تركيب رف خلفى للسماعات

يا ريت يا جماعة لو حد يدلنى على مكان لتفصيل رف خلفى عشان أركب فيه السماعات البيضاوى
شكرا

بص يا عمرو باشا...

نصحتي ليك اعمله بنفسك....سهل مش صعب خالص!

1- تقيس مقاسات الرف الأصلي
2- تروح لأي واحد يبيع خشب...و تجيب حتة خشب كونتر بسمك 1.5 سم أكبر من المقاس بتاع الرف بشوية
3- تحط حتة الكونتر علي ترابيزة و فوقيها الرف الأصلي
4-قلم رصاص و امشي مع الرف علي الكونتر عشان تاخد الكيرفات بالظبط+ هات الكارتونة البيضاوي اللي بتبقي جاية مع السمااعات و علم أماكنهم برده علي الرف
5-تطلع على نجار و خليه يقطعلك الكونتر علي الخط اللي انت عملته و يفرغلك مكان السماعات
6-تطلع علي أي واحد يبيع خامات الفرش و الأرضيات بتاعة السيارات...و قوله عايز موكيت أو جلد أسود المستورد مش المصري حسب المقاس بتاع الرف بقي و علبة كولة من ام 5 جنيه (الصغيرة)
7-افرش الكوله علي الموكيت (أو الجلد) و الخشب و الزقها عليه كويس و الزيادات ابقي اقطعها بالمقص..أو كاتر...نفس الكلام بالنبسة لفراغ السماعات
8- عايز تعمل حركة بروفيشونال بقي...هات فيشتين بتوع السماعات (الأحمر و الأسود) و ثبتهم في حرف الرف من تحت...بحيث ان السماعات تبقي واصله بيهم و بعدها السلك اللي جاي من الكاسيت يخش في الفيشة علطول...كده لو عايز تفك الرف لأي سبب ما عليك الا انك تفك الفيشة بتاعة السلك و ودمتم..

هما الخطوات كتير بس سهلين جدا و مش هايخدوا وقت خالص....يوم جمعة أو سبت و الدنيا هاتخلص:)

شكرا يا نادر على سرعة الرد
هو أنا كنت عملت الخطوات دى قبل كده بس كان Mdf وده طبعا قوس بعد فترة
وده عملى مشاكل مع قفل الشنطة
على العموم حشوف موضوع الكونتر
وشكرا تانى على سرعة ردك

الMDF ضعيف و مايستحملش حمل السماعات و انه يفضل متشعلق من الجنبين فقط بدون أي support في النص...هو فعلا بيتلكك عشان يقوس:)

لو هاتعمل الموضوع ده حاول تصور الخطوات و انت بتعملها عشان تتحط في الموضوع ده:)

اسمع بقي نصيحتي وخصوصا مع البرايد
اول حاجه لما تقص الرف
تخلي الراجل يعملك تقويه ليه من تحت
وبتكون خشب في حدود 5 سم وسمكها 2 سم
زي اللون الأحمر اللي في الصوره
وبعدين تجيب الحبلين اللي بيرفعمو الرف مع فتح الشنطه علشان دول باردو بيخخفو الحمل شويه من الرف

http://www2.0zz0.com/2008/08/28/11/861683935.jpg

in this way u will have a good chance for making a base reflex to enhance base quality