الموضوع: كلاكيت تالت مره الفريون طار الحقونى بقى !!!!!

السلام عليكم

انا زهقت تعبت مليت اتشويت اتخنقت زهقت كل حاجه

انا اخر مره شاحن التكيف كان من تلات اسابيع تقريبآ بزياده كام يوم يمكن مش فاكر تحديدآ

المهم ولما شحنته ماكنتش مبسوط من ادائه نهائيآ فى الشمس بليل كان ادائه مقبول مش اوى نص نص

اول حاجه عملتها غيرت السربانتينه بواحده استيراد وكبست خرطوم تكيف علشان كان الخرطوم الاصلى بايظ
وشحنت وبعدها بتلات ايام الشحنه طارت واصلآ الكباس كان بيتنيل على عينه يتكتك وكنت مضايق وماكنش برده بيدينى البروده لان الفريون كان عمال يطير ماكملش اسبوع وكان كله اتبخر وعبينا الهواء فريون يلا كله بثوابه

وبعدتن يا حلوين يا شطار

غيرنا السربنتينه بواحده جديده وجيبت معاهم المكثف او فلتر الفريون زى ما بيقول عليه الصنايعيه

وركبته وبعد ما ركبته بشحن يا معلمين التكيف لقيته بيهب من عند المكثف وقبل ما اشحن صحيح زودت فنجان زيت فريون
وبعدين كبسنا الدوره بس للاسف ماكناش مدورين العربيه ومشغلين التكيف فالكبسه ما وصلتش للمكثف ولا السربنتينه فما ظهرش التهريب الا بعد ما شحنا كل الشحنه وطارت فى الهواء
وما جتش معايا سكه ثم الفلتر اللى معايا كان اللكور بتاعه بعيد شويه عن المسمار اللى بيمسك فيه علشان يثبته اوكيه اوكيه

فا وسعت مكان المسمار بشنيور طلعت الماسوره كلها برا ووسعت مكان المسمار بشنيور علشان يمسك فيه المكثف ويبقى قاعد كويس اول مره كان الفلر القديم مش الجديد وبعدين ركبت الجديد حاليآ وبعد ما وسعت وركبت قولت زياده فى الامان احط امير على اللكور علشان لو فيه تنفيس ما يطلعش المهم طبعآ ولا مره عملت فاكيوم للاسف
وبعدين شحنت وانا بشحن لقيت تنفيس صغير من اللكور بتاع المكثف روحت حاطط طفية سجاير وامير واختفت ومايه بصابون وكده ومافيش والله اعلم اذا كان فى ولا لاومش قادر اعرف حطيت مايه بصبون تانى بعديها بأسبوع ما عرفتش

انا دلوقتى عايز اعرف اتاكد ازاى ان اللكور ده مسرب ؟ ولو طلع هو اللى مسرب اللكور ده اجيب امه منين لان مش عارف هل بيتجاب جديد ؟ انا عايز اللكور بس والماسوره هلحمها عادى علشان اكون مطمن بس برضه عايز اعرف التسريب يستمر 3 اسابيع
طب لو ماكنش من اللكور ده ممكن يكون ايه تانى السربنتينه جديده وماسوره جديده ومافيهمش حاجه ومايه بصابون على كل حاجه

مش عايز اشحن والبس فى الحيط تانى تعبت من المصاريف

المشاركة الأصلية كتبت بواسطة yousefsemsem

ياباشا معلشي حضرتك اللي تاعب نفسك طلع التكيف كله بره وانت اللي تشغل الصنايعي واكبسه وشوف التسريب منين مالقتش حاجه والحمد لله
ركب التكيف وهات بكره تافلو ولفها علي المواسير قبل ماتربط واربط وباذن الله خير

بس عايز اعرف

يعنى اخليه يفك كل حته فى التكيف ويطلعها برا ويشوف ايه نظامها

ولو قالى افك التابلوه وضفيره بقى وكهربائى يضرب 200 ولا 300 فك وتركيب وقلة ادب

وايه تافلو ده

وجزاك الله كل خير