الموضوع: استفسار بخصوص قوة مواتير الالنترا

المشاركة الأصلية كتبت بواسطة khaabas

بس عالفكرة يا باشا موتور الالنترا اعتمادى جدا
وموش هنروح لبعيد عربية حضرتك معاك النترا 2010 صح اشتكيت من الموتور ف حاجة اكيد بسم الله ماشاء الله ولاحول ولاقوة الا بالله لأ طبعا صح :)
وربنا يحفظهالك ويخيلهالك يارب

اللهم لك الف حمد والف شكر - مفيش اى شكوى والحمد لله غير صوت مش ظريف الصبح اول لما بدور العربيه بحس ان الموتور خشن بشكل مش طبيعى شويه - بعد كده - الله أكبر - لا غبار عليه
واعتقد يا خالد باشا انت معاك نفس الموتور فى ال rb ربنا يبارك لك فيها

المشاركة الأصلية كتبت بواسطة sameh_fouad

انتوا لية واخدين فكرة انى ضد الكورى وخلاص

ياجماعة الواقع هقولة سواء على الكورى او فى صالح الكورى

كل حاجة وليها حقها

فعلا بعد تجربة النترا 2009 وتجربة اللانسر ال1600 cvt اللالنترا اقوى فوق وتحت

وخد دية بقى وانعم كمان

والله يا باشا ولا واخدين فكره ولا حاجه - وبجد حضرتك نورتنا برأيك وزيارتنا

المشاركة الأصلية كتبت بواسطة devil_storm

يا باشا الالنترا بتخيط لانسر 1600 على جميع السرعات

وتسرفل كمان ياباشا
ربنا يسترها علينا

حاليا انا والحمد لله مش من هواة الجرى خاااااااااااااااااااااااا اااااااالص
وحتى زمان كنت اجرى وادور على حد يجرى معايا على الطريق (بمعنى اصح نلعب مع بعض على الطريق) - لكن عمرى ما حبيت انى اشد نهائيا

اقصى سرعه جبتها باللانوس 185 (موتور استوك) وطبعا كانت بطلوع الرووووح
اقصى سرعه جبتها بالالنترا 190 (موتور ستوك) والحمد لله بمنتهى السهوله

العربيات اللى نسبيا بدون قصد شديت معاها وقطعتها
لانسر - نوبيرا - نيسان صنى سوبر صالون - فيكترا بى - ابيزا (بتاع الابيزا ده كان هايموتنى من الضحك - ابنى.... 5 سنوات.... كان بيغيظه وهو بيحاول يجيبنا وفعلا احنا كنا مقطعينه -والشاب ده مصر يشد معايا )

وكل الشدات كانت بداية السرعه 40-50 وانتهت الشده على سرعة 120-140 بالكتير
الحمد لله رب العالمين متوسط سرعتى على الطرق السريعه المفتوحة بين 90-120 وفى الاغلب بكون ماشى على 90
ربنا يسترها علينا ويبارك لنا فى عربياتنا ويكفينا شر الحوادث