاطة مش كلها بتبقى بورسلين يعنى النص بورسلين والنص عجينة سراميك وفى ناس عندها الحجر كلة بورسلين وناس عندها طبقة واحدة على الوش كدة متفرقش حاجة عن السراميك وهيقلك بورسلين بردوا المحجوب البلاطة عندة كلها بورسلين ابعد عن بورسلين كليوبترا الشركة للاسف بتنهار والمنتجات بقت سيئة حسبى الله ونعم الوكيل فى الى كان السبب كليوبترا الى كانت مغرقة الخليج كلة بورسلين النهاردة تسمك البلاطة تلاقيها كلها دفيوهات وتروح المعارض بتاعتهم متلاقيش الا نوعين من البورسلين ولما تطلب كمية يقولك استنى 20 يوم لما نعمهملك عمولة ولا كائنها ورشة خراطة وبالنسبة للسلاب فى عندة فى الغالب نوعين نوع صينى صرف ودة زبالة ونوع تانى بيقول اسباتى ومتفنش فى الصين دة كويس بس سعرة غالى

المهم الى تركز عليه فى الشراء سواء جبت من اى مكان
1- البلاطة كلها تبقى بورسلين
2-اختار حاجة تكون سادة او فيها شغل مش كتير علشان متبقاش شبة السراميك
3-اوعى تجيب اقل من 60*60 مقاس الحجر
4-السُمك بتاع الحجر بيزيد كل لما الحجم بتاع البلاطة يبقى اكبر ودة علشان تستحمل (هتفرق معاك لو انت جايب بلاطة متر فى متر مثلا او اكبر)
5-الاسطى الى هيركب اقف على راسة علشان يزبط الفواصل على الاخر علشان ميبنش فروقات بين البلاط و بعضة مندفعش احنا دم قلبنا علشان البلاطة مقطوعة ليزر ويجيى المبلط يبهدل الدنيا كلها
6 -لو جبت بورسلين غامق اللون والوفواصل بانت فية اوعى تخلى المبلط يحط اسمنت ابيض عادى روحة اشترلية اكسد ملون من عند الموان بنفس لون البورسبين ويخلطة مع الاسمنت الابيض علشان يدارى الفواصل وكذلك اعمل كدة فى السراميك
7-ربنا يتملك على خير ويدك خير الشقة ويكفيك شرها ويتملك الجواز على خير

اى حاجة انا فى الخدمة

ازاى اعرف العجينة السيراميك من البورسلين

**Angel_wolf** · 01-07-2013 06:59 PM

ازاى اعرف العجينة السيراميك من البورسلين

لما تمسك البلاطة من الجنب هتلاقيها مقسومة نصين والضهر بتاعها زى السراميك

**hossam_chixo** · 01-07-2013 10:23 PM

بخصوص الوزرة الى مع البورسلين بيبقى اية نظامو
ياريت حد يفدنا ؟؟

**only4me4** · 10-05-2014 01:43 PM

من فضلكم محتاج اسال على البورسلين الصينى اسمه السوقى كريستال وسعره 69 للمتر
وعجينتع نصفين نصف ابيض والنصف الاسفل غامق شويه
هل البورسلين الصينى بيبوظ بسرعه ومش عملى فى الاستخدام ؟
هل بيبقى فى فواصل فى التركيب يعنى بيتسقى اسمنت ابيض زى السيراميك ولا مش بيحتاج سقيه
عفوا للاطاله

**DreAmO** · 10-05-2014 02:46 PM

المشاركة الأصلية كتبت بواسطة asaeed

بإذن الله أنا داخل على توضيب... فقررت أجيب سيراميك (البلاطة إللي شكل الباركيه).. نزلت عند السلام لاقيت السيراميك هناك أسعاره غالية طحن... فعايز أعرف أحسن وأرخص مكان أجيب منه بلاطه في حدود 35 جنيه وتكون كويسة ومتتعبنيش في التركيب.. خصوصًا أن ناس قالوا لي خلي بالك علشان البائعين إللي في الأسواق والأماكن غير المعروفة بيخموا في حساب المتر.. يعني ممكن يدوني الكرتونة ناقصه بلاطه.. طبعًا احسب بقى لو 50 كرتوبة يبقى 50 بلاطة... أنا سكن في المقطم... مش شرط أجيب من المقطم بس أنا عايز مكان كويس ومضمون وسعره كويس وأشكال تكون جديدة

انا جايبها من الفجاله المتر في حدود 35 كليوباترا حسب لون البلاطه والفرز .. ممتازه

هي بتبقى بلاطه رفيعه طوليه .. ومنها الغامق والفاتح ودرجاتهم

بس نصيحه مايفنعش تعمل الشقه كلها او الصاله منها .. هي مناسبه للمساحات الصغيره زي الغرف مثلاً

وطبعاً بيتعمل بيها رسمات مختلفه عالارض انت ومزاجك

بخصوص كليوباترا .. مع الاسف منتجاتهم فعلاً بقت سيئه وفيها ديفوهات حتى الغالي منها

والبلاطه مش زي زمان تحس انها مخدومه صح .. وبعض البلاط فرز اول وفيه ديفوهات وبينجرح بسهوله

حتى اطقم الحمامات فيها ديفوهات

**drcobra** · 10-05-2014 09:52 PM

عليك وعلى مصنع كليوباترا فى العاشر
بيعملوا تخفيضات على موديلات معينة وكمان تخفيض للكميات
وفية فرز تانى كويس
انا جبت فرز تانى بورسلين 30×60 المتر ب 49 جنية

**M_55** · 16-12-2014 11:22 AM

إذا سمحتم حد جرب نوع بورسلين اسمه ماجيستيك
ونوع سيراميك اسمه لابوتيه .. ؟؟ وشكرا

**amr011111** · 16-12-2014 11:41 AM

المشاركة الأصلية كتبت بواسطة asaeed

بإذن الله أنا داخل على توضيب... فقررت أجيب سيراميك (البلاطة إللي شكل الباركيه).. نزلت عند السلام لاقيت السيراميك هناك أسعاره غالية طحن... فعايز أعرف أحسن وأرخص مكان أجيب منه بلاطه في حدود 35 جنيه وتكون كويسة ومتتعبنيش في التركيب.. خصوصًا أن ناس قالوا لي خلي بالك علشان البائعين إللي في الأسواق والأماكن غير المعروفة بيخموا في حساب المتر.. يعني ممكن يدوني الكرتونة ناقصه بلاطه.. طبعًا احسب بقى لو 50 كرتوبة يبقى 50 بلاطة... أنا سكن في المقطم... مش شرط أجيب من المقطم بس أنا عايز مكان كويس ومضمون وسعره كويس وأشكال تكون جديدة

مستحيل البائع يديك الكرتونه ناقصه سيراميكه لان الكرتونه هتلق وهتعرفها وهما بيحملوا على العربيه

**الاسد المهاجر** · 16-12-2014 12:09 PM

متابع

-

الموضوع: اسعار البورسلين

LinkBack

أدوات الموضوع

عرض

-

-

-

-

-

-

المواضيع المتشابهه

ماهو الفرق بين البورسلين الاسباني والصيني والايطالي والاماراتي ..

اخيرا عرفت صوت الطقطقه + (بعض اسعار زيوت موبيل حاليا) وبعض اسعار قطع غيار نوبيرا

الجزء التانى | اسعار صيانات بروتون - تحديث اسعار ابريل 2011 -

والله وعملوها الرجاله ورجعت اسعار هيونداى الى اسعار 2007

ممكن اسعار صيانات هيونداى الانترا 2007 و اسعار قطع الغيار

الكلمات الدلالية لهذا الموضوع

المفضلات

المفضلات

ضوابط المشاركة