عرض للطباعة
السلام عليكم على كل زملائى فى المنتدى
انا النهارده فكيت السرة بتاعة العجل الخلفى علشان اكشف على التيل و الجلاش على الفرامل
ووجدت و الحمد لله للتيل كويس لكن للاسف مش الاقى سنترك او لاجلاش الجلش منه الفرامل فى مرة اتعملت قدامى من حوالى 9 شهور كان بتاع الفرامل عمل حاجه جنب السوست اللى ماسكه التيل و بعدهل ركب الطنبورة بتقل بس انا ناسى و مش عارف ازاى اعملها
على فكرة انا ركبت تانى الطنبورة و لجلشتها من فرامل اليد كحل موقت
فماذا افعل
انا اسف انى طويل عليكم
بعد ما فكيت السرة سياتك هتلاقى سوستة ودخلها مسمار بصمولة سياتك تربط المسمار دة للحد ما تظبط الخلوص بين التيل و الطنبورة
بس شرط اساسى تظبط العجلتيين مع بعض و يكونو بالظبط علشان فى حالات الفرامل المفاجئة على سرعة عليا العربية متلفش منك و لازم تجرب بس على فكرة
البوووووش الجامد دة ممكن يكون فى هوا فى دورة الزيت بتاعة الفرامل فحاول تجرب تاخد هوا و تجرب و تشوف
و مقولتش سياتك انتا بترفع فرامل اليد عن التكة رقم كام لو بترفع اول تكة و بدوس فرامل بتقفش معاك يبقى فى الغالب لازم تاخد هو مدام التيل مش متاكل
وربك المستعان
نصيحة لو حضرتك مش هتعرف تعملها لابد من متخصص علشان لا قدر الله
ربك المستعان
شكر ا كتيير لسيادك لسرعة الرد لكن انا مشفتش مسمار بصمولة ده نهائى فيين بالتحديد
انا فرامل اليد كانت الاول على 7 تكات و من واحد الى 3 مفيش اى تاثير من 4 الى 7 اقفال تام
صدقنى انا اعرف اضبط الخلوص بين التيل و الطنبورة بعد الاخلاش لكن مش عارف لاجلاشها فبين
اما بالنسبة للهوا اللى فى دورة الزيت الباكم سهلة انا بعرف اخذ هوا ديه انا عرفها
اكون شاكر لحضرتك لو فى صورة توضحية لهذا المسار
معلش انا طويلت عليك
الرجاء الافادة
طيب هنعمل مراجعة على سريعة على دورة الفرامل ابتداء من الدواسة للحد الطنابير
و ترد على الاسئلة دى
اولا اخبار الدواسة اية
بتنزل بيها للاخر و له ربع المشوار من فوق
ثانيا السيرفو
لما بدوس فرامل مفاجئة يعنى ضغطة واحده و بسرعة بتسمع صوت فوووووووووووش
ثالثا المستر العمومى
لما بتيجى بدوس على الدواسة هل انتا متاكد انى الماستر العمومى بيضخ الزيت للاربع باستم اللى موجودين على العجل ولابد من التجربة العملى خلى العربية على السلانسية و خلى حد يدوس و يشيل رجلة بطريقة متكررة و شوف عجلة عجلة بتقفش و بتسيب ولة لالالالالالالالا
رابعا الزيت الباكم
اتاكد انو نظيف و مظبوط المقاس بتاعه علشان ميعملش سدد و متاكد انى ساحب الهوا من دورة الزيت
راجع و قولى و كل حاجة ليها تحليل علمى و كل الاسباب دؤدى الى خلل فى الفرامل
اصلى مدام التيل مش متاكل
و الطنابير كويسة يبقى البووووش دة جى منين
ربك المستعان
شكرا على رد سيادتكاقتباس:
المشاركة الأصلية كتبت بواسطة engahmedsayed
1- على الربع ضغط الفرامل من البداية
2 - فعلا السرفو يعمل الصوت ده مع الضغطه المفاجاة
3 - الماستر العمومى بيضخ زيت ممتازة و العجل الامامى اقوى مع ضربة الفرامل
4 - الزيت الحمد لله نظيف و مستواه مضبوط و لا يوجد مستر فرامل ضارب زيت
5 - التيل متاكل نسه صغيرة فانا حبيت الالجلئش عليها
اسف على عدم الرد لأنى مبردش الا لما اجرب بايدى وبنفسى فى اليومين الماضيين كانت انا والفرامل الخلفية سواء ليلا نهار واستنتجت معلومات كثيرة جدا وهامة عن ذالك الموضع ولاكنى سارد فى درس تعليمى ضمن سلسلة علم نفسك لتعم الفائدة ولاكنى احتاج بعض الوقت ليتم كامل الموضوع ....
عموما الف شكر على اهتمامك بموضوعى و الف شكر على تعبك معايااقتباس:
المشاركة الأصلية كتبت بواسطة sakr1964
اللى انا فهمته يا اخى ان لاجلشها من الصباع اللى فى الجانب العكسى من سلك فرامل اليد فى الطرنده عبارة عن صباع و ينتهى بسوسته مسكه فى التيل لما احب اجلش عليه اعمل قرصه بالمفك فى الصاجه اللى تحت المستر و اسحب هذا الصباع لاسفل هذا ما لاحظته من فكى للطنبورة مرتان خلال 4 ايام بس مش عارف هل ملاحظتى ده صح ام خطا