قواعد كرة قدم الشوارع ...

**Medicalist** · 13-07-2013 02:51 PM

ومين فينا ركبته وكوعه ما اتسلخش من كتر الوقوع وقطع بناطيل اخرام اخرام

**mr_vampire** · 13-07-2013 03:38 PM

ههههههههههههههه. فكرتني بالماساه اللي عشتها. كنت جايب كورة جديدة بس كنت بحافظ عليها اووووووووووووي ومش بنزلها ولا بحطها عالارض . العيال كل شوية ماتجيب كورتك بقي اشمعنا احنا بنجيب كوارنا. قفشو عليا ولااااااااااااااازم تجيبها.

نزلت المحروسة ولاول مرة تلمس الارض. مع اوووووووووووووول شوطة عربية داست عليها وفرقعت. ههههههههههههههههههههههههه ههههههههههههههههههههه مش متخيل كمية الضحك اللي حصل من وقتها ( شماتة طبعا ) وانا عمال اه ياولاد ................

ومن ساعتها بطلت اجيب كور خااااااااااااااااااالص.

بس لسة جايب كورة امبارح علي فكرة mikasa شكلها عجبني مش عشان العب بيها هههههههههههههههههههه

**Ahmed Nasser** · 13-07-2013 04:20 PM

ايام كانت زى الفل كنت مش ببطل لعب غيرلما اموت واجيب النفس بالعافية
ويا اتكسرنا واتجرحنا وضربنا بعض عشن الكورة
ايام كانت لوة ربنا يوعدها علينا

حاليا عندى 19 سنة ومقدرش العب 5 دقائق على بعض
نظرى ضعيف وعندى املاح جامدة جدااا

**besso** · 13-07-2013 09:09 PM

ياااااااااااااااااه الواحد لما بيقعد يفتكر المواقف دى دلقوتى بيقعد يضحك على اللى كنا بنعمله

الا بقى لما كنا ننزل كلنا الشارع ومانلاقيش كوره نلعب بيها كنا بنبقى عاملين زى الكلاب الضاله بنشمشم على اى حاجه ههههههههههه ولو عيل صغير معاه كوره كنا بنتزلله علشان يرضى يخلينا نلعب بيها وده يترسم علينا من هنا وكلامه اوامر ههههههههههههه لو عايز يكسب فريق بالعافيه بيكسب المهم نمكل لعب ههههههههههههههههههههههههه ههههههههههههههههههههههههه هههه

**amr.elsayed** · 13-07-2013 09:33 PM

كان فيه الكورة البروتكس ودى كانت بتتعمل يدوى ويتلف عليها خييييييط كتيييييييير وبعد كدة اضرب عليها 10 بكرات شيكرتون
كانوا بيعملوها علشان معمرة والكور الميكاسا كانت تقيلة وقوية اما الكور الكبس ببتفرقع مع اول عربية تدوس عليها
اه و احرف واحد كان لازم يلعب حافى مش عارف ليه هههههههههه كانت ايام جميلة لن تعوض

**حسام ابو كرمة** · 14-07-2013 09:37 AM

[frame="7 80"]يالله بيستهيألى مافيش حد بيلعب فى الشارع دلوقتى الا قليلين جداااااااااااااااااا البلد بقت نجيل صناعى و حمرا و نوادى
الواحد كانت حياته تدور حول اشكال الكورة يعنى لعب فى مرك شباب الجزيرة شغال قدام المدرسة شغال سوبر ناينتنددو شغال (جيل البلاى ستيشن مالوش دعوة ) فيديو جيم عند فاروق جعفر فى سور نادى الترسانة شغال المهم يبقى فيه كورة مدور فى اى حتة

[/frame]

**mesaharaty** · 14-07-2013 11:01 AM

ويا سلام بقى لو الكرة السفنج إتشاطت جامد فى بطن واحد بيلعب أو معدى فى الشارع .. يكون سنته سودة من الوجع اللى حيشوفه (أنا مجربها)

وماننساش فيه دايما واحد لابس فانلة كت وبنطلون بيجامة وشعره منكوش ده مخصص فقط علشان يزعق ويقطع الكورة لما تزعجه أو تخش بلكونته (هذا النمط مكرر جدا فى كل الأحياء الشعبية)
سبحان الله .... الايام بتكرر نفسها
السنة اللى فاتت إبنى عمل مشكلة برضه بسبب الكورة واتاخدت منه وكانت حتتقطع بس الراجل اللى خدها جالى البيت وخبط وكان عاوز يتخانق معايا (أصل أنا نفضت له فى الأول) وبعدين إستقبلته فى البيت وجبت له عصير وقعدنا ندردش شوية وإعتذرلى ومشى .

أيااااااااااااام