الموضوع: كاوتش للفيرنا

افضل ماركة كاوتش بريدجستون
في ماركات تانية كويسة جدا زي ميشلان و بيريلي و هانكووك
و يفضل طبعا جنط 14
نقشة الكاوتش ليها دور مهم جدا في التماسك
زي مثلا نقشة الشجرة اعلي تماسك من النقشة اللي تفاصيلها اكتر (فيها فراغات اكتر)

انا لسه جايب طقم " كمهو اكيستا " كوري مقاس 14 بصراحة ممتاز ب 1680 ......

المشاركة الأصلية كتبت بواسطة bmwx5n

شكرا لجميع الردود ممكن اعرف ابعاد الجنوط 4*114 و لا و هل الصناعة الكورى كويسة فى الكاوتش انا ركب عندى 2 gt و 2 مركات مختلفة و انا جنبى توكيل كمهو و gt و بيريللى فى شبرا همر عليهم و اعرف السعر وصل كام و هل حضرتك تقترح مركات تانى علشان انا اول مرة اغير كاوتش و خايف يضحك عليا
شكرا جدا

عربيتي فيرنا2011 و جنوط اسبور 14 و مقاس الكاوتش 185/60 /14 واظنه مقاس ممتاز جدااا و مناسب لها وظبط معي الاتزان والفرامل و اهم شئ استهلاك البنزين .... وهذا المقاس افضل من ال 185/65 / 14 الذي كان راكب فيها ...
اما الصناعة الكورية في الكاوتش فهي اظنها ممتازة بعد البردجستون الياباني او الاندونيسي او الميشلان " واحد من اربع دول وهي : ايطالي او فرنسي او انجليزي او الماني " .... علما بانهم خوفوني من ان البردجستون الياباني في مصر مضروب لو هتجيب بردجستون هات اندونيسي ... وانا كنت مركبه في اللانوس من 3 شهور ...... لكنه انشف من الميشلان ......


خلاصة تجربيتي هي :
1- بوجه عام هات المقاس المكتوب على العربية حتي تحافظ عليها و على البنزين .2
2- من حيث الماركات التي جربتها بنفسي - لا اعلم الباقي - : اولا الميشلان ويجب ان يكون دولة من الاربعة ..... بعده البردجستون الاندونيسي ....... ثم الكمهواكيستا الكوري . يكاد يكون متساوي او يفوق البردجستون في العربيات الصغيرة و من حيث السعر مقابل الاداء .
3- يجب ان تفضل تاريخ الانتاج و التماسك على الماركة : بمعني الكمهو انتاج 9 / 2012 بتراكشن ايه ايه ... افضل من البردجستون انتاج 1/: 2012 تماسك بي ....... و هكذا .. مع تفضيل حرف السرعة والرقم الذي قبله . مثلا سرعة في افضل من سرعة تي حتي لو بتمشي اقل من 140 ... و رقم 88 افضل من رقم 82 حتي لو بتركب لوحدك في العربية

4- اسف للاطالة واتمني اكون افدتكم .. وتحت الامر في اي مساعدة

نعم الابعاد 4*114 بالنسبة لعربيتي و جنوطها تيواني .... كمان الصناعة الكوري في الكاوتش ممتازة وتلي الياباني و هي والاىدونيسي من البلاد المشهورة بالمطاط و بصناعة الكاوتش .. و الجي تي ايضا من الماركات المحترمة .... لكني انصح دائما باستطلاع رأي السادة الزملاء كل فترة في افضل الموجود في السوق نظراااااا لتغير المستويات كل فترة ... مثلا انا كنت من فترة كبيرة عندي ثقة في الجوديير .......... اما الان فهو اصبح تحت السئ ... احد الزملاء عنده 2 كاوتش شقق و طق بعد حوالي 15 الف كيلو ......!!!!