اذا وجدت فرصة سفر جيدة فى وانت عندك 35 سنة
- اسافر فوراً
- مصر هى أمى مينفعش اسافر
- كان ممكن بس السن دة مينفعش
عرض للطباعة
اذا وجدت فرصة سفر جيدة فى وانت عندك 35 سنة
- اسافر فوراً
- مصر هى أمى مينفعش اسافر
- كان ممكن بس السن دة مينفعش
فى راى الموضوع مش موضوع سن بس
انا عن نفسي محبذش السفر
بس لازم الابعاد كلها لازم يتبص عليها
يعنى هل وضعك هنا مش كويس اوى واالفرصة هناك اكبر بشكل كبير يبقى ساعتها ممكن تسافر
لكن لو وضعك كويس والدنيا ماشية فى وضع معقول نسبياً يبقى بلاش السفر ايا كان سنك اد ايه
ده راى الشخصى والله اعلم
وربنا يوفقك لقرار سليم
على رأى الفيلم, متقولش مصر دى امى, امك نايمة جوة :original:
اية فرصة سفر فى اى وقت لاى حتة مش هسيبها :censored:
انا عشت 3 سنين في السعودية
بتوع الثانوية العامة
مش هقولك امريكا ولا اوروبا
بس نفسي اخلص الجامعة واخلع على هناك تاني
البلد هنا حالها ميسرش عدو ولا حبيب
السفر لو حيضيف ليك يبقي توكل علي الله
و الموضوع في الاول و الاخر نسبي تماما
السفر بيناسب ناس و ناس لا
لكن
لو حيضيف لك خبره
لو حيحسن دخلك
لو حيوفر وقت تحقيق اهدافك
توكل علي الله
كل واحد وليه ظروفه ........ يعني اللي يمشي معايا ميمشيش معاك .........
انا عن نفسي مش ممكن اسيب مصر
والله ده بيعتمد على الوظيفه هناك
يعني لو حاجه كويسه وهتعيشك كويس يبقى هناك بصراحه
انا مش ممكن اسيب مصر رغم اني كاره العيشه فيها لاني بحس اني مواطن درجه عاشره عليا التزامات ومليش اي حقوق
ومع ذلك مش ممكن اسيب مصر اهلي وصحابي عيشتي كلها
اسافر فورا ومن غير تردد مجرد الخروج من البلد دى فى الوقت الحالى ده لوحده مكسب والله حتى لو الواحد مش هيعرف يكون ثروه او مدخرات بره بس يكفينى الحياه تبقى سهله وبسيطه وابعد عن القرف اللى هنا بالرغم من المتاعب اللى لازم تقابل الواحد فى سفره وبعده عن اهله واصدقائه انما البلد......ماعدتش تنفع لاى حاجه
..mokhtar..
سفر شغل ؟؟ تبقى غلطان
سفر هجرة ؟؟ سافر و ابعتلى :)
السلام عليكم ورحمة الله وبركاته
هو طببعا خضرتك مش موضح إذا كان سفرك هجرة ولا شغل ؟
بالنسسبة للسن أنا مش شايف إن فيه مشكلة تماما أنا مثلا لسه مسافر من حوالي 4 شهور فقط لقطر ومفيش مشكلة بس حضرتك حط في بالك ما يلي :
1- لا يمكن تسافر لوحدك لازم ولادك وأهلك يكونوا معاك مفيهاش نقاش
2- لازم في الأول هتتعب شوية عقبال ما تستقر أوضاعك من سكن وسيارة وخلافه ثم تبدأ في إجراءات استقدام الأهل والموضوع مش هياخد أكثر من شهر
3- الحياة بره ميزتها الوحيدة إنك بتشعر بإنسانيتك وآدميتك هنا بيعرفوا يعني إيه بني آدم ويعني إيه إنسانية والإنسان له احترامه
4- طبعا أكيد لو مسافر شغل هتبقى ديه فرصة لتحسين وضعك المالي بس حذاري إن يكون وجودك بره سبب في بعدك عن أولادك أو عدم اهتمامك بيهم أوعى تغلط الغلطة ديه
5- يعيب العسفر للخارج إن هذه البلاد بلا حياة يعني حياة اصطناعية فإنت بالكثير شهر وهتكون لفيت البلد وحفظتها ومفيش جديد وطبعا مفيش زيارات لأهل ولا لأقارب فهتمل بس طالما ولادك معاك حاول تشغل وقتك بمذكرتهم وتعليمهم
أخيرا أنصحك بشدة بالسفر بس المهم يكون العائد المادي يساوي ويزيد عن غربتك علشان يكون الموضوع مستاهل وبأكرر وبأكد وبشدد عليك إن لازم يكون ولادك وأهلك معاك لكن لو لوحدك في السن ديه والله أعلم بظروف كل واحد مش هينفع .
أتمنى ربنا يوفقك .
.....أنا في كندا :original:
انا لو جالى فرصه سفر لاى مكان
حتى لو مدغشششششششششقر هساااااااافر
انا لو هحكي عن تجربتي المتواضعة
انا سافرت برة كتير نظرا لطبيعة شغلي (مجال البترول)
لكن مقدرتش اسيب مصر و اهاجر نهائي
اسباب كتيرة منها الاهل و الاصحاب و بقايا القيم اللي بيمسحوها من شعبنا بمية نار كل يوم
لكن نصيحتي سافر برة و اشتغل و حافظ على فلوسك
و ارجع مصر اعمل لنفسك حياة افضل
وفعلا المشكلة في بلاد برة هي الملل الرهيب (خصوصا لو انت انسان ملتزم دينيا)
و الوجع الغريب اللي بيعض قلبك لما بتسمع كلمة مصر
او تعرف اي حاجة وحشة حصلت في البلد
سافر و توكل على الله
البلد دى اخرها 5 سنيين بالكتير لو فضلت على الحال الاسود ده
انا معاك يا اسلام 100 في 100
الاولاد و الزوجة يا جماعة
انا غاطان الغلطة دية صحيح انا كل شهرين بكون في مصر 15 يوم بس برضه البعد عن الاولاد ما ينفعشي و للاسف صارف فلوسي علي الطيران
و بعدين عيوب السفر هي كالاتي
1- البعد عن الوالد و الوالدة و هما في سن كبير
2-حتقعد بره 5 او 6 سنين حتحوش كام و بعدبن حترجع بعدهم من غير شغل او معاش تفتكر الفلوس مهما حوشت دي حتعملك ايه؟
انا بعد سفر 3 سنين انا لا اؤيد السفر الا اذا ك بعائد مغري جدااااااااااااااااا و يكون معاك الزوجة و الاولاد
مل
السفر فى اى دوله برده مصر لو هيأمنللك عمل كويس و حياه كريمه يبقى اسافر بدون تردد
يا باشا ماتقولش كده ...الشرف لينا احنا
يا دكتورنا اذا كان عن النية ...خالصة و موجودة و تمام التمام.
بس هل النية فقط تجيز اخذ التأشيرة؟...لو كده هتلاقينى عندك من بكرة
عموما يا دكتور انا سعيد جدا برد حضرتك...و ده طبعا مش غريب ع زوق ولباقة حضرتك المعهودة فى كل مشاركاتك..
و اتمنى اشوفك لما تنور مصر..بس ما تبقاش تقول ان محدش حذرك (;