هل يمكن حجز تذكرة طيران من مطار القاهره ؟؟
عرض للطباعة
هل يمكن حجز تذكرة طيران من مطار القاهره ؟؟
عادي ينفع بس لو قصدك تحجز وتسافر على طول فا هيا متاحه لدرجة رجال الاعمال
لاكن السياحية على حسب وكمان احيانا درجة رجال الاعمال على حسب بردوا
فا لازم تحجز قبل السفر بيوم يومين كده
يعني لو هاسافر يوم 9 و رحت النهارده مثلا ممكن احجز على الدرجه السياحيه في طيران السعوديه ؟
لو يوم 9 ممكن تلاقي حجز ان شاء الله ومش ولو ملقتش في شركه معينه حتلاقي في شركات تانيه
يعني ممكن بدل ما تروح المطار اعرف الاول تمن التذكره كام عن طريق اي شركة طيران على النت
وممكن عن طريق اي مكتب سياحة وحجوزات سفر يحجزلك ده لو ملقتش حجز معين :)
وناوي تخلع ولا ايه ههههههههههههههه خدنا معاك
لأ و الله يا باشا بس المشكله انا اقرب مكاتب الحجز بالنسبالي في وسط البلد و انت شايف الدنيا عامله ازاي
طب ما تحجز اونلاين؟
بص هو الحجز من المطار زي الحجز من غير المطار
لو فيه اماكن متاحة هيحجز لك عادي جدا
ممكن تحجز بأستخدام خدمة فوري من على موقع مصر للطيران
بتحجز بدون دفع أي حاجة و بيديك رقم مرجعي............تروح عند أي حد عنده خدمة فوري بالرقم ده و تدفع الفلوس خلال 24 ساعة و لو ملحقتش خلال 24 ساعة الحجز بيتلغي تلقائياً.
انا موظف طيران فى شركه طيران خاص قولى على اليوم اللى حابب تسافر فى وانا تحت امرك عاوزنى اقابلك لو مش حابب تنزل وسط البلد مافيش مشكله بس قولى انت عايز تروح فين فى السعوديه ؟