طيب الكبالن الاصليه بكام والاوروبي بكام والتركي بكام ؟
حاجات العفشة اصلي واوروبي وتركي بكام ؟
واسمع ان في مشكلة كبيرة في الفيستا وهي المنافولد
والماتور بتاعها بيستحمل ولا بيعوز يتعمر بسرعه وكده - وحاجات الميكانيكا غاليه ولا في حدود المعقول ؟
عرض للطباعة
بالنسبة للموتور لأ مواتير الفورد بتستحمل وقوية
اما بالنسبة للمنافولد ف اه مشكلة كبيرة جدا بس بتتعالج نهائيا بانه لما يعمل معاك " هو جزء معين بيتكسر فيه" الجزء ده بيتعمل الومونيوم وخلاص بعدها بتنسى المشكلة خالص والمنافولد يعيش معاك ولا يحصله حاجة من ناحية الجزء ده
بس ابعد عن التركى لانوا مش حلو اوى
المساعدين جديدة الاربعة عاملين 1500 اوربى الالمانى فى التوكيل الاتنين 1500
عمودين ميزان تقريبا 200 جنية الالمانى
جلب مقصات الالمانى 170 جنية
بالنسبة للكبالن الجوز فية 350 الصينى 500 تركى الاوربى 700
الاسعار دى ممكنا تلاقى اقل منها لان دى من محل واحد وكانت لحب المعرفة
بصراحه العربيه محترمه بس المشكله ان الميكانيكيه بيحبو يشتغلو الي راكبها علي اساس ان الفورد معقد و كله مشاكل لكن ده غلط قطع الغيار ماليه الدنيا و لا حاجه مش هتلاقيها و الي مش هتلاقيه جديد الاستيراد منه مالي الدنيا المهم تلاقي حد تتعامل معاه يكون امين في الميكانيكيه و قطع الغيار يعني انا مره سالت ع الشجره بتاعه الميه اول ماشتريتها في و احد اشتغلني و اداني سعر مغالي فيه و لما دورت لاقيتها باقل من كده بكتير و هي هي اما اسعار فقريبه من الالماني و الياباني ويمكن ارخص من الياباني لو مش صيني
نسيت أقولك علي معلومة مهمة لو عدد أفراد الأسرة كبير او في اشخاص كثير هيركبوا معاك أكثر الوقت يبقي بلاش الفييستا لأنها ضيقة عند الكنبة الي وراء لسة المشكلة دي مقبلاني من يومينن كنا 5 أفراد ومعايا كام شنطة معرفتش أخذهم معايا كلهم خليت 2 يركبوا مواصلات للأسف ويمكن السبب ده يخليني ابيعها بعد رمضان واشتري سيارة أكبر
قطع الغيار نادرة
والله انا نفسي في العربيه دي اوي بس متردد جداً لاني نفسي لما اجيبها تقعد معايا على الاقل سنه او اكتر شويه من غير ما اصرف عليها لاني هيبقى عليه فلوس لناس كده قريبي سلفوني على تمن العربيه بتعتي القديمه مبلغ كده علشان اجيب عربية تانيه فمش هقدر اصرف في العربية وارجع لقريبي الفلوس فخايف اجيبها تبهدلني واجي ابيعها متتبعش لانه كله بيخاف منها فاضطر ابيعها ساعتها برخص التراب والعملية مش ناقصه - وفكرت برضو اجيب شيري كيو كيو 1100سي سي وقلقان منها برضه - بجد محتار اوي ومش عارف اعمل ايه يا جماعه
لو حالتها كويسة وكشفت عليها كويس وطلعت تمام يبقى العربية دى هتكون ممتازة وتقعد معاك اكتر من سنة وعلى فكرة العربية مش بتخسر اوى فى بيعها لو حالتها كويسة او حتى هتبيعها تقريبا زى ما جبتها " لو على نفس الحالة" .. انا كان معايا فيستا 98 وجبتها على 31 وحالتها كانت ممتازة ولما بعتها بعد 3 سنين بعتها ب 28 علشان كان فيه شوية حاجات لازم تتعمل فيها