الموضوع: استفسار بسيط عن سيات كوردبا 2006

المشاركة الأصلية كتبت بواسطة nesr6060

1600 جنيه لسير كاتينه ليه انززل التوفقيه فى محالات كتير هتلاقيها بتبيع قطع غيار الفولكس و السيات واشهرهم فتح الباب فى شارع رمسيس اسمه اولاد فتح الباب هو جنبيه برده واحد بتاع قطع غيار البى ام بس مش فاكر اسمه
المهم هتلاقيه فى شارع رمسيس قبل جريده الجمهوريه بحوالى 100 متر

انا عن نفسى مبتعملشى معااه علشان غالى عن السوق بحوالى 10 جنيه او 20 بس هنا كلوا بيتعامل معاه

ربنا يبارك فيك ويخليك يارب ومش عارف والله اشكركوا ازاى ومتشكر لكل الأعضاء المحترمين اللى اهتمت بلموضوع وانا هنزل التوفقيه وهشوف فتح الباب دا

المشاركة الأصلية كتبت بواسطة karim ibiza

أهلا بيك فى قسم سيات

ياريت لو تقولنا عربيتك مانيوال ولا اوتوماتيك
عموما موضوع الدواسة ده غالبا بيكون الموضوع محتاج شوية صيانات بسيطة زى تنضيف بوابة وتغيير بوجيهات وتغيير فلتر الهواء والبنزين

بالنسبة لسير الكاتينة وسعره فى التوكيل:
اكيد السعر ده شامل تغيير طقم الكاتينة كامل لأن فى التوكيلات مش بيرضوا يغيروا السير من غير بلى الشداد كتدبير احترازى مش أكتر
لو حسبتها هتلاقى انك عندك 2 بلية شداد بيتباعوا بره بـ300 جنيه للواحدة واكيد مش زى اللى فى التوكيل والسير بره بيعمل فى حدود 150 - 200 جنيه وبرده اكيد مش زى اللى فى التوكيل + انك هتعمل الشغل ده فى التوكيل, يعنى شغل نضيف ومش هتخاف من صنايعى يخلفلك تقسيمة ولا يبوظلك الدنيا

لو السعر ده فعلا شامل طقم الكاتينة كامل يبقى الموضوع يستاهل لكن لو السعر ده سعر سير بالتركيب فقط يبقى تجيبه من بره وتركبه عند واحد فاهم حتى لو هتغيره كل شهر

بالنسبة لموضوع الخشانة لازم الاول نتأكد اذا كان رومان بيل ولا حاجة تانية
ياترى الصوت بيظهر على سرعة كام
ياترى الصوت بيظهر وانت معشق ولا وانت ممور او فاصل الحركة

واخير احنا تحت امرك فى اى استفسار وربنا يباركلك فى عربيتك

ربنا يبارك فيك يارب ومتشكر ليك جدا وربنا يكرمك يارب بللى نفسك فيه يعنى بلى الشداد دا مهم اصل كده التكلفه هتوصل حوالى 800 جنيه كويس وطبعا فى فرق حوالى 800 جنيه عن التوكيل فا هل ال 800 جنيه دول هيعملوا حاجه على عمر الحاجه اللى انا هركبها وسعر دا سعر سير الكاتينه بلتركيب بس وقول مثلا اللى هيعمل الشغلانه دى هياخد 200 جنيه يعنى قول لو غيرت السير بره هيبقى ب 1000 جنيه برضه فى فرق 600 جنيه وصراحه فرق كبير

اما صوت الونه انا متاكد ان الصوت من بلى العجل لكن هل ممكن يكون فى عيب تانى يسبب الونه غير الكاوتش والبلى


وبعدين حضرتك بتقولى بلية الشداد مش هتبقى زى اللى فى التوكيل هو سعر الحاجات دى جديده ولا استيراد ومتشكر لحضرتك جداااااااا