تنبيه بخصوص الرخصة الدولية
السلام عليكم ورحمة الله وبركاته
حصل معايا موقف رخم جدااااااً حبيت أشارككم و ألفت نظر اللي عايز يعمل رخصة دولية
أنا من أسبوعين عملت رخصة دولية من نادي السيارات في وسط البلد عشان بعيد عنكم أسافر قطر مع والدي عشان يعمل عملية
لما وصلت قطر سألت المرور هناك قالولي ولا ليها أي قيمة (عقيد قال لي جطها في الزبالة يعني ارميها) تمتحن وتعمل رخصة جديدة
والعملية للأسف كانت بعد يومين
راحوا ياسيدي 200 جنيه في الزبالة مش عارف المشكلة في أنهي بلد بصراحة
مع ان أسم قطر مكتوب في قائمة البلاد اللي في الرخصة ، حاجة تحرق الدم
ياريت أي حد هايعمل الرخصة الدولية يعمل اللي أنا معملتوش:
يسأل في سفارة الدولة اللي رايح ليها ، هل الرخصة الدولية شغالة عندهم ولا لأ ، وربنا ميحطش حد منكم في موقف صعب زي ده.