دورة تبريد النوبيرا مشكلة مزمنة

**محمد العقابي** · 01-07-2013 11:42 AM

المشاركة الأصلية كتبت بواسطة magoda

بص ياباشا انا هبعتك لواحد متخصص ريادتير وميزة الراجل ده عنده ضمييير والراجل ده برنس هبعتلك رقمه على الخاص وهو فى ممنشية البكرى حدائق القبة

وليه علي الخاص ياريت تنزل اسمه ورقم تليفونه وعنوانه بس لو واثق فيه وعن تجربه .

**Ahm662** · 01-07-2013 01:42 PM

المشاركة الأصلية كتبت بواسطة eng_waleedn

سلام عليكم

مشكلة دورة تبريد الموتور بدات معايا من سنة تقريبا لاحظت ان المية صفرا جدا وكلها صدي وبتنقص كدة علي خفيف رحت مغيرها وضبطها مية خضراء قعدت تمام بتاع شهر علبة الريداتير بعدها ضربت غيرتها بعدها لاحظت بردة ان المية بتنقص بس مش عارف ليه اكتشفت تسريب من تحت طلعت في الاخر الطبة غيرتها وبردة لقيت المية بتنقص شوية ولقيت خرطوم مغروم غيرته بعدها لقيت خرطوم تاني سايح من الاخر كل ما اضبط حاجة حاجة تانية تضرب
مؤشر الحرارة مابيعلاش غير لو المية خلصت وحصلت معايا مرة والعربية وقفت خالص غيرت زيت بس والحمد لله بقت تمام

انا حاسس ان العيب في الموتور مش عارف ممكن يكون بيسخن جامد فضغط المية مع الغليان بيعمل كدة ولا اية وديتها لتقريبا 5 ميكانيكية مختلفين دة غير اللي كشفو علي الريداتير كذا مرة ومش لاقي حل
اخر حاجة انهاردة بعد سفر بتاع 80 كم وبعد ما وصلت ببص عليها لقيت المية ناقصة خالص وخرطوم فية خرم وخرطوم تاني من كتر الضغط فك !!!!!!
معلش طولت في الكلام بس انا مبقتش فاهم حاجة يارت تساعدوني

كده يبقى عمر دورة التبريد انتهى !!!! غير الخراطيم لانها دابت و راجع على الردياتير وشوف الاصلى الومنيوم ولا نحاس و راجع على قربة المياه وغير غطا القربة بواحد اصلى بتاع اسكودا فليشيا (لونه ازرق والبلف بتاعه كبير بيملى زور القربة من جوا ) وهيركب عند حضرتك عادى جدا

**Ahm662** · 01-07-2013 01:51 PM

دى صورته

**Eng_waleedn** · 03-07-2013 01:33 AM

شكرا يا رجالة علي الردود وجاري العمل بنصائحكم وربنا يسهل انشاء الله

**alaa_tawfik** · 07-07-2013 03:22 PM

بص يا ريس الموضوع ده كله من الاخر بسبب ماسورة مياه خاجه من وش السلندر من ورا تحت مانافول الهوا من الخلف ودى غالبا حتكون بايشه وحلها انك تتاكد من حالتها ممكن تكون سليمه و العيب فى الخرطوم بتاعها اللى هو بتاع مياه التكييف السخن و يستحسن تلغيه و لو لاقيت الماسوره بايشه تفك وش السلندر و تروح للخراط يعملك واحده غيرها بتبقى خامه محمله و نضيفه و ده عيب دورة المياه فى الانوس والنوبيرا ولا يوجد عيب غيره وهو ده سبب كل مشاكل نقص المياه و لا يوجد عيب غيره لان باقى دوره المياه و خراطيمها كلها عالوش وباينه