انا عندى مشكلة فى التكيف و رحت لكذا واحد و الكل قالى الكنترول لازم يتغير.. المهم رحت لواحد فى شارع دمشق المفروض انه نضيف بس هو راجل زبالة فعلا غيرت الكنترول و شحنت الفريون بالكومبيوتر و التكيف كان تمام مفيش بعدها بيومين اللى هو النهاردة لقيت التكيف رجع زى الاول و روحت للراجل دة تانى قالى الكنترول باظ و عايز يتغير( و باظ ايه فى يومين!!!) عمل نفس الشغل تانى و غيرو و شكل اصلا الكنترول اللى كان مركبة فى الاول مضروب و بعد ماخلص كان عايزنى ادفع تانى و بعدها قالى النص علينا و النص عليك طبعا مرضتش و عليت صوتى و انا معايا الفاتورة مكتوب فيها الضمان و كل حاجة بعدها قالى طب ادفع نص تمن الشحن و اول ما قالى كدة انا كبرت فى دماغى اكتر مش دافع عشان طريقتهم عايزين اى فلوس و خلاص و شغل نصب..
انا كنت عايز اسأل عن حاجة دلوقت الفلتر بتاع التكيف ليه علاقة بان الكنترول يبوظ و يكون دخلة رطوبة عن طريق الفلتر؟؟ و الحارق دمى المرة دى ان صاحب المحل بيقول ان السبب الفلتر و كان لازم يتغير و انا المرة اللى قبلها سألتة قالى لا الفلتر تمام و مفيش اى مشكلة !!
معلش طولت عليكو بس انا حبيت اخد رائيكو و فى نفس الوقت الناس تستفيد لو حصلهم نفس المشكلة