ما معني مواتير المايفك تورك اكتر من كونها هورس بور

ما معني مواتير المايفك تورك اكتر من كونها هورس بور:cat48:

يعني تستحمل
يعني العربية ما بتتعبش معاك يعني :) و جبت مثلا 160 و إنتا على نفس السرعة كل ما زاد التورك كل مازادت قوة تحمل العربية على الثبات على سرعتها وما بتتعبش بسرعة ده غير إن التورك مفيد في حالة مثلا زيادة وزن العربية برضه ما يتأثرش و الله أعلم ده اللي اتقاللي

تسلم يا مان
حد يضيف

التورك اللي هوا العزم دا مسئول عن التسارع اما الهورس باور فدا اكبر قدره للمحرك والمسئول عن السرعه القصوي
لو جبنا عربيتييين نفس كل حاجه معادا العزم اللي عزمها اعلي هتسحب احسن وحتي لو فيها ناس هتسحب احسن
الموضوع متشابك شويه بس العربيات النقل العزم فيها كبيييير عشان تستحمل الاوزان والمطالع...والله اعلم

اعتقد ان الهورس بور هو اللي مسئول عن التسارع مش العزم

في نظرية بتقول: الهورس بور يعني سرعتك قد ايه وانت بتخبط في حيطة
لكن التورك هو انت هتاخد الحيطة وتزقها قد ايه

العلاقة الحسابية بين التورك والهورس بور معقده محتاجه مهندس عشان يشرحها و كل مابيزيد واحد فيهم التاني بيزيد بس بنسب متفاوته
التورك هو عزم دوران المحرك
ببساطة لو انت طالع جبل عالي بتحتاج للتورك اكتر لانه بيحافظ على معدل السرعة انما لو طريق عادي الهورس باور هيخدمك اكتر عشان التسارع
اللى انا لاحظته من ارض الواقع ان اللانسر شارك 1.6 لما سافرت بيها لوحدى كنت ماشي بين 180 و200 عادي ولما رجعت فى نفس الطريق ( الغردقه - القاهرة ) كنا 4 فى العربيه والشنطه مليانه وبرضو كنت ماشي 180 وماحستش بفرق كبير فى التسارع بسبب الوزن
قبلها بال BMW 316i موديل 2000 كان الوزن بيفرق كتير لوحدى 180 ولو معايا 4 فى العربية 150 وبعدها التسارع بيقل جداا بس البي ام كان عليها تعدليات كتير وجنوط 18 فكنت عارف ان ده كويس اوى على موتورها

موضوع يستحق الدراسه
تسلمو يا رجاله