الاشياء المشتركة بين المازدا و الفوكاس .. حصرى جدا جدا
ان شاء الله يكون مرجع للناس اللى معاهم العربيتين و اى حد عندة اضافة يكمل الموضوع ان شاء الله
المعروف ان شاسية المازدا 3 و الفورد فوكاس II حاجة واحدة لكن الحقيقة مش كل حاجة هنا زى هنا و الكلام ده انا جمعتة من كذا موقع علشان اكون متاكد من الكلام اللى هاكتبه
ثانيا الموتور بتاعة المازدا مختلف كل الاختلاف عن الفوكاس و بالتالى لا يوجد شى مشترك بينهما غير فلتر البنزين فقط
http://nileup.com/up/uploads/nilemotors_13730633061.jpg
بالنسبة للعفشة ... نبتدى بالفرامل و الشى المشترك هو تيل الفرامل
http://nileup.com/up/uploads/nilemotors_13730633062.jpg
و مخدع التيل (brake caliper)
http://nileup.com/up/uploads/nilemotors_13730637251.jpg
اما الطنابير فهى مختلفة و مينفعش يركبوا على بعض
بالنسبة للعفشة الامامية فالاشياء المشتركة هى
تيش او الميزان الامامى
http://nileup.com/up/uploads/nilemotors_13730637252.gif
و الغطاء البلاستك اللى يحمى المساعد dust cover و صدادة المساعد
http://nileup.com/up/uploads/nilemotors_13730637253.gif
واخيرا قاعدة المساعد و البطاحة
http://nileup.com/up/uploads/nilemotors_13730637254.gif
اما المساعدين الامامين مخلفين فى الطول فقط .. المازدا اطول ب 5 مم فقط و الحقيقة انا ركبت مساعدين الفوكاس عادى من غير مشكلة لكن المرة اللى جاية هاركب بتوع المازدا لانى فعلا حاسس ان ضاغط على السوست علشان المساعد اقصر ويمكن يكون ده هو اللى عاملى دبة مع المطبات
اما المقصات و جلبهم (الامامية والخلفية) مختلفين فى القطر الداخلى بالرغم من ان شكلهم من برة يشبهوا بعض
وبرضة بيض الطرف و العمود مختلفين فى الطول و ده انا تاكدت منه لما غيرت بيض الطرف جبت بتوع الفورد ماركبوش
برضة السوست مختلفة طبعا بتوع المازدا اطول
بالنسبة للعفشة الخلفية فى متشابهة لحد كبير كالتالى
المقصات الخلفية وهى 3 قطع زى بعض وصورهم
http://nileup.com/up/uploads/nilemotors_13730649371.gif
http://nileup.com/up/uploads/nilemotors_13730649372.gif
http://nileup.com/up/uploads/nilemotors_13730649373.jpg
والجلب الخلفية الكبيرة و الصغيرة برضة هى هى
http://nileup.com/up/uploads/nilemotors_13730649374.gif
تيش الميزان الخلفى هو هو
http://nileup.com/up/uploads/nilemotors_13730649375.gif
بالنسبة للمساعدين فمختلفين فى الطول 40 مم ودة كتير قوى فا مينفعوش يركبوا على بعض و ايضا السوست الخلفية
لكن القاعدة و البطاحة هى هى
http://nileup.com/up/uploads/nilemotors_13730649376.gif
اما غطاء المساعد و الصدادة بتاعة المازدا 3 متشابهة مع الاوكتافيا a4 و golf4 و كمان الافيو ومختلفة عن الفوكاس
http://nileup.com/up/uploads/nilemotors_13730649377.gif
وان شاء الله لو عرفت اى حاجات تانية هاكتبها علطول .. بس دى الحاجات اللى انا متاكد منها