هو لامؤاحذه يعنى ايه البتاع اللى انت قولت عليه ده وياترى بيركب فين؟
عرض للطباعة
component speakers
بتبقى كروس اوفر بيفصل صوت البيز لوحدة و الميد رينج لوحدة و التربل لوحدة
و بعدين كل طبقة صوت فيهم تروح للمكون اللي بيشغلهم
يعني البيز يروح لووفرين
و الميدرينج يروح لميدرينجين
و التربل يروح لتويترين
دة لو السيستم 3 واي
لكن لو 2 واي
بيبقى الصوت بيتفصل لطبقتين بس
ووفرين و تويترين
بس الميدرينج بيتقسم في الحالة دي بين المكونين اللي موجودين
بص انت لازم تركب سماعات في الرف الوراني
و مش مهم انك توسع في الصاج
فكر ان العربية دي لأستعمالك و لمزاجك
و مش قص الرف اللي يعيبها
و بعدين انت عاوز تحافظ عالرف علشان اللي يشتريها بعد مانت تزهق منها و تبيعها
الأولى انك تعمل اللي يناسبك و يريحك
زي بالضبط اللي بيشتري كسوة و يحطها عالكراسي الاصلية
هوة الواخد بيحافظ عالعربية للي يشتريها بعده على حساب راحتة هو
و الحاجات دي مش بتفرق في البيع خالص كمان
عمر ما حد ينزل سعر عربية او يرفض يشتريها علشان الرف اللي ورة متوسع و متركب فية سماعتين
بس بص نصيحه من الأخر
سيبك من أي حاجة ماركه سيمفوني
و سيبك كمان من سوني اكسبلود
لو انت عاوز صوت نقي و نضيف يبقى انسي الماركتين دول
السيمفوني دة معمول علشان الواحد يتمنظر قدام اصحابة ان عندة امبليفير 400 وات في العربية و هو اصلا مش بيطلع 80 وات فعلي
اشتري سماعتين بايونير ماليزي او انفينتي وبازوكا JBL و امبليفير بيونير او JBL برضة
و فيسة في الانفينتي سيستم component حلو قوي اسمة انفينتي كابا
بس لازم تركب امبليفير 4 شانل لو السيستم 2 واي
ولو عاوز 3 واي يبقي حاتزود امبليفير كمان 2 واي
ماترشحلوش الكابا يأدهم - الكابا عشان يركبه يفضل السيستم كله يكون إنفينيتى
الكابا 2 أوم عكس معظم السمعات يعنى عايز أمبليفاير 2 ohm stable
بس لو هو صاحب مزاج اوى و فعلا عايز السيستم كله إنفينيتى هيبقى سيستم تحفة
وفعلا ساعتها الكابا component إختيار جبار
عامة و عن تجربة النفينيتى عامة كابا و ربفرنس سمعات محترمة جدا وصوتها نقى
بس برضه وعن تجربة عايزة أمبليفاير فى نفس مستواها
انا اتلخبطت خالص:no::no::no:
طيب نفترض ان انا رضيت اخرم فى الصاج والرف اللى ورا
ايه المكونات اللى اجيبها بالظبط كده وبالترتيب وياريت لو اسعارها يبقى 100 ميه بس واحده واحده :049:
سماعات نوع ايه وكام وات
جى ام نوع ايه وكام وات
بازوكا نوع ايه وكام وات
كده يعنى فصلوهالى :fool::fool::fool:
يا ميمو انت مش هتخرم زى منتا فاهم
كل اللى هتعمله هتشيل بوردة الفابريقة وهتلاقى فتحتين فى الصاج مدورين
كل اللى هتعمل هتكمل على كل فتحة علشان تفتح البيضاوى
وتركب السماعتين فى الصاج واهم حاجة تربطهم كويس وحاول تجيب دابل فيس وتلزقه
على حرف فتحة السماعة اللى انت فتحتها وتحط السماعه وتربطها بمساميرها فى الصاج علشان متزنش معاك
وهتحط بوردة الفابريقة ولا كأنك عملت حاجة
ومن رأيى بقة سماعتين بايونير تايلاندى 330 وات لو لقيت الرق الازرق افضل او الرق الاسود 400 وات
او سماعات كينوود 400 وات
وجى ام لو لقيت جى بى إل 600 وات 4 شانل هاته انا عندى الجهاز ده بقاله معايا اكتر من سنتين والله ملوش حل ومش هبيعه غير لما الاقى جى ام زيه تانى يكون اكبر منه
او كينوود او بايونير اهم حاجة الجى ام ميقلش عن 600 وات ويكون 4 شانل
وهات بازوكا جى بى إل 1000 وات سعرها تقريبا 750 جنيه من التوكيل اللى فى احمد عرابى
البيونير الماليزي صوتها انقي بكتير جدا من التايلاندي~, لا يوجد وجه مقارنة بين جودة الاتنين
و حرام قوي تجيب امبليفير JBL و تشغل علية سماعات تعباة زي السيمفوني او البيونير التايلاندي او الكينوود (مع احترامي)
اللي يدفع الف و نص في امبليفير زي دة يبقى يجيب سماعات نفس الماركةJBL GTO 937 ب 450 جنية او سماعتين بيونير ماليزي ب 650 او ألباين او إنفينيتي او كلاريون نضاف علشان يبين امكانيات الصوت و يطلع قدرة و نقاء الصوت اللي خارج من الامبليفير
كلامك صح يا ادهم انا معايا جى إم JBL GTO 600 watt كنت شاريه ب 1450
وكنت امبارح فى توكيل كلاريون لقيت موديل زيه بس 1200 وات ب 2900 جنيه بس حاجة تعقد
واحتمال ابيع الجى إم بتاعى علشان اجيب الكبير قريب
وشوفت سماعتين جى بى إل كنت هعيط عليهم امبارح ب 950 جنيه :laugh6:
بس علشان يجيب سماعتين وجى ام وبازوكا على كلامك هيعدو ال 2000 جنيه
سلامو عليكو
انا شايفك محتار ونفسك تركب وتسمع صوت حلو بس العربيه صعبانه عليك
انت ممكن توقف كوبسته وتفيم الزجاج الخلفي وتحط فها العدد الي انت عايزة من السماعات وهتديك ميت رنج صافي بس ده يرجع للكاسيت
وطبعا البازوكا في الشنطه وانسا الدنيا