موضوع لتبادل قطع الغيار اليابانى والكورى العام
الموضع دة طبعاً مش جديد على المنتدى وموجود فى اقسام كتير وفكرت انى اقوم بعمل موضوع لتبادل قطع الغيار بشكل عام دون حد على ماركة معينة او موديل حديث او قديم
ودة ثقة منى فى اعضاء المنتدى الكرام فى عرض القطع للبيع او للبدل بأمانة وبسعر معقول واكيد هنوفر على بعض فلوس وكمان وقت البحث وارجو مراعاة
عرض صورة للقطعة لتوضيح الحالة لو كانت مستخدمة وفترة استخدامها اد اية(لو امكن)
توضيح السعر ومكان المعاينة
الحقيقة فكرة الموضوع دة جت فى دماغى بعد مشاهدة ارتفاع الاسعار بشكل مخيف واحوال البلد المحزنة يارب افرجها وكمان علشان انا لقيت عندى قطع غيار كتير غير مستخدمة او قطعة جبتها من خارج مصر وجت غلط او غير مطابقة لعربيتى او حد
اشترى حاجة وبعدين باع العربية نرجو ان يكون موضوع مثمر ومفيد للجميع
