-
محتاج مساعدة من الصقور
السيارة : نيسان صني - سوبر صالون
موديل السيارة: 2012
عداد الكيلو متر: 15000
انا ذهبت الي مركز اوتو ايجبيت امس وذلك لعمل صيانة 15000 وتم عمل الصيانة وتم استلام تقرير السيارة ان السيارة تحتاج الي ( تغير علبة الدريكسيون) وقام مهندس الصيانة بابلاغي ذلك وقال لي ان سوف تتم تغيرها في الضمان ولكن المشكلة انها ليست موجودة حاليا وطلبت منه تحديد ميعاد لي فقال لي هذا الموضوع بخصوص ميعاد التغير مع شركة نيسان لان قطعة الغيار المراد استبدالها ليست موجودة.
انا علي فكرة نفسيا مش عارف اسوق العربية ومستاء جداً.
ملحوظة : السيارة النيسان الصني سيارة جميلة جدا بالنسبة لي ومركز اوتو ايجبيت من المراكز المحترمة جدا والتي تعرف وتقدر العميل بطريقة محترمة جدا
بالنسبة انا ليه باكتب الكلام ده علشان انا اشتريت هذه السيارة بسبب هذا الموقع الجميل وبالاخص هذا المنتدي الذي يجعلني انه يوجد به رموز وصقور لحل جميع المشتركين في هذا المنتدي وعايز اقولكم انا عارفت مركز اوتو ايجبيت عن طريق هذا المنتدي.
ارجو منكم مساعدتي في تغير (علبة الدريكسيون) في اسرع وقت ولكم مني فائق التحية والاحترام
-
اولا ربنا يبارك لك فيها
وحضرتك ممكن تروح مركز السبع يمكن تلاقيها فيه
وبردك تعمل كشف تانى تطمئن
-
هي ليه محتاجه تغير علبة الدركسيون وهي لسه جديده ايه المشكله اللي عندك في العربيه وبتحس بيها او تعباك منها زي ماقولت وانت سايقها
-
المشكلة ان العربية في المطبات الصغيرة والنقر بتحس في خبط في الدريكسيون وعاوز اقولك حاجة مهمة جدا اني اتصلت بالسبع وسالتهم عليها قالولي موجودة ولما عرفوا انها هتتغير في الضمان قاللولي ان القطع الموجودة محجوزة لعملاء
-
هل في اي مشكلة في عملية التوجيه للسيارة وهل في حدفة في السيارة
-
على فكره انا عندي نفس المشكله والخبطه دي من بارات الدركسيون مش من العلبه هما اربعه تقريبا اتنين فوق او جوه واتنين تحت او بره وبعد ما المهندس في السبع كشف عليهم قالي البارات محتاجه تتغير وكانو متوفرين ايامها بس كان سعرهم غالي جدا خصوصا ان عربيتي خليجي من غير ضمان المهم قولت هغيرهم برا فالمهندس سالني هتشتري جديد من بره ولا استعمال قولتله استعمال قالي يبقى احسن اشتري علبة دركسيون كامله وغيرها يكون افضل قولتله العربيه ماشيه كويس الحمد لله ومش محتاجه الحاجات دي كلها هي فيها ايه بالظبط قالي بتعمل صوت في المطبات.
المهم اشتريت حاجات كتير للعفشه منها استعمال ومنها جديد من بره طبعا وروحت لعفشجي نزل العفشه كلها على الارض وجمعها تاني الحمد لله العفشه جميله جدا ومغيرتش ولا علبة دركسيون ولا بارات وشغاله كويس جدا الحمد لله.
باختصار لو العربيه ماشيه كويس معاك احجزها طالما انك في الضمان يعني مش هتخسر اي حاجه ولما ربنا يسهلها عليك وتوصل غيرها بس تابع علشان ممكن توصل ويركبوها لحد تاني لو انت مش بتسال عليها باستمرار
-
انا خلاص سايبها علي ربنا وقولت وقت ما تيجي تتغير وخلاص
-
الحمد لله اوتو ايجيبت كلمتني النهاردة واخذت ميعاد يوم الاحد القادم الساعة 10.30
انشاء الله هعمل تقرير بخصوص تغير علبة الدريكسيون.
Content Relevant URLs by
vBSEO 3.6.0 PL2