استلمت عزيزه 2 يا جماعه

**Ahmed-Reda** · 30-08-2008 02:04 AM

المشاركة الأصلية كتبت بواسطة gashe3

الف الف مبروك وياترى ايه اجراءات الشراء ومحتاج كام يوم علشان انا ناوي بس المشكله عندي في الوقت يعني اخد كام يوم اجازه ودفعت كام وجت بعد كام يوم مع العلم انا عاوز مانيول وربنايباكلك فيها يارب
حاجه تانيه هي هاي لاين ولا ميديم لاين وسعرها ايه

الله يبارك فيك
لو عندك استعداد تدفع زياده وعندك معرفه هتستلم وترخص فى نفس اليوم بس المشكله فى الورق بتاع العربيه الافراج الجمركى وكده لو جاهز يبقى خلاص بالنسبه ليا العربيه مكنتش موجوده فى مصر خالص ولما لقتها كانت الافراج مش موجود وكنت مشغول ومش فاضى استلمتها الجمعه بليل وركبت ارقام تجاريه لحد مافضيت والورق جه ورخصت الاتنين ايجار النمر التجاريه ب 70 جنيه فى اليوم
والعربيه وقفت ب 94500 ومحجزتش استلمت وسلمت

بالنسبه للترخيص فى المرور
اى واحد يقابلك اديله 5 جنيه هتقابل حوالى من 10 ~12 واحد

عشان تخلص بسرعه .
مصاريف الترخيص
121 جنيه طفايه
35 عمل لوحه ارقام
79 تأمين اجبارى
250 او 280 مش فاكر بالظبط ضرائب
الموضوع كله مش هاياخد وقت
مفيش مديم لاين ولا هاى لاين ده فى الموديل الجديد 2009
بالنسبه للموديل الحالى 2008
مانيوال f/o
أتوماتيك f/o
مانيوال سبورت باكيدج f/o
أوتوماتيك سبورت باكيدج f/o

**Bayomy** · 30-08-2008 12:44 PM

متشكر على سرعه الرد بس في كام سؤال كده
يعني ايه ادفع زياده وهي ايه مواصفات عربيتك بالظبط الكماليات وكل حاجه فيها مع العلم اني عاوز مانيول وعلى راي المثل اللي شاري قبلك بيوم يعرف عنك بموديل وشاكر ليك طوله بالك