العربية جننتنى مش عارف مالها؟!!!

السلام عليكم ورحمة الله وبركاته
ازيكم يا شاب
معايا عربية ستروين ax العربية الحمد لله اعطالها قليلة جدا ويمكن نادرة بس الظاهر خدت عين والا حاجه :)
من يومين العربيه كانت بتبطل منى وانا ماشى وادورها تبطل تانى وهكذا روحت للميكانيكى نظفلى الكاربيراتير وكله بقى تمام
امبارح اول سنه مارش لمبة البطارية مانورتش جربت تانى برضة مانورتش المهم مشيت بيها وقضيت كام مشوار وركنتها
جيت بالليل دورتها برضة لمبة البطارية مانورتش مشيت بيها بتاع 3 كيلو وقامت مبطله ومرضيتش تدور حاولت كذا مره لحد ما البطارية خلصت بس لاحظت ان الحرارة مرتفعه جدا المهم خدت واصله ودورتها ومشيت من غير انوار روحت لقيت الكهربائى قفل المهم الحرارة برضة فى ازدياد ولمبه الزيت قامت قاطعه هى كمان والعربيه كل شويه تبطل واستنى شويه وادورها تدور امشى تروح مبطله لحد ماوصلت البيت وعرفت ان العربيه واخده هوا
المهم عشان ماطولش عليكم اكتر من كده
سبتها لحد النهارده الصبح وخدت الهوا وفعلا كانت واخده هوا كتير بس برضه لمبه البطارية والزيت مابينوروش مع المارش مع ان الزيت قسته لقيته تمام
دورت العربيه وقولت اجرب الحرارة كده لحد ما اروح للكهربائى لمبه الزيت كانت عمالة تنور وتطفى كل شويه رغم انها مانورتش مع المارش
يادوب مشيت بتاع 200 متر وبطلت اجى بقى ادور الاقيها تعمل فسسس ومفيش مارش !!!
كام مره كده لحد مالقطت معايا وقمت راجع جرى على البيت وركنتها تانى
دلوقتى ايه بقى شغل العفاريت ده؟
ايه اللى يخليها تعمل كده؟ واوديها لكهربائى والا ميكانيكى لما ارجع من الشغل ان شاء الله؟
بالله عليكم حد يوجهنى

على فكرة المشكلة اتحلت
والعجيب فى الموضوع انى اكتشفت العيب بالصدفة البحته وطلع الموضوع كله ميكانيكا ومالوش دعوه بالكهربا
حد يقدر يخمن العيب كان فين؟ :)
لو حد وصل للحل يبقى استاذ وعلى فكره هى حاجه او عده حاجات غير متوقعه بالمره :)
حاولوا وفكروا شويه وبعد كده هاقولكم المشكلة كانت ايه :)

طبعا نفسنا نعرف المشكلة كانت فى اية
انا بعشق العربية دى وربنا يوفقنى فى عربية نطيفة

أنا بخمن ... سير الدينامو مقطوع أو عايز يتشد ؟

هى كانت مجموعة حاجات مالهاش علاقه ببعض بس القدر انها كلها كانت فى وقت واحد :)
العربيه كانت بتبطل عشان خرطوم البنزين كان مسدود وسلكته وبقت تمام الحمد لله
كتاوت الدينامو كان بايظ عشان كده البطاريه ماكانتش بتشحن وركبت كتاوت خارجى
سلك لمبه الزيت كان واقع عشان كده كل ما يلمس حاجه تنور وتقطع وركبته بعد ما ضيقت الحديدة اللى بتركب فى الموتور عشان مايوقعش تانى
والحمد لله كل حاجه رجعت زى الاول واحسن :)

طيب كويس الحمد لله وان شاء الله متعطلش تانى