بطاحات 128 بتخبط في الكبوت !!!!

الي معلمين المنتدي الكرام

اللي حصل عندي حاجة غريب و كنت عاوزلها تفسي بعيد عن افتاءات العفشجية

و انا ماشي و اخد اي مطب بسمع صوت خبطة في الكبوت

المهم بعد بحث و فحص لقيت علامة خبطة في الكبوت مكان بطاحات المساعدين الاماميين

مع ان مفيش اثار تطبيق في الكبوت ؟.؟؟؟

بالصدفة كنت باربط العفشة فالعفشجي قاللي انت لازم تغير البطاحات

و كانت المسامير اللي ماسكاها من فوق مفوتة و زود صامولة فوق الصامولة الاصلية

المهم من غير ما اطول عليكوا ازاي اعرف ان البطاحات محتاجة تتغير و هل فعلا الخبطة اللي في الكبوت دي منها ولا لأ؟؟؟؟؟

و يا ريت اعرف اية اضرارهم لو مغيرتهومش و ياريت لو حد يفيدني في اسعارهم في 128

المساعدين الأماميين بكل أجزاءهم هم روح ال 128
فاعتني بهم بشدة
وغير كل ما يحتاج التغيير
والأسعار رخيصة جداً

السؤال , ازاى البطاحة تخبط فى الكبوت ؟
حاجة من الاتنين
يا البطاحة متفرتكة و عمود المساعد هو اللى بيطلع و يخبط , و باستبعد الاحتمال ده
يا اما اللحام بتاع العلبة اللى جواها المساعد فك

انما من خبرة 3 سنين فى ال 128 ما ينفعش حاجة من دول تحصل من غير ما تحس بيها

عامة افتح الكبوت و هز العربية فوق و تحت و شوف ايه اللى بيطلع يخبط
و عادة بيبقى فى سنة حركة للكاوتشة بتاعة البطاحة انما لو الحركة كتير يبقى فى مشكلة

و كده كده ممكن تغير البطاحتين - مفتكرش يعملوا اكتر من 60-70 جنيه لو ماكنش ارخص
و مش حتعرف تعملهم بنفسك , لازم زرجينة سوستة عشان تقفل السوستة و تعرف تطلع البطاحة

انا ال 128 بتاعتى حصل فيها نفس المشكله بالظبط ولقيت المشكله مكنتش فالبطاحات خالص
فيه كاوتشتين على اطراف الكبوت من ناحية السواق ودود كانو وقعو مش عارف ازاى
فاى مطب صغير او حتى زلطه كانت بتخلى الكبوز يخبط فالحوض.
جرب كده وشوف السبب
انما لو بطاحات زى مابتقول كان هتبقى المشكله عندك اكبر من خبطه وخلاص زى ما الاخ جاليليو قال

متشكر جدا علي الافادة و جاري الفحص

و اكيد حرد بالنتيجة لتعم الفادة