الموضوع: و أخيرا نايل موتورز يختبر الجولف Tsi (صور+فيديو)

المشاركة الأصلية كتبت بواسطة pendodo2002

شغل تمام
بس عندك غرامتين عدم ربط حزام وواحده عكس السير وواحده غرزه وواحده سرعه عاليه :p

ههههههههه فكرتني

أحمد عزت سرع واحد مواطن مسكين راكب لانسر

عدى جنبه بسرعة ولازق جنبه

الراجل ياعيني ركن على جنب بعد ما عدوا منه

ألف شكر يا رجالة
لكن ليه الفديو مش راضي يشتغل وبيقول no longer available ــ ؟؟؟

الفديو فتح معايا على الرابط التالي:
http://www.youtube.com/watch?v=Yfxf4...eature=related
الله ينور يا رجال

وما زلنا في انتظار تقرير السائق المحترف معاذ الشرباصي

ايه ده يا دكتور احمد التشريد ده, محترف مين و بتاع ايه بس

الصراحة كان يوم ممتاز بجد, و احسنها الصحبة الحلوة

العربية فعلا ادائها كان ممتع

تقريبا معظم الكلام قاله احمد و نادر

لكن انا كان لى تعليق على كذا حاجة:

1- الباور بتاع العربية: هو طبعا كهرباء, و استجابته ممتازة جدا جدا, سواء على السرعات العالية او على الواقف, و الواحد حس انه بيضحك عليه لما قارنته بالباور الكهرباء بتاع السريون..... فرق السما من العمى بجد

2- العربية كان فى حاجة غريبة جدا, لما بمشى بسرعة و اجى اشيل رجلى من على دواسة البنزين, العربية بتبطأ من نفسها, من غير لما ادوس فرامل. سألت استاذ محمد على الموضوع ده, لكن مكنش فى اجابة منه, مع العلم اننا كنا ماشين على النقلة S مش D

3- تسارع العربية سلس جدا جدا, و انا فى الاخر جربتها على سرعات مش عالية علشان اشوف ادائها كأننا فى وسط البلد.... ممتازة فعلا

4- الفرامل بتاعة العربية مفيش بغد كده, بالرغم انها كانت على اخرها بسبب الاستخدام العنيف, و مع ذلك كانت حاضرة فى كل المواقف.... اظن واضح من الفيديو و التشريد اللى حصل للسريون

المشاركة الأصلية كتبت بواسطة Chicco

\/\/\/
ألف شكر يا دكترة ...بس ما تنساش إن تمنها قد السريون مرتين و أكتر ....كتر خير السريون قوي ...في انتظار المزيد من التجارب القيمة

انا مش بقارن بينها و بين السريون عموما

انا بقارن بين الباور الكهرباء بتاع الاتنين.

يعنى البارو بتاع السريون المفروض انه بيتقل مع السرعة (و للاسف مبيتقلش اوى), ناعم على الواقف. لكن فعلا الفرق غير عادى

انا اصلا مبحبش النعومة الزايدة بتاعة باور السريون