مطلوب مشورة بخصوص 280 اس موديل 82

السلام عليكم
الموضوع اني خير اللهم اجعله خير فكرت اشتري مرسيدس بس تكون على قد الايد
بالبحث وجدت سيارة 280 اس موديل 82 اوتوماتك موتور 6 سلندر و تكييف و زجاج كهربا و كراسي كهربا و باور و ايه بي اس و بي اي دي و كاوتش جديد و بطاريه جديده
مطلوب 38 الف
صاحبها بيقول مش محتاجه اي مصاريف
راي حضراتكم افحصها و لا بلاش و اشتريها اصلآو لا لأ
و ممكن مشاكل النوع ده تكون ايه ؟ و قطع غيارها متوافرة ولا لأ ؟
ارجوكم تحددوا مكان مناسب لفحصها لو رأيتم ان شراؤها امر مناسب
و شكرآ لحضراتكم مقدمآ .

hi , call me or send me a message and i will call you to answer you about all what you want to know

ahmed 01064443049

طب يا جماعه ما احنا كمان عاوزين نستفيد لانى بصراحه كمان نفسى اشترى العربيه دى اوى لانها فخمه جدا واسعارها فى الارض

بصوا يا جماعه ال w126 عربيه وهميه محدش ينكر ده لكن اول حاجه الموتور كبيير و استهلاكه عالى فى البنزيين و كمان الرشاشات نظمها قديم قبل ميعملوا الرشاشات الكهرباء قطع الغيار كمان قلت بسبب العمر و مش حتكون رخيصه ولو حد قالك هاتها و حطلها بنزيين 80 حتقرفك كل شويه و مش حتحس انك راكب 280 و كمان الحجم كبيير على داخل البلد لو مشاويرك كلها سفر مفيش مشكله لكن هى كعربيه ثباتها عالى جدا و جرايه و قطع غيارها معمره جدا و تستحمل و من اكتر الموديلات اللى سمعت فى مرسيدس كفايه انها لسه فيه منها فى عربيات الرئاسه لدلوقت
اتمنى اكون قدرت افيدكم

طيب اخبار الكوبيه بتاعها ايه 560sec
موديلات من 85-91؟؟؟؟؟
شكلها رائع وحجمها اقل شويه
لكن هل موجود منها في مصر بحالة كويسه؟؟؟

http://www.carsdir.com/cardetails.asp?carid=6042

العربيه اللى فى اللينك دى فى مصر قليله جدااااااااااااااااااااااا اااااااااااااااااااااا

اقتباس:

---

المشاركة الأصلية كتبت بواسطة titos_81

بصوا يا جماعه ال w126 عربيه وهميه محدش ينكر ده لكن اول حاجه الموتور كبيير و استهلاكه عالى فى البنزيين و كمان الرشاشات نظمها قديم قبل ميعملوا الرشاشات الكهرباء قطع الغيار كمان قلت بسبب العمر و مش حتكون رخيصه ولو حد قالك هاتها و حطلها بنزيين 80 حتقرفك كل شويه و مش حتحس انك راكب 280 و كمان الحجم كبيير على داخل البلد لو مشاويرك كلها سفر مفيش مشكله لكن هى كعربيه ثباتها عالى جدا و جرايه و قطع غيارها معمره جدا و تستحمل و من اكتر الموديلات اللى سمعت فى مرسيدس كفايه انها لسه فيه منها فى عربيات الرئاسه لدلوقت
اتمنى اكون قدرت افيدكم

---

بعد جولة في معظم موديلات المرسيدس اقول بدون مبالغة ان ال126 احسن عربية عملتها مرسيدس كل حاجة فيها ممتازة ..هيا حجمها كبيرة شوية لكن بالتغاضي عن الحجم هيا اقرب مرسيدس للكمال مش عربية قديمة واكصدامها كروم و مش كلها فيبر و بلاستيك عربية كل حاجة مصنوعة فيها بتفوق معظمها كهربا لكن نضيفة مش بتعطل كراسيها الكهربا ممكن تشتغل 20 سنة و متعطلش خاماتها نضيفة ركوبها مريح شكلها بسيط و شيك جدا...ال300 منها لو مظبوطة بتعمل 11 لتر/100 كيلو دا استهلاك ممتاز بالنسبة لعمرها و موتورها الكبير ..انا ركبتها 8 سلندر و 6 سلندر عن تجربة العربية دي كل ما اركبها انبهر بيها اكتر و اكتر