استفسارات عن إمبريزا 2008 هاتش باك

**Porsche911TT** · 05-07-2013 09:14 PM

السلام عليكم ياوحوش السوبارو

في علامة في سيارة صاحبي (إمبريزا 2008 هاتش باك 1600cc) في عداد السرعة أول لما تشتغل مكتوب فيه Sport بالأخضر
ياترى هل ده Mode وممكن يتغير ولا ايه

واستفسار تاني بخصوص استجابة دواسة البنزين بطيئة جداً (هي أوتوماتيك على فكرة) مقارنة بعربيتي اللوجان المانيوال
هل الأوتوماتيك كده ولا العربية هي كده؟
يعني الإستجابة بتوصل أني بضغط بسرعة كده وبجيب آخر الدواسة وبسيبها بسرعة ، ولا أي استجابة من الموتور لا صوت ولا دفع

**eslamsubaru** · 06-07-2013 12:59 AM

طبيعى أن طلعة الأوتوماتيك ابطأ من طلعة المانيوال .
موضوع لمبة ال سبورت : ده نظام موجود فالأوتوماتيك علشان يخليه ينقل على عدد لفات موتور أعلى فيكون زى المانيوال .. و ده هتلاقيله زرار يا اما فى ذراع الفتيس أو زرار الوحده بجانب الفتيس لما بدوس عليه بتشتغل اللمبة اللى فالعدادات و تكتب sport و غالبا بيكون لونها أخضر. و فى بعض الموديلات بيكون عبارة عن نقلة عليها حرف S غير النقلة ال D.

و ده مكان اللمبة فى العدادات :

**Porsche911TT** · 06-07-2013 11:35 AM

دي اللي عند صاحبي

**Porsche911TT** · 06-07-2013 11:43 AM

ده شكل عصاية الفتيس والصورة دي زي العربية بالضبط بس فرق ان معندوش الأزرار اللي في الطارة

**eslamsubaru** · 06-07-2013 02:33 PM

انت عايز تعرف ازاى تشغله !
بص ده شكل الفتيس من قريب : و هو كده على الوضع D اللى هو اوتوماتيك .. لو عايز تشغل السبورت هتنقله شمال علشان يكون بين ال + و ال - و بكده هتنور لمبة السبورت و بيشتغل فالحالة دى زى المانيوال بس من غير دبرياج يعنى تنقل لقدام + و للوراء - فينقل ما بين 1,2,3,4 كأنك بتنقل مانيوال و انت اللى بتنقل بنفسك لما توصل لعدد RPM بمزاجك حتى عدد معين قبل الأحمر العربية هتنقل الوحدها علشان تحافظ على الموتور . و لما تحب تنزل بالنقلة من 4 الى 3 مثلا لازم متكونش على سرعة عالية علشان العربية ممكن مترضاش تنزل بالنقلة الا لما توصل لسرعة قليلة تستحملها النقلة ..

شوف اللينك ده هيديك الخلاصة:

SPORT mode - Automatic transmission - Starting and operating - Subaru Impreza Owners Manual - Subaru Impreza - SubaruManuals.org