الموضوع: مشكله في المارش

بص يا باشا
لو تعرف تنزل الوكالة هتلاقى ما تشتهى الانفس وتلذ الاعين هتلاقى 100 محل و100 بياع وهتلاقى كل حاجة من الابرة للصاروخ و بتشترى مارش استيراد اصلى بسعر من 150 الى 200 جنية وعلى تجربة اسبوع وانت وشطارتك فى الفصال بقى.
بس اهم شئ انك تعرف تكشف عليه هناك ومايكونش معموله صيانة قبل كدا ودى ممكن تاخد معاك الكهربائى لو طلع جدع معاك او تخليه يشرحلك الموضوع ازاى تكشف عليه قبل الشراء

الجديد فى حدود 700 جنية الاصلى
الصينى فى حدود 300 جنية بضمان سنة ( ارشحة لك ) من المحل اللى امام التابعى قرب التوفيقية
كويس وجديد وابن حلال ولم تظهر منه مشاكل من الناس اللى اشتروة محدش رجعة (حسب كلام صاحب المحل)
المارش بيكون فيه نوعين (بطئ وسريع) اسال الكهربائى قبل زهابك للوكاله
واوعى تسيب المارش بتاعك للكهربائى خده منه عشان هتحتاج منه قطع غيار مستقبلا على سبيل المثال ترس البندكس دا بيتباع لوحدة ب 90 جنية وممكن يجى يوم تحتاجة
مصنعية الكهربائى فى الليلة دى 20 جنية
ولو جه معاك ياخد كمان 20 جنية اكرامية المشوار