لاندكروز بيك اب 1970

**على حسانين** · 02-07-2013 10:24 PM

اخوانى الاعضاء تحياتى لحضرتكم وانا سعيد جدا بالمنتدى للتواصل وتبادل الخبرات وخصوصا فى الدفع الرباعى بسال عن تجميع لاندكروزر بيك فهل ممكن القيها فى الحرفيين او اى منطقه عربيات متقطعه شكرا

**chiko** · 23-07-2013 02:29 AM

الموديل ده صعب .. لكن موجوده لوط في الجسر في شيرا .. بس مش شغاله عايزه شغل ..

**على حسانين** · 24-07-2013 03:22 PM

ممكن اعرف حاله العربيات ايه لو حضرتك كنت شفتها وهل تترخص ولا لآ شكرا جزيلا

**ahmed_eng2001** · 24-07-2013 11:29 PM

متابع

**على حسانين** · 25-07-2013 10:40 PM

يبشمهندس احمد راكب بليزر وعاوز الكركوبه دى ههههههههه يعم انت فوق البشريه بشبر تصدق عاوز فكره لو ممكن عن الاسعار فى اواخر التسعينات والموتور الديزل سعره كام واخبار سحبه وقطع غيارها دى دبابه ممكن تأدب بيه السواقين هههههههههههههه كل سنه وحضرتك طيب

**ahmed_eng2001** · 26-07-2013 12:46 AM

المشاركة الأصلية كتبت بواسطة على حسانين

يبشمهندس احمد راكب بليزر وعاوز الكركوبه دى ههههههههه يعم انت فوق البشريه بشبر تصدق عاوز فكره لو ممكن عن الاسعار فى اواخر التسعينات والموتور الديزل سعره كام واخبار سحبه وقطع غيارها دى دبابه ممكن تأدب بيه السواقين هههههههههههههه كل سنه وحضرتك طيب

انا مهتم بعربيات الدفع الرباعى بصفة عامة ..... و عندى عقدة من اللاند كروزر .... علشان سعرها غالى اوى .. و ادائها عالى جدا ..... ليه ادائها عالى ؟؟

انا معنديش خبرة عن التاهو موديلات اواخر التسعينات .... و لا عن موتورها الديزل ....
انا اقدر اقول لحضرتك عن البليزر كى 5 الى معايا .... عربية ناشفة جدا ... و الميكانيكا بتاعتها مش معقدة ... موتورها الديزل 6200 سى سى 8 سلندر ....موتور جبار ... بس ملهوش قطع غيار خالص
على فكرة .... انا كنت بقول ان اى حد حيقربلى او يغلس عليا ... حعوره و اوريه مقامه
لكن بعد ما ركبت عربيتى اصبحت بخاف على عربيات الناس اكتر من الاول

كل سنة و حضرتك طيب و بالصحة و السلامة

**على حسانين** · 26-07-2013 01:45 AM

موتور 8 سلندر يعنى العربيه ممكن تشتغل نقل تقيل ههههههههههههههههه وبكام سعره وبيستهلك اد ايه ديزل

**ahmed_eng2001** · 26-07-2013 10:29 AM

المشاركة الأصلية كتبت بواسطة على حسانين

موتور 8 سلندر يعنى العربيه ممكن تشتغل نقل تقيل ههههههههههههههههه وبكام سعره وبيستهلك اد ايه ديزل

فيه محركيم موجودين فى السوق ... الاول ب حوالى 8 الاف جنيه
التانى ب حوالى 15 الف جنيه و ده الاحدث .... الاتنين 6200 سى سى .... بس ارجع و اقول لحضرتك ... ملهومش قطع غيار .... علشان كدة سعرهم واقع
الناس بتركب مواتير الجامبو .... بس دى بتبدأ من 15 الف جنيه و قطع غيارها متوفرة

**على حسانين** · 26-07-2013 05:51 PM

موتور الجامبو ده تقبل وثانيا صوته مزعج

**ahmed_eng2001** · 26-07-2013 11:48 PM

كلامك مظبوط .... بس فيه ميزة جامدة .... صيانته سهلة ... و الميكانيكية بتوعه كتير جدا .... و قطع غياره متوفرة كمان
و موتور عفى جدا

و فيه موتور ال 101 ..... و 102 ... و الموتور ابو زنة .... و الموتور السحلية ... و حاجات كتير كدة
لو كام مينا هنا كان شرحلنا اكتر ..... هو ليه خبرة كبيرة مع الموتور ده