اخبار طريق راس البر ايه

**mmans** · 04-07-2013 05:29 PM

اخبار طريق راس البر ايه عاااوز اروح راس البر و بسال الطريق عامل ايه و البلد هناك ايه نظاااامها

**ramyhekal** · 04-07-2013 06:08 PM

اللى اعرف من اسبوع بالظبط صفيحة البنزين هناك كانت وصلت 200 جنيه

**mmans** · 04-07-2013 06:10 PM

بنزين ايه دلوقتى بس هههههههههههه انا بسال ع البلد نفسها و الطريق عامل ايه حلو يعنى ولا قلق

**TOSHIBA2013** · 04-07-2013 07:01 PM

الطرقي تمام وتلاقي الجيش وشرطه متقلقش

وسمعت من صاحبي ان موضوع البنزين خف وحتلاقي

بس متروحش بليل اوي خليك ع الصبح الضهر كده

وتروح وترجع بالسلامه

**benmatar** · 04-07-2013 08:48 PM

راس البر رحتها خروجا من القاهرة عبر الطريق الزراعي حتى بنها وده طريق كويس مروريا وامنيا
وبعد كده من بنها وحتى المنصورة وده برضه طريق معروف ورئيسي بس مشاكله مطباته الكثيرة والجرارات المظلمة والمرور ببعض القرى والتكاتك المعاكس بس آمن، ومن المنصورة يتم الاتجاه شمالا حتى الطريق الساحلي الدولي لرأس البر وهو غير مطلوب التوقف فيه ليلا رغم إني سافرت عليه ليلا والحمد لله بس اليومين دول الله أعلم، وبرضه بتعدي على قرى ومدن.
وممكن تروح من طريق آخر رحته برضه مرتين وعجبني أكثر وهو طريق بورسعيد، إنك تخرج من القاهرة لطريق الاسماعيلية الصحراوي وقبل مدخل الاسماعيلية تدخل طريق بورسعيد وهو طريق اسرع وأكثر أمنا وراحة وقبل مدخل بورسعيد بتطلع طريق دمياط السريع ومنه لرأس البر، الطريق اطول في المسافة بس اقصر في الوقت وأريح. وبالسلامة..

**طارق _عبد السلام** · 05-07-2013 12:51 AM

الطريق كويس وامان بس خد طريق دمياط مش الطريق الساحلى لجمصه

ويفضل تروح بالنهار علشان لازم تكون حافظ المطبات علشان ماتكلهاش لانها مطبات غبيه جدا

ومن ناحيه البلد البلد مليانه ناس زحمه يعنى والاسعار هناك فى سوق 63 ارخص من الاسعار بره

الجو هناك جميل جدا بس نصيحه ماتنزل البحر يوم الجمعه قبل الساعه 6 علشان الرحلات اليوميه بتخلى البحر سوق وعربجه والفاظ تلوث سمعى وبصرى