الموضوع: ايه احسن عربيه من ناحية العفشه ؟

احنا هنا فى مصر يا جماعة مش الخليج .. انا اقصد انه ماشى الفكرة حلوة بس صاحب الموضوع يقصد عربية ملاكى عسان كده مش عايزين نشتته و اسف على سوء الاسلوب

المشاركة الأصلية كتبت بواسطة alivara

عشان رمضان بكرة بس مش حرد عليك ردى اللى المفروض اقوله انما حقولك انا مافرضتش عليك رأيى انما اظن صاحب الموضوع بيقول عايز عربية متينة صاجها قوى تستحمل مصر و اظنه يقصد عربية ملاكى و اسأله قوله ايه رأيك تجيب عربية نقل و تقلبها ملاكى ؟
الناس حتضحك عليه و هو ماشى فى الشارع
ثانيا : اسلوب يا بيه و كلام ال.... مش عايزه لو سمحت لانك شكل ما قولت وجهة نظرك انا قولت وجهة نظرى و انت فرحان اوى كده بالنقل روح شوفلك عربية نقل و اقلبها ملاكى براحتك .. و اكيد اكيد الناس مش حتاخد بالها و حتقولك برافو !
[/COLOR]

أولاك كل سنة و كل اعضاء المنتدي الكرام و زويهم بخير و صحة وعافية و سلام

عشان رمضان مش هترد عليا يا استاذ ALIVARA !!!!؟؟؟
طيب يا سيدي الله يسامحك و مقبولة منك بس يا ريت تحسن اللفظ احسن من كدا شويه لأن الموضوع مش مستاهل دا كله
نيجي لموضوع العربية النص نقل اللي مش عاجبه حضرتك
بص يا استاذ علي كل واحد فينا له ذوق معين مختلف عن الآخرين و دا حق لكل واحد فينا كبشر
انا قلت وجهة نظري الشخصية و المتواضعة كمشارك في الموضوع اللي طرحة اخونا صاحب الموضوع انا بصراحة مش شايف فيها اي اهانة او اي تجريح لأحد عششان تيجي حضرتك و تتهكم علي رأي بالطريقة دي ولما انا رديت عليك زعلت مني
مع انك لو مكاني و بطريقتك في الرد عليا ما كنتش هتسكت لو انا تهكمت علي رايك زي ما انت عملت
طبعا انا لاحظت ان وجهة نظري ليها مؤيدين و متفقين معي في الرأي اذن انا راي مش شاذ ولا حاجة
انا قبل ما اعرف ان رايي له مؤيدين وان هناك ناس بتفكرنفس تفكيري وضحت لصاحب الموضوع ان المشكلة في الفكرة بتاعتي ان نمر العربية هتبقي نقل و هو داعيبها
و لكن انا لاحظت من خلال كلام الأخ صاحب الموضوع انه مش مهتم اوي بموضوع الشكل و النعومة في العربية بقدر ما هو مهتم بالمتانة و القوة و العملية و دا بينطبق بقوة مع رأيي و طبعا لصاحب الموضوع القرار النهائي في اختياره و لكن احنا بنفكر مع بعض بصوت عالي و الراجل بشوف ارائنا كلها و هيعمل بالأنسب له من الأراء دي
طبعا في ناس كتير قالت ان العربية في الخليج بتستخدم بكثرة و منتشرة علي انها شخصية مش نقل و انه عادي جدا انك تركب عربية 2 كابينة كعربية شخصية او ملاكي و مافيش ادني مشكلة لا هو عيب ولا حرام وانا مش شايف انه فيها اي احراج و لا الناس هتضحك عليه زي ما حضرتك بتقول
لأنه راكب عربية محترمة جدا و ياباني و احسن بكتير من عربيات ملاكي بيتجري في الشوارع و مالية البلد و ماحدش عارف مصدرها واسمها في الاخر ملاكي وخلاص
العربية فيها كل الأوبشن الي ممكن نحتاجة في الملاكي مع زيادة قوة التحمل و المتانة وطبعا شكلها من وجهة نظري احسن بكتير من عربيات ملاكي يعني ما حدش يقدر يضحك عليو لا حاجة
انا هحاول اصور العربية اللي انا بشوفها عندنا
والله العظيم العربية دي تحفة وانا من ساعة ما شفتها و انا بفكر اعمل زي صاحبها لأنها عامل شوية شغل فيها خرافة
انا اول مرة شفت العربي دي ما عرفتهاش و فضلت مركز فيها و ببص علي النمر من بعيد عشان اعرف هي جمرك ايه بالظبط إلا اني فوجئت بيها عليها نمر نقل بس مش فاكر قنا ولا البحر الحمر
المهم العربية صندوقها متقفل من ورا بطريقة تخليك تقول عليها انها جيب
و انا تمني ان امتلك حاجة زي كدا عربية مرتفعة عن الأرض يعني زي ما نت عاوز شيل و بلا خوف من المطبات و سافر بيها زي ما انت عايز وخلي الي ضحك يضحك يا سيدي بالنسبة لي مش فارقة طالما انا مقتنع باللي انا بعمله بدون ما اضر احد او اخالف القانون

عموما يا استاذ علي الإختلاف في الرأي لا يفسد للود قضية و كل سنة وانت طيب

يا جماعة ارجوكم انا اسمي فى المنتدى alivara وده مش معناه ان اسمي على ههههههه
اولا انا اسمي ايهاب 18 سنة طالب بكلية هندسة بترول و تعدين
كل الحكاية و الله انى اول مرة اسمع عن حكاية النقل اللى يتقلب ملاكى ده عشان كده اتفاجئت و بعدين النقل بيتعمل بمواصفات خاصة عشان الحمولة الجامدة اللى بيشيلها و انه لازم يتحمل جميع انواع الطرق و ده بيأثر شوية على نعومة العربية
ياريت فعلا تصورلنا العربية اللى حضرتك بتقول عليها ديه و ممكن فعلا تبقى بداية فكرة ناجحة
اسف على سوء الاسلوب و ارجوك ما تزعلش منى و كل سنة و حضرتك طيب

الكورولا ال 2007 عفشتها حلوة وناعمة اوي اوي ((بس عشان كل العربيات اللي بسوقها فولفو لما باجي اسوق الكرولا بالذات في الملفات المفروض ان العفشة بتدي وتاخد مع نفسها علشان تظبط العربية بس انا بيبقي عندي احساس خاطئ انها مش ثابتة))
واليي عفشتها لذيذة اوي برضة وثابتة جدا المازدا 3
(بالنسبة لحكاية العربية النقل دي فانا من مشجعيها جدا ونفسي اجيب الدودج الرام (عارف ان سعرها معدي)بس هي دي اللي تعرف تتفاهم مع شوارعنا وفيها كماليات مش موجودة في الملاكي وناشفة وواسعة و 4*4 كمان انا حبيت اقول راي بس) ورمضان كريم

المشاركة الأصلية كتبت بواسطة alivara

يا جماعة ارجوكم انا اسمي فى المنتدى alivara وده مش معناه ان اسمي على ههههههه
اولا انا اسمي ايهاب 18 سنة طالب بكلية هندسة بترول و تعدين
كل الحكاية و الله انى اول مرة اسمع عن حكاية النقل اللى يتقلب ملاكى ده عشان كده اتفاجئت و بعدين النقل بيتعمل بمواصفات خاصة عشان الحمولة الجامدة اللى بيشيلها و انه لازم يتحمل جميع انواع الطرق و ده بيأثر شوية على نعومة العربية
ياريت فعلا تصورلنا العربية اللى حضرتك بتقول عليها ديه و ممكن فعلا تبقى بداية فكرة ناجحة
اسف على سوء الاسلوب و ارجوك ما تزعلش منى و كل سنة و حضرتك طيب

ماشي يا بشمهندس ايهاب ولا يهمك يا سيدي حصل خير وياريت ما تزعلش مني ان كان صدر مني اي كلام يزعلك و خللي بالك انا مهندس كهرباء يعني كان ممكن ماس كهربي من عندي علي شوية بترول من عندك كانوا عملوا مشكلة كبيرة في المنتدي ههههههههههههههههههه
ان شاء الله هحاول اصورلك العربية دي عشان تشوفها بس يا ريت اعتر فيها قريب
كل سنة و انت طيب

والله انا لما كتبت رأيي و قولت اني بفضل الهايلكس 2 كابينة كنت فاكر اني بقول كلام اغلب الناس مش هتأيده لكن الواضح ان كل الناس بتفكر نفس التفكير
عموما انا مش شايف اي مشكلة اني اركب عربية نمرها نقل لأنها هتبقي خاصة و بعدين النمر الجديدة هش هتبقي مكتوب عليها نقل ولا غيره
هي بصراحة مشكلة العربية دي هتكون في القاهرة بس عشان الكباري العلوية لأني علي ما اظن ان النقل ممنوع يطلع الكباري الا في اوقات معينة و طبعا دا مش مقبول بس انا مش عارف ان كنت صح ولا غلط في الكلام دا
لكن بالنسبة لباقي المحافظات و القاليم انا مش شايف اي مشكلة في اقتناء عربية زي دي علي انها خاصة او ملاكي لأننا اصلا معندناش كباري

علي فكرة انا قريت مرة في اخبار السيارات مقال كانوا عاملين فيه لفاء مع الممثلة غادة عادل و كان المانشيت بتاع المقال بيقول لو شفت ظابط مرور موقف عربية 2 كابينة علي مطلع اي كوبري في القاهرة و راكباها واحدة ست تبقي دي الممثلة غادة عادل
لما قريت المقال لقيت انها باعت عربيتها الملاكي وقررت شراء تويوتا 2 كابين فو اوبشن لأنها وجدت فيها كل ماتتمناه في عربيتها لأنها بتقدر تشيل معاه كل شنط ملابسها و اكسسوارها واكلها و شربها و كمان ولادها الإتنين معاها و بيتسافر لأي مكان بدون مشكلة و العربية مريحاها علي الآخر و ناعمة جدا و كل الكماليات من تكييف و باور و غيرة موجودة بالعربية
من ساعتها و انا داخلة دماغي فكرة العربيات ال 2 كابينة و لما شفت العربية الي عندنا في البلد زاد اعجابي بالفكرة بعد ما شفت الشياكة و الجمال بتوع العريبة دي
فعلا العربية دي بتجمع ما بين الجمال و القوة و الرفاهية و المتانة و هي انسب حاجة لبلدنا و شوارعها الحلوة

يا اخ مصطفى متشكر اوى على ردك الجميل و على فكرة انا والدى مهندس كهرباء ميكانيكا قوى .. انما انا بقى بتمنى اعدى الكلية على خير و ابقى مهندس بترول كويس
فعلا كل العربيات دلوقتى ورق خالص يعنى انا عن نفسي حشتري النترا 2009 قريب جدا ان شاء الله العربية ممتازة فى كل حاجة ما عدا موضوع الصاج ده خفيف زى كل العربيات
فلو فعلا فكرة العربيات النقل ديه اتنفذت باحتراف تبقى روعة كفاية انك تبقى ماشى مش خايف على العربية من اى خبطة من واحد مسطول لانه اكيد هو اللى حيتدشدش هههههههههههه
رمضان كريم .... و فى انتظار الصور